Matiyu 21:16 - The Keyagana NT and 25 OT books

¹⁶ Apakaemo Yesufeʼmo, mafaʼne anagaʼmogi nehaya gemo afiʼnapiye, huʼa afi geʼnagenoʼaeʼmo, he afiʼnove. Goti gemoʼa hunoʼaeʼmo, aise mafaʼne anagaʼe nute mafaʼnemogiʼeʼmo kagikaleʼmo aliʼa asaga hisayafeʼmo alika apaya maleʼnane, huno huʼniya gemo lekana opaiʼnafiye, huno apafi geʼniye.

Matiyu 21:16 ပူးပေါင်းရင်းမြစ်များ

Samu 8:2

Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Matiyu 12:3

Neviniʼmo avagi huʼa uʼnaya vayaʼmo apaka teʼnigeʼapaeʼmo huʼnaya kavafeʼmo ava gemo lekana paita oʼafiʼnafiye.

Matiyu 19:4

Ve yalavelaʼani kavafeʼmo Goti mukufiʼmo ava gemo huʼniya gemo lekana paita oʼafiʼnafiye. Gotiʼa avoʼmo kae maleʼniya gemoʼa hunoʼaeʼmo, Gotiʼa afa yatetiʼmo aepa faino alo huʼniya afinaʼmo ve kanomo alo huteno a kanomo alo huʼniye.

Matiyu 22:31

Faliʼnaya vayaʼmo he tisaya kavafeʼmo Gotiʼa lapa paiʼniya gemo mukuʼafiʼmo haneʼniyana lekana paita oʼafiʼnafiye.

Maki 13:17

Vaehae, huʼna, ani afinaʼmo apaipa guʼe maiʼnisaya aʼne anagaʼe mafaʼnemo nu neʼapamisaya aʼne anagaʼeʼmo nahau huve.

Maki 2:25

Yesuʼa hunoʼaeʼmo, Neviniʼe avagi huʼa uʼnaya vayaʼmogiʼeʼmo apaka teʼnigeʼapaeʼmo huʼnaya kavafeʼmo ava gemo lekana paita oʼafiʼnafiye.

Luki 21:23

Gotiʼa ani vayaʼaifeʼmo aipamo leno apateteno apakafu kisiya kayoʼmo apamigiyaʼmofeʼmo vaehae, huʼna, apaipaguʼeʼmo maiʼnisaya aʼne anagaʼe mafaʼnemo nu neʼapamisaya aʼne anagaʼefeʼmo nahau huʼna apatove.