Matiyu 21:23 - The Keyagana NT and 25 OT books

²³ Yesuʼa halate alopa mono nopiʼmo uno haino alino apaya neʼmalegeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼai vayatama vayaʼeʼmo agaetegamo eʼapaeʼmo, haiya agufa yakamo yagaisana yaʼmo aliʼnekaeʼmo mani kavaʼmo nehane. Ina laʼmo mani kavaʼmo huvo, huno kaha paiʼniye, huʼa ge huʼa afi geʼnageno

Matiyu 21:23 ပူးပေါင်းရင်းမြစ်များ

Hatu maeno apate'niya gemae 2:14

Ina laʼmo lagaeteʼmo yagaika lateʼneka agoti getimo afiteka alika fako huka latesana vekamo maigane, huteno lekana paino kateʼniye. Kagaemo Isipi vekamo kamitimo amagiʼnana kava huka nagaemo namagisanafeʼmo nehapiye, huno huʼnigeno Moseseʼa ani gemo afitenoʼaeʼmo, nagaemo huʼnova kavafeʼmo muki vayaʼmogimo ago afiʼnae, huno agesamo afiteno koli huʼniye.

Matiyu 20:4

lapakaeʼeʼmo nofi hoyaʼnifiʼmo uta magokepi aliʼyaʼmo aligeʼnao, kanale miyaʼmo lapamiguve, huno hapa paiʼnigeʼa uʼnae.

Matiyu 21:24

Yesuʼa geʼapileʼmo aeno atagaina huno hapa painoʼaeʼmo, mago kavafeʼmo ge huʼna lapafi gegauve. Aeta atagaina hutapa naha paisageʼnaeʼmo haiya agufa alagena yaʼnimo yagaiʼnova yaʼmo aliʼneʼna mani kavaʼmo nehufi huʼna lapa paiguve. Yoniʼa aniʼmo faleno apatesiyafeʼmo haiyatetiʼmo alagena yaʼmo aliʼniye.

Matiyu 24:1

Yesuʼa alopa mono nopatiʼmo ataleno neʼvigeʼapaeʼmo geʼamo neʼafiya vayaʼmo agaetegamo eʼa alopa mono nokofeʼmo, ago, huʼa huʼnagenoʼaeʼmo,

Matiyu 26:55

Hapa paiteno asole vayaʼaifeʼmo hunoʼaeʼmo, lapakaemo naipe alige kayoʼmo alige hulita eʼnayana nagaefeʼmo hutapaeʼmo, vayaʼmo apamagiteno kumaya neʼaliya vekamo maiʼniye, hutapa lapakesamo neʼafifiye. Nagaemo muki afinaʼae afinaʼaeʼmo alopa mono nopiʼmo aliʼna apaya neʼmalogetapaeʼmo eta oʼnatafauʼnayaʼmonanafa

Luki 19:47

Muki afinaʼmo mono nopiʼmo alino apaya malege malege huno maiʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi ala apaki vayanagi huʼa amagisaya kafeʼmo kahauya huʼnae.

Luki 20:1

Mago afinaʼmo Yesuʼa Yu vayaʼai alopa mono nopiʼmo uno haino alagepa faigoko gemo alino apaya maleʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa eʼa,

Apa 4:7

Maiʼneʼapaeʼmo apa vekalaʼmo folagapiʼmo aliʼana he tiʼana anateʼneʼapaeʼmo, Haiya agufa himamutaniletiʼe ina la agiʼaletiʼeʼmo ani kavaʼmo huʼnaʼae, huʼa anafi geʼnagenoʼaeʼmo

Apa 7:27

konagaʼamoʼeʼmo kaveta huʼniya vekamoʼmo eno Moseseʼa alino agoʼya faino ataletenoʼaeʼmo, Ina laʼmo lagaeteʼmo yagaiʼneka agoti getimo afiteka alika fako huka latesana vekamo maigane, huno lekana paino kateʼniye.