Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyu 20:2 - The Keyagana NT and 25 OT books

2 Apakaemo, aliʼyakamo aliteta magoke afinaʼmo neʼaliya agufa monimo aligune, huʼa ha paiʼnageno, he kanalene, huno huteno alino apateʼnigeʼa nofi hoyaʼalegamo uʼnae.

အခန်းကိုကြည့်ပါ။ ကော်ပီ




Matiyu 20:2
24 ပူးပေါင်းရင်းမြစ်များ  

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.


Yosaiyaʼmo eitiʼa kafugamo neya kini vekamo maiʼnenoʼaeʼmo aginago kini vekamo Nevini Gotiʼamoʼmo agesiyafeʼmo aepa faino kahauya huʼniye. Agaemo tuolofuʼa kafugamo yagaino apatetenoʼaeʼmo Yuta haopalegaʼe Yulusalemu taonifiʼeʼmo yosaletiʼmo alo huʼnaya aune yatefenagi aeniletiʼmo alo huʼnaya aune yatefenagi haginaletiʼmo alo huʼnaya aune yatefenagi huʼa ave koteʼmo mono huʼnaya yaʼmo aepa faino alino ataleʼniye.


Aliʼyaʼamo neʼaliya vekamo neʼvigenoʼaeʼmo magokepi lokaeʼana aliʼyaʼmo neʼaliʼa vekamo aise moni anonaʼamo haneʼniya vekamo eʼnigeno agetenoʼaeʼmo anu kiliʼneno lugoʼaleʼmo atafauʼnenoʼaeʼmo, anonaʼnilefeʼmo monimo alinikeka namiyo, huno ha paiʼniye.


Yesuʼa hunoʼaeʼmo, Gotiʼmo yagaino neʼapateya kavaʼmo haneʼniya kava huno mago nofi hoyamo afoʼamoʼmo kotilamiyapiʼmo uno vayaʼmo apavalelineno apatesigeʼa aliʼyaʼamo alisayafeʼmo uʼniye.


Huʼa huʼnagenoʼaeʼmo mago vekaeʼmo, veʼnimo, huno, miyatapifatiʼmo nagaemo kumayaʼmo oʼaliʼnove. Magoke afinaʼmo neʼaliya agufa monimo aligune, huta huʼnayaʼmofeʼmo


Halate yegemo leno hakale huʼniya kanaleʼmo uno apakeyana taoni folagapiʼmo aliʼa anupa huʼa neʼmaiya yateʼmo mago vayaʼmo afaʼa he tiʼa maiʼnageno apaketenoʼaeʼmo,


Yegemo uno lamino falegefeʼmo huʼnigeno uno apavalelineno aliʼyaʼamo aliʼnaya yatefeʼmo apamete apamete huno magoke monimo apamite apamite huʼniye.


Takesi nehaya monimo alita nave liyo, huno hapa paiʼnigeʼa mago laga monimo aliʼa ave liʼnae.


Inagi geʼamo neʼafiya vayaʼaifeʼmo, hoyafiʼmo lusi neʼyaʼmo afu leʼniyaʼmonanafa alisaya vayaʼmo aiseʼamo maiʼnae.


Takesi monimo apamisupi oʼapamisune huʼa afi geʼnagenoʼaeʼmo Yesuʼa apakesamo afiteʼa apaipafatiʼmo ge osuʼnafa aeʼa ati kaeʼa huʼnaya geʼapimo apaketenoʼaeʼmo, na kava higetapa namalageka huta nafi negae. Laga monimo aliniteta nave liyo, huno hapa paiʼniye.


Goti aulagaleʼmo ala agi vekamo maigiye. Lokiya aniʼmo neteʼa negi nehaya agufa aniʼmo oʼnegaiye. Itaʼamoʼmo alino atesiya afinatetiʼmo Aote Aunemeʼamoʼmo aipafiʼmo havai teno maigiye.


Egaʼamo monimo ani eʼa nehavaya noteʼmo neʼyagaiya vekamo amitenoʼaeʼmo, alagepa huka yagaika ato. Henagaʼamo hukaeʼmo, magoʼe monimo aliguve, huka hisanaʼmoʼmo esuva afinaʼmo kamiguve, huno ha paiʼniye, huno huteno Yesuʼa ani vekaeʼmo hunoʼaeʼmo,


ani laga monimo aliniteta nave liyo. Ani laga monileʼmo ina la augosaʼe agiʼeʼmo avoʼmo kae maleʼnaya agimo haneʼniye, huno ge huno apafi geʼnigeʼapaeʼmo, Sisa agiʼe augosaʼeʼmo haneʼniye, huʼa ha paiʼnagenoʼaeʼmo,


Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.


Inagi loleʼe loleʼe vayapati vekamoʼmo age aigekana huno ge hunoʼaeʼmo, kafu hu afinafeʼmo magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa loleʼe loleʼe laisi kapumo hugekana huʼa huʼnaya yaʼmo agiʼamo vitimo miya faigae. Magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa tuolofuʼa kapumo napa tu agufa vitimo agiʼamo malimo miya faigae. Alifi yosa alagafati aniʼe nofi alagafati aniʼeʼmo alika hosu huka oʼato, huno huʼniye.


Ani afinaʼmo Samiyoʼmo aise mafaʼnemo maiʼniyaʼmonanafa Ala kava neʼmo aulagaleʼmo agaemo monoʼmo huʼa neʼapataya vayaʼmogimo vaiʼa neʼaliya kukenamo vaino aliʼneno aliʼyaʼmo aliʼniye.


Ani afinaʼmo Samiyoʼmo kosime kosime haino yatala huʼnigeʼapaeʼmo Ala kava neʼe vayaʼmogiʼeʼmo huʼniya kavafeʼmo magoʼe huno lusi kava huno hapauʼniye.


Neya mafaʼnemo Samiyoʼmo Ala kava neʼmo aliʼyaʼamo aliʼnigeno Ilaiʼa yagaino ateniya afinaʼmo Ala kava neʼmoʼa Isaleli vayaʼaifeʼmo magoke magoke afinaʼatomo gemo hapa paiʼniye. Ala kava neʼmoʼa apamiʼniya alagamuna oʼageʼnayaʼmofeʼmo muki vayaʼmogimo Ala kava neʼmo geʼamo oʼafiʼnae.


Ageʼnageno Ala kava neʼmoʼa Sailo taonifiʼmo halate Samiyotegamo afole aiʼniye. Ala kava neʼmoʼa Sailo taonifiʼmo emineno geʼaletiʼmo agaiʼamo alino aveliʼnigeno Samiyoʼmo ageʼniye. Inagi Samiyo geʼamo muki Isaleli vayaʼaitegamo afole aiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ