Matiyu 23:8 - The Keyagana NT and 25 OT books

⁸ Nehapaiyaʼmonanafa lapakaefeʼmo, ala tisa nene, huʼa lapaki aesaya agufa kavatapimo ohaneʼniye. Ala tisa netapimo magoke vekatapimo maiʼnigetapaeʼmo lapakaemo magoke aiyaya konaga vayaʼmo maiʼnayaʼmofeʼmae.

Matiyu 23:8 ပူးပေါင်းရင်းမြစ်များ

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 23:10

Kava netapimo magoke vekamo Kalaisiʼa maiʼniyaʼmofeʼmo lapakaefeʼmo, kava vayatimogitapae, huʼa lapaki aesaya agufa kavatapimo ohaneʼniye.

Matiyu 23:7

Maketi kumateʼmo maiʼnaya vayaʼmogimo ge apamamaeteʼa amuse huʼa neʼapataya kavafekeʼmo nehapaiye. Ala tisa nene, Ala tisa nene, huʼa nehaya geeʼmo nehapaiye.

Matiyu 26:25

Yutasiʼmo kutulu yaʼmo aliʼniya vekamoʼmo hunoʼaeʼmo, Tisao, huno, nagaefeʼmo nehapiye, huno afi geʼnigenoʼaeʼmo Yesuʼa, ago alagi nehane, huno ha paiʼniye.

Matiyu 26:49

Yutasiʼa eno avaʼyi nehunoʼaeʼmo malage huno Yesutegamo unoʼaeʼmo, Tisao, huno ge amamaeteno haeno neʼniye.

Maki 10:51

Yesuʼa hunoʼaeʼmo, na kavaʼmo huʼna katesuve, huno afi geʼnigeno aulaga ali huʼniya vekamoʼmo hunoʼaeʼmo, Tisao, huno, naulagamo alika ayakeka nato, huno huʼnigenoʼaeʼmo,

Maki 11:21

Pitaʼa Yesuʼmo huʼniya kavafeʼmo agesamo afino ho huʼniye. Hunoʼaeʼmo, Tisao, huno, ago. Lifana huka ateʼnana figi yosamo ago falu teʼniye, huno huʼnigeno

Maki 14:45

Yutasiʼa uno avaʼyi hutenoʼaeʼmo Yesutega uno, Tisao, huno huteno haeno neʼniye.

Maki 9:5

Pitaʼa hunoʼaeʼmo, Tisao, huno, manile maiʼnonageno kanale huʼniye. Loleʼe magoʼe hage noʼmo kigune. Kagae noʼmo kite Mosese noʼmo kite Ilaiya noʼmo kite hugune, huno ha paiʼniye.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Yoni 1:38

Akame huʼana uʼnaʼageno Yesuʼa aino afe leno anaketenoʼaeʼmo, na agufa yafeʼmo kahauya nehaʼae, huno anafi geʼnigeʼanaeʼmo, Lamai, ina ge huʼana Tisao, nehavana noʼmo haiyate haneʼniye, huʼana afi geʼnaʼagenoʼaeʼmo,

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 11:8

Tisao, huʼa, ani kotega maiʼnaya Yu vayaʼmogimo yafa kayotetiʼmo kamagisayafeʼmo huʼnayana halate Yutiya kotegamo visanafeʼmo nehapiye, huʼa afi geʼnagenoʼaeʼmo,

Yoni 20:16

Yesuʼa hunoʼaeʼmo, Maliyao, huno huʼnigeno aino afe leno Himulu gefatiʼmo hunoʼaeʼmo, Lamonai, ina ge huno, Tisao, huno huʼnigenoʼaeʼmo,

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 3:26

Ge vaiteʼa Yonitegamo uʼapaeʼmo, Tisao, huʼa mugagayaga faliga kagaeʼeʼmo lokaeno maiʼniya vekamo ava gemo huʼnana vekalegamo muki vayaʼmo uʼnageno aniʼmo faleno neʼapate, huʼa ha paiʼnageno

Yoni 4:31

Neʼageʼapaeʼmo geʼamo neʼafiya vayaʼmogi, Tisao, huʼa, neʼyaʼmo alika no, huʼa ha paiʼnagenoʼaeʼmo,

Yoni 6:25

Ani kotuʼmo mugagaya faligamo lakaeʼuʼa avaʼyi huteʼa Yesuʼmo maiʼnigeʼa ageteʼapaeʼmo, Tisao, huʼa, hainu afinaʼmo manileʼmo eka maiʼnane, huʼa afi geʼnagenoʼaeʼmo

Yoni 9:2

Geʼamo neʼafiya vayaʼmogimo huʼapaeʼmo, Tisao, huʼa, ina laʼmo huʼniya hosu kavaʼmoʼa itaʼamoʼmo alino ateʼniya afinatetiʼmo aulagamo aeno agufa heʼniya vekamo maiʼniye. Ani kavaʼmo aepaʼamo agaiʼamo huʼniya hosu kavaʼmoʼa huʼnifi itaʼafoʼalaʼmoganimo huʼnaʼa hosu kavaʼanimoʼa ani agufa kavaʼmo huʼniye, huʼa afi geʼnagenoʼaeʼmo

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

2 Kolitiyani 4:5

Lagaemo lagaitieʼmo aeta hakalo nosupa Yesu Kalaisiʼa Ala kava netiekeʼmo aeta hakalo nehune. Lagaemo Yesu agiʼalefeʼmo aliʼyaʼamo neʼaluna vayatapimo maiʼnone.

Efasasi 3:15

Goti afamo anaga vayaʼamo muki kokuʼnapi neʼmaiya vayaʼe ma mopafi neʼmaiya vayaʼmogiʼeʼmo Gotiʼa afoʼapimotetiʼmo ala apakiʼapimo neʼaliye.

Failimoni 1:16

Kalavusi aliʼyakamo neʼaliya vekamo magoʼe huno oʼalino afaʼa maiʼniya vekaeʼmo lahau layamopafiʼmo lahauʼniya konagatimo maiʼniyaʼmofeʼmo afaʼa alika falu fala huka ategane. Magoʼe huno konagaʼnimoʼmo maiʼniyaʼmonanafa ma mopafi konagakamoʼmo maige Ala kava netefeʼmo konagakamoʼmo maige huʼniyaʼmofeʼmo afaʼa alika falu fala huka atesana kavaʼmo haneʼniye.

Yemisi 3:1

Konagaʼnimogitapae, huʼna, fiku yanagetapa mukiʼamogitapamo, lagaemo yagaita apatesuna tisa vayaʼmo maigesune, hutapa hugae. Na kava hinagetapaene. Gotiʼa tisa vayaʼmogitamo lusi kava huno agoti huno lategaiyaʼmofeʼmae.

1 Pita 5:3

Gotiʼa apavaleno lapayapiʼmo lapamiʼniya sipisipileʼmo yagaitapa neʼapatetapaeʼmo alita afepi oʼapatetapa lapakame hisayafeʼmo apakaetegamo alagepa kavaʼageʼmo hiyo.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.

Leveleseni 22:9

agaemo, afaʼa ato. Nagaemo kagaeʼeʼmo aliʼyaʼamo neʼaluʼa vekaʼalaʼmo maiʼnoʼae. Nagaemo konagakamogimo Gotitegati gemo alini eʼa aeʼa hakalo huʼa hapa nepaiya vayanagi muki vayaʼmogimo mani mukufiʼmo haneʼniya gemo afiteʼa akame nehaya vayanagi huʼna apafaluʼapimoʼnamo maiʼnovaʼmofeʼmo aliʼyaʼamo neʼaluna vayaʼmo maiʼnone. Gotifekeʼmo mono huvo.