Matiyu 22:39 - The Keyagana NT and 25 OT books

³⁹ Napa tu keʼaepa geʼe napa vani keʼaepa geʼeʼmo magoke agufa gelaʼmo haneʼniye. Napa tu keʼaepa gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino.

Matiyu 22:39 ပူးပေါင်းရင်းမြစ်များ

Matiyu 22:38

Mani keʼaepa gemo hogote gemo haneʼneno muki keʼaepa geʼamo ago aeno aga seʼniye.

Maki 12:31

Lole keʼaepa gemoʼa hunoʼaeʼmo, lapakaitapieʼmo lapau lapayamopafiʼmo nelapaiya agufa kavaʼmo huno lapaopaleʼmo maiʼnaya vayaʼaifeʼmo lapaino, huno huʼniye. Huno hutenoʼaeʼmo, mani lole keʼaepa gelaʼmoʼa muki keʼaepa geʼamo ago aeno aga seʼniye, huno ha paiʼniye.

Lomu 13:8

Anonatapimo afaʼa ohaneno. Magoke anonatapimo afaʼa haneʼnisiyaʼmoʼmo anonatapilefeʼmo muki konagatapimogifeʼmo lahapau lapayamopafiʼmo lapaino. Vayaʼaifeʼmo hapau apayamopafiʼmo nehapaiya vayaʼmogimo muki keʼaepa geʼamo akame huʼa aliʼa afole aiʼa neʼatae.

Lomu 15:2

Lagaemo lamete lamete huta konagatimogi apamogaga aiʼa alagepa huʼa maisayafeʼmo hapa maeta alita lokiya vaita apatesuna kavaʼmo haneʼniye.

Galesiya 5:14

Muki keʼaepa gemo aepaʼamo magoke keʼaepa gefiʼmo haneʼniya gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino, huno huʼniya gemo akame huʼnisayana muki keʼaepa gemo akame hutapa hano huʼnae.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Yemisi 2:8

Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.