Matiyu 22:3 - The Keyagana NT and 25 OT books

³ Agaemo aliʼyaʼamo neʼaliya vayaʼmo alino apateʼnigeʼa uʼa eyo huno ge huʼniya vayaʼaifeʼmo hapa paiʼapaeʼmo, yahauve vekamoʼmo ago neʼyaʼmo kaeʼniyanagi eyo, huno huʼniye, huʼa hapa paiʼnayaʼmonanafa oʼafiʼnae.

Matiyu 22:3 ပူးပေါင်းရင်းမြစ်များ

Samu 68:11

Ala kava neʼmoʼa hunoʼaeʼmo, Afole aiʼniya kavafeʼmo ava gemo alinitapa uta hapa paiyo, huno hapa paiʼnigeʼa asole vayaʼmo Saiyoni vayaʼmogimo aliniʼa uʼnae.

Sefanaiya 1:7

Ala kava neʼmoʼa agoti huno apatesiya afinaʼmo ago eno hogo huʼniyaʼmofeʼmo lapakaemo Yuta vayaʼmogitapamo agaetegamo etapa hogo huʼnetapa ge osuta afaʼa maiyo. Vayaʼmogi afumo amagiʼa ofalinimo nehaya agufa kava huno Ala kava neʼmoʼa vayaʼmo apamagino ofalinimo hugiye. Agaemo vayaʼaifeʼmo ago keya aeno ge huʼniyanageʼa ofalinimo hisayategamo egae.

Matiyu 21:34

Nofi alagamo ago afu leʼnigenoʼaeʼmo agaemo aliʼyaʼamo neʼaliya vayaʼmogi nofi alaga hetamaʼamo alisayafeʼmo alino apateʼnigeʼa hoyaʼaleʼmo neʼyagaiya vayaʼaitegamo uʼnae.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Matiyu 3:2

Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.

Matiyu 9:15

Yesuʼa hapa painoʼaeʼmo, saufa aʼmo aliʼniya vekaʼe ao vayaʼaʼeʼmo magokepi lokaeʼa maiʼneʼapaeʼmo yulagefa noʼaiyaʼmonanafa henagaʼamo mago vayaʼmogimo aʼmo aliʼniya vekamo apakaetegatiʼmo avaleliʼa visageʼapaeʼmo neʼyaʼmo oʼneʼa mo sigae.

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Luki 15:28

aipamo leʼnigeno nopiʼmo uno haisiyafeʼmo ohauʼnigeno kumatega maiʼnigenoʼaeʼmo afoʼamoʼmo emineno, kahao ke hovanagi nopiʼmo eka haikeno, huno ha paiʼniyana

Luki 19:27

inagi kame vayaʼnimogi agaemo yagaino latesiyafeʼmo olahauʼniye, huʼa huʼnaya vayaʼmo apavaleliteta naulagaleʼmo kamitimo apamagiyo, huno hapa paiʼniye, huno Yesuʼa hapa paiʼniye.

Yoni 5:40

Huʼniyaʼmonanafa maige maige hutapa maisaya yaʼmo alisayafeʼmo nagaetegamo esayafeʼmo alagi olapauʼniye.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Lomu 10:21

Huʼniyaʼmonanafa Gotiʼa Isaleli vayaʼaifeʼmo hunoʼaeʼmo, Nagae gemo oʼafiʼa himuʼnamu kavaʼmo nehaya vayaʼaiteʼmo yatala afinaʼmo he tiʼna maiʼneʼnaeʼmo eyo, huʼna huteʼna nahakumo aliʼna ataleʼna maiʼnove, huno hapa paiʼniye.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 9:15

Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.

1 Samiyo 9:13

Lanakaemo taonifiʼmo utana haisaʼa afinaʼmo agaemo agegaʼae. Agesaʼageno agaemo neʼyaʼmo nesiyafeʼmo aise avefiʼmo uno haigiye. Vayaʼmogimo ofalini ameʼamo afaʼa oʼnegae. Hogoteno neʼageya vekamoʼmo ofalinimo alino auleno ategaiye. Atetesigeʼa henagaʼamo keya aeʼnigeʼa eʼnaya vayaʼmogimo neʼyaʼmo negae. Hemenimo afaʼa agegaʼaʼmofeʼmo utana haiʼao, huʼa hana paiʼnae.