Matiyu 20:34 - The Keyagana NT and 25 OT books

³⁴ Yesuʼa hau huno anateteno anaulagalateʼmo ayaʼmo maleʼneno alino ayakeno anateʼnigeʼana ageʼana yaketeʼana akame huʼana uʼnaʼae.

Matiyu 20:34 ပူးပေါင်းရင်းမြစ်များ

Samu 119:67

Kayoʼmo oʼnamiʼnanageʼnaeʼmo hogoteʼna gekamo ago ataleʼnovaʼmonanafa hemenimo gekamo akame nehuve.

Samu 119:71

Kayoʼmo namiʼnanageʼnaeʼmo gekamo afiʼnovaʼmofeʼmo kayoʼmoʼa alagepa huno naha maeʼniye.

Samu 145:8

Ala kava neʼmoʼa fikumo laha maeno lamige hau huno latege malage huno aipamo leno olatege hau ayamopafiʼmo hauge nehiye.

Matiyu 14:14

Yesuʼa ani agiʼnaleʼmo eno avaʼyi hutenoʼaeʼmo sipifatiʼmo uno lamino apakeyana asole vayaʼmo eʼa maiʼnageno apaketenoʼaeʼmo lusi kava huno hau huno apateteno kaita hapauʼniya vayaʼmo alino hapageno apateʼniye.

Matiyu 15:32

Yesuʼa geʼamo neʼafiya vayaʼaifeʼmo ge huʼnigeʼa eʼnageno hapa painoʼaeʼmo, apakaemo loleʼe magoʼe afinaʼmo nagaeʼeʼmo magokepi lokaeʼa maiʼnagenoʼaeʼmo hemenimo neʼyaʼapimo ohaneʼnigeʼna nahau huʼna neʼapatove. Noʼapilegamo aliʼna apatesugeʼa visayategamo apaka tesigeno apaunena aisiya kavafeʼmo oʼnahauʼniye, huno hapa paiʼniye.

Matiyu 20:33

Ala kava nene, huʼana, laʼaulagatiʼamo alika ayakeka laʼato, huʼana ha paiʼnaʼagenoʼaeʼmo

Matiyu 21:1

Apakaemo Yulusalemu taoni haopaleʼmo eʼa avaʼyi huteʼapaeʼmo Metapesi taonimo Alifi aveleʼmo haneʼniya taonifiʼmo ago eʼa avaʼyi huteʼa Yesuʼa lole vekalaʼmo geʼamo neʼafiʼa vekalaʼmo alino anatetenoʼaeʼmo,

Matiyu 8:15

Agaemo ageteno ayateʼmo ayaʼmo maleʼnigeno amuko kaita hauʼniya kaitaʼamo ago hageʼnigeno he tino neʼyaʼmo yagita huno apamiʼniye.

Matiyu 9:29

anaulagaleʼmo ayaʼmo maleʼnenoʼaeʼmo, Ani kavafeʼmo lanakesamo afitana fatago huʼnaʼaʼmofeʼmo mani kavaʼmo lanakaeteʼmo afole aigiye, huno hana paiʼnigeno anaulagalaʼmo ayakeʼnigeʼana ageʼana ayakeʼnaʼae.

Matiyu 9:36

Agaemo asole vayaʼmo apaketenoʼaeʼmo aipafiʼmo hau huno apateʼniye. Sipisipileʼmo yagaino neʼapateya vekamo ago apataleno uʼnigeʼa sipisipi afumo atagu faeʼa uʼeʼa huʼa maiʼnayana hapa maesiya vekamo oʼmaiʼnigeʼa maiʼnaya kava huʼa asole vayaʼmo maiʼnageno apaketenoʼaeʼmo hau huno apateʼniye.

Maki 7:33

Yesuʼa muki vayaʼmo anile apataleno ani vekamo agaiʼageʼmo avalelinuno ati yagaina ayatalatetiʼmo agesa katalapiʼmo aya vaiteno aviʼna heteno avenafuʼnaleʼmo ati yagaina ayatetiʼmo maleʼniye.

Luki 18:43

malage huno aulagamo ageno ayaketeno akame huno neʼunoʼaeʼmo Goti agiʼaleʼmo alino asaga hume hume uʼnigeʼa ageteʼapaeʼmo muki vayaʼmogimo Goti agiʼaleʼmo aliʼa asaga huʼa ateʼnae.

Luki 22:51

Yesuʼa hunoʼaeʼmo, ina kavaʼmo osuta afaʼa ataleyo, huno hapa paiteno agesaleʼmo ame aliteno halate alino maleno kamaeno ateʼniye.

Luki 7:13

Ala kava neʼmoʼa kogu a kanomo agetenoʼaeʼmo hau huno ateteno, aviʼyaʼmo osuvo, huno ha paiteno

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

1 Pita 3:8

Nagaemo atupa geʼnimo lapa paiʼnaeʼmo, magoke lapaipa lapakesamo alitetapa magoke agufa lapaipamo kalitapa maiyo. Konagatapieʼmo afalu afalugana agufa kavaʼmo hutapa lapau lapayamopafiʼmo lapaino. Lapau hutapa apateyo. Vayaʼaitegamo himuʼnamu kavaʼmo osutapa vase vase kavaʼmo hiyo.