Matiyu 22:13 - The Keyagana NT and 25 OT books

¹³ Ala kini vekamoʼmo aliʼyaʼamo neʼaliya vayaʼaifeʼmo hapa painoʼaeʼmo, aiya ayateʼmo nofi kitetapa alinituta malaga hani kopiʼmo yaga auta ataleyo. Ani koteʼmo maisaya vayaʼmogimo aviʼya huge apavepiʼmo haniʼa agafu kige huʼa maigae, huno huʼniye, huno hapa paitenoʼaeʼmo,

Matiyu 22:13 ပူးပေါင်းရင်းမြစ်များ

Samu 112:10

Hosu vekamoʼmo ani kavaʼmo agetenoʼaeʼmo ohauʼninageno aipamoʼmo kana hugiye. Koʼmopamo avayafiʼmo hanigeno ani neheya kava huno alagi oʼmaigiye. Hosu vayaʼmogi alagepa kavaʼmo apakaetegamo afole aisiyafeʼmo apavayagunagu nehayaʼmonanafa ani hapauʼniya kavaʼmo alagi hano hugiye.

Samu 37:12

Hosu vayaʼmogimo fatago vayaʼaitegamo hosu kavaʼmo hisayafeʼmo ina kava hugune, ma kava hugune, huʼa huteʼa maiʼneʼapaeʼmo hosu apaugosamo kaliteʼa maku make huʼa neʼapatae.

Aiyeya 52:1

Agaemo Yulusalemu vayaʼaifeʼmo hunoʼaeʼmo, O Saiyoniyo, huno, Aupatiʼmo hauneyo, aupatiʼmo hauneyo, Kagaemo he tika lokiya vaiyo. O Yulusalemu kaote taoniyo, huno, Kagaemo kanale kanale konali kukenakamo alika vaiyo. Apakufaleʼmo Goti alagena yaʼamo oʼaliʼnisaya vayaʼe oʼaniʼya faiʼniya vayaʼeʼmo kagaetegamo magoʼe huʼa oʼmegae.

Neniyo 3:20

Agaemo ami vayapatiʼmo lokiya kamemo nehaya ami vayaʼaifeʼmo hunoʼaeʼmo, Satalakiʼagi Misakiʼagi Ameʼnagoʼagi hutapa nofi kita apatetetapa apasaugauta atafi yaga aiyo, huno hapa paiʼniye.

Matiyu 12:29

Mago vekamoʼmo lokiya vekamo aiya ayateʼmo nofi kino oʼateʼnisiyana noʼafatiʼmo uno haino kagemi yaʼamo alinino oʼugiye. Hogoteno atafauno aiya ayateʼmo nofi kino ateʼnisiyana noʼafatiʼmo uno haino kagemi yaʼamo alinino ugiye.

Matiyu 13:30

vitiʼe inoʼeʼmo magokepi lokaeno haneme haneme neʼvisigeʼapaeʼmo neʼyaʼmo alisaya afinaʼmo aligae. Neʼyaʼmo lesigeʼnaeʼmo neʼyaʼmo alisaya vayaʼaifeʼmo hunoʼaeʼmo, hogoteta inoʼmo alita atafiʼmo kaesayafeʼmo hayaeta maleʼnetapa viti neʼyaʼageʼmo alita neʼyaʼmo neʼmalova nopiʼmo maleyo, huʼna hapa paiguve, huno hapa paiʼniye.

Matiyu 13:42

alopa atafiʼmo yaga auʼa apatalesageʼa aviʼyaʼmo huge apavepiʼmo haniʼa agafu kige huʼa maigae.

Matiyu 13:50

alopa atafiʼmo yaga auʼa apatalesageʼa aviʼyaʼmo huge apavepiʼmo haniʼa agafu kige huʼa maigae, huno hapa paiʼniye.

Matiyu 24:51

Enoʼaeʼmo naipeletiʼmo folagapatiʼmo heno apalo atiteno aeʼa ati nekaya vayaʼmo maiʼnayategamo alino atesigeno uno aviʼya huge avepiʼmo hanino agafu kige huno maigiye.

Matiyu 25:30

Inagi afa aliʼyaʼmo neʼaliya vekamo atafaulituta malaga hani kopiʼmo asagautapa yaga auta atalegeno aviʼyaʼmo huge avepiʼmo hanino alagi huge huno maino.

Matiyu 8:12

Gotiʼa yagaino neʼapateya kotetiʼmo mafaʼneʼamo hani kopiʼmo alino yaga auno apatalesigeʼapaeʼmo malaga maiʼneʼa aviʼyaʼmo huge apavepiʼmo haniʼa agafu kige huʼa maigae, huno huteno

Luki 13:28

Lapakaemo alino lapafaino lapatalesigeta maiʼnetapaeʼmo apakesayana Emalehamuʼagi Aisikiʼagi Yekopuʼagi muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼeʼmo Gotiʼa yagaino neʼapateya koteʼmo maiʼnisagetapaeʼmo malaga maiʼneta apaketetapaeʼmo aviʼyaʼmo huge lapaipamo leʼninagetapa lapavepiʼmo hanita agafu kige huta maigae.

Yoni 21:18

Alagi lama gemo kaha nepauve, neya vekamo maiʼnekaeʼmo kukenakamo kagaikamo alika vaitekaeʼmo kagesa afiʼnana kotegamo afaʼa utaleka neʼane. Henagaʼamo kosuna letekaeʼmo kayaʼmo aeka hayo huʼnisanageno kukenakamo vaino kateteno visanafeʼmo okahauʼnisiya kotegamo kavalelino ugiye, huno ha paiʼniye.

Apa 21:11

Agaemo Polo mapaluʼmo alino agaiʼa aiyalateʼe ayatalateʼeʼmo ki maleʼnenoʼaeʼmo, Goti Aunemeʼamoʼmo ina ge hunoʼaeʼmo, ani kava huʼa Yulusalemu taonifiʼmo maiʼnaya Yu vayaʼmogimo mani mapaluʼmo afoʼamoʼmo nofi kiʼa ateteʼapaeʼmo alu nofi vayaʼmo avaleʼa apamigae, huno huʼniye, huno laha paiʼniye.

Apa 7:54

Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigeno lusi kava huno apaipamo leʼnigeʼapaeʼmo apavepiʼmo haniʼa alagi huʼnae.

2 Tesaloniyani 1:9

Apakaemo Ala kava neʼmo aulagaleʼmo oʼmaigayaʼmonanafa ha le konali himamuʼaʼe yategatiʼmo alino hapa faino apataletenoʼaeʼmo muki afinaʼmo alino apagoʼya lagauno apatalete apatalete hugiye.

2 Pita 2:17

Apakaemo ani kavaʼmo huʼa kelifiʼmo haneʼniya aniʼmo leno laneʼnigeno keliʼageʼmo haneʼniya keligana huʼa maiʼnae. Hiyaʼmo yasimoʼa alinino neʼviya hiyakana huʼa maiʼnae. Gotiʼa lusi hani huʼniya kopiʼmo maisayafeʼmo alo huno apateʼniyanageʼa maige maige huʼa maigae.

2 Pita 2:4

Enisole vayaʼmogimo hosu kavaʼmo huʼnagenoʼaeʼmo Gotiʼa apakeno oʼapataleʼnifa seli nofitetiʼmo kino apateteno ata kopiʼmo alino yaga auno apataleʼnigeʼa agoti huno apatesiya afinafeʼmo hani kopiʼmo maiʼneʼa agava maiʼnae.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.

Yuti 1:6

Gotiʼa mago enisole vayaʼmo aliʼyaʼmo apamiʼnigeʼapaeʼmo yagaiʼnaya aliʼyaʼapimo atalege maiʼnaya koʼapimo atalege huʼnagenoʼaeʼmo Gotiʼa apatafauno hanege hanege huno hanesiya seli nofitetiʼmo kino apateteno alopa agotimo huno apatesiya afinafeʼmo malaga hani kopiʼmo apateʼnigeʼa maiʼnae.

Leveleseni 21:27

Oʼaniʼya faiʼnisiya yaʼmo ani taonifiʼmo ohanegaiye. Apavagage hisiya kavaʼmo nehaya vayaʼmofi aigofe gemo nehaya vayaʼmofi huʼa uʼa ohaigayaʼmonanafa afaʼa maisaya yaʼmo aliʼnisaya vayaʼai apakiʼapimo mukufiʼmo avoʼmo kae maleʼniya vayaʼageʼmo uʼa haigae.