Matiyu 21:46 - The Keyagana NT and 25 OT books

⁴⁶ Apakaemo kalavusi huʼa atesayafeʼmo huʼnayaʼmonanafa asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa huʼnayaʼmofeʼmo koli huʼnae.

Matiyu 21:46 ပူးပေါင်းရင်းမြစ်များ

Mai'naya kavane 15:12

Himuʼnamu kavaʼmo nehiya vekamoʼmo alino api aino atesiya gemo huʼniya vekaeʼmo ohauʼniyaʼmofeʼmo afiteʼa ageʼnaya vayaʼaitegamo oʼugiye.

Matiyu 21:11

asole vayaʼmo akame huʼa eʼnaya vayaʼmogi huʼapaeʼmo, Yesuʼmo Galeliya kotega Nasalasa taonifi vekamo Gotitegati gemo alinineno aeno hakalo huno hapa nepaiya vekamae, huʼa hapa paiʼnae.

Matiyu 21:26

Hugiyaʼmofeʼmo ma mopafi vayaʼmogimo lekana paiʼa ateʼnae, huta hisunana vaehae asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa nehayaʼmofeʼmo apakaefeʼmo koli hune, huʼa huʼnae.

Matiyu 21:45

Mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼmogiʼeʼmo Yesuʼa aeno kalafefa gemo huʼniya gemo afiteʼapaeʼmo, lagaefeʼmo huʼniye, huʼa huʼnae.

Matiyu 22:1

Halate Yesuʼa aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago ala kini vekamoʼmo mafaʼneʼamoʼmo aʼmo alisiyafeʼmo lusi neʼyaʼmo kaeʼniye.

Maki 11:18

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae.

Luki 7:16

Muki vayaʼmogi koli huteʼa Goti agiʼaleʼmo aliʼa asaga huʼa ateteʼa, ala vekamo Gotitegati gemo alinineno aeno hakalo huno hapa nepaiya vekamo lagaetegamo ago afole aiʼniye. Gotiʼa vayaʼamo emineno hapa maeʼniye, huʼa huʼnae.

Luki 7:39

Yesufeʼmo hunoʼaeʼmo, eno, huno ge huʼniya Falasi vekamoʼmo agetenoʼaeʼmo, ani vekamo Gotitegati gemo alinineno aeno hakalo huno hapa nepaiya vekamo maiʼniyesinana haiya agufa a kanomoʼmo eno name neʼalifi huno ageteno hosu kavaʼmo nehiya a kanomo maiʼniye, huno ageʼniyesine, huno aipafiʼmo agesamo afiʼniye.

Yoni 7:30

atafauʼa kalavusi huʼa atesayafeʼmo huʼnayaʼmonanafa agae afinaʼmo afole oʼaiʼniyaʼmofeʼmo mago vekamoʼa atafausiya kaʼmo ohaneʼniye.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.