Matiyu 20:21 - The Keyagana NT and 25 OT books

²¹ Yesuʼa hunoʼaeʼmo, na agufa yafeʼmo kahauʼniye, huno afi geʼnigeno itaʼanimoʼmo hunoʼaeʼmo, alaʼapimo maiʼneka yagaika apatesanageʼanaeʼmo kagaeʼeʼmo lokaeʼana maiʼneʼanaeʼmo mago mafaʼneʼnimoʼmo lamaga kahaopaleʼmo fai maisigeno mago mafaʼneʼnimoʼmo hoga kahaopaleʼmo fai maisigeno hisaʼafeʼmo nahauʼniyanagi he kanalene, huʼna anategauve, huka naha paiyo, huno ge huno afi geʼniye.

Matiyu 20:21 ပူးပေါင်းရင်းမြစ်များ

Esata 5:3

Kini vekamoʼmo hunoʼaeʼmo, Kuvini a kanomo Esatao, huno, Na agufa yafeʼmo kahauʼniye. Inagi kahauʼnisiyana nagaemo yagaiʼnova kopatiʼmo folagapati aliʼna fako huʼna magokayaga koʼamo kamiguve.

Samu 110:1

Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.

Samu 45:9

Ala apaki aʼne anagakamogiʼeʼmo kini vayaʼai aʼmafaʼneʼapimo maiʼnae. Akamoʼmo hogote goli yafatetiʼmo alo huʼnaya konalimo aliteno lamaga kahaopaleʼmo he tino maiʼniye.

Matiyu 18:1

Ani afinaʼmo geʼamo neʼafiya vayaʼmogi Yesutegamo eʼapaeʼmo, ina laʼmo Gotiʼa yagaino neʼapateya vayapatiʼmo hogote vekamo maiʼniye, huʼa ge huʼa afi geʼnae.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Matiyu 20:22

Yesuʼa hunoʼaeʼmo, na agufa yafeʼmo ge huta afi nekopi huta oʼafiʼnae. Aise afinaʼmo utesigeʼna kapufi aniʼmo nesuva agufa kava hutana ani kapufi aniʼmo afaʼa negaʼafiye, huno anafi geʼnigeʼanaeʼmo, afaʼa negauʼae, huʼana ha paiʼnaʼae.

Matiyu 20:32

Yesuʼa ani gemo afiteno anataleno oʼuʼnifa uno he tino maiʼnenoʼaeʼmo, na agufa kava huʼna lanatesuvafeʼmo nehaʼae, huno anafi geʼnigeʼanaeʼmo,

Maki 10:51

Yesuʼa hunoʼaeʼmo, na kavaʼmo huʼna katesuve, huno afi geʼnigeno aulaga ali huʼniya vekamoʼmo hunoʼaeʼmo, Tisao, huno, naulagamo alika ayakeka nato, huno huʼnigenoʼaeʼmo,

Maki 16:19

Ala kava neʼmoʼa ani ge huno hapa paitegenoʼaeʼmo Gotiʼa kokuʼnapiʼmo avalelinuno haino ateʼnigeno lamaga haopaleʼmo fai maiʼniye.

Maki 6:22

Helotiyasiʼa aʼmafaʼneʼamoʼmo yagita huʼnaya nopiʼmo eno haineno oaeʼnigeʼapaeʼmo Helotiʼe magokepi lokaeʼa maiʼnaya vayaʼmogiʼeʼmo ageteʼa amuse huʼa ateteʼa kini vekamo yagaino neʼapateya vekamoʼmo hunoʼaeʼmo, na agufa yafeʼmo kahauʼnisifigi naha paiyo, huno, afaʼa kamiguve.

Luki 18:41

kagaemo na kavaʼmo huʼna katesuvafeʼmo nehane, huno ge huno afi geʼnigenoʼaeʼmo, Ala kava nene, huno, naulagaʼnimo alika ayakeka nato, huno ha paiʼnigeno

Luki 19:11

Ani gemo afitagenoʼaeʼmo Yulusalemu taonimo haopaleʼmo ago uno avaʼyi huʼniyaʼmofeʼmo hemenitomo Gotiʼa yagaino neʼapateya kavaʼmo ago afole aigiye, huʼa apakesamo afiʼnayaʼmofeʼmo Yesuʼa ina gemo huno aeno kalafefa gemo huno hapa paiʼniye.

Luki 22:24

Geʼamo neʼafiya vayaʼmogi apakaiʼapieʼmo huʼapaeʼmo, lagaepatiʼmo ina laʼmo hogote vekamo maiʼniye, huʼa huteʼa ge vaiʼnae.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Apa 1:6

Apa vayaʼaʼe Yesuʼeʼmo aliʼa anupa huʼa maiʼneʼapaeʼmo Yesufeʼmo, Ala kava nene, huʼa, Hemenimo halate Yu vayaʼmo alika he tika latesanageta muki vayaʼaiteʼmo yagaita apatesupiye, huʼa afi geʼnagenoʼaeʼmo,

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Lomu 8:34

Ina laʼmo agoti huno latetenoʼaeʼmo, hosu vayaʼmo maiʼnae, huno hugiye. Haʼao, Kalaisiʼa ago faliʼniye. Faliʼniyaʼmonanafa Gotiʼa ago alino he tino ateʼnigenoʼaeʼmo magoʼe huno laha maesiyafeʼmo Goti lamaga haopaleʼmo maiʼnenoʼaeʼmo nunumuʼmo huno nelate.

Kolosi 3:1

Gotiʼa Kalaisiʼeʼmo magokepi alino he tino lapateʼniyaʼmofeʼmo kokuʼnapi haneʼniya yafeʼmo lapaʼye huʼninagetapa kahauya hiyo. Anileʼmo Kalaisiʼa Goti lamaga haopaleʼmo siyaʼaleʼmo maiʼniye.