Matiyu 2:2 - The Keyagana NT and 25 OT books

² Yu vayaʼaiteʼmo yagaino apatesiya kini vekamo saufamo alino ateʼniya mafaʼnemo haiyaʼaleʼmo maiʼniye. Lagaemo agae kanefiʼmo yegemo haine neʼeya kotegatiʼmo ageteta agaefeʼmo mono hisunafeʼmo agaetegamo neʼone, huʼa huʼnae.

Matiyu 2:2 ပူးပေါင်းရင်းမြစ်များ

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Aiyeya 60:3

Malaga nofi vayaʼmogimo ani ha le yatapimo ageteʼapaeʼmo lapakaetegamo egae. Kini vayaʼmogiʼeʼmo ani lokiya ha le yatapimo ageteʼapaeʼmo he tiʼa lapakaetegamo egae.

Napa 24:17

Nagaemo eminesiya vekamo ageʼnovaʼmonanafa hemenimo emiʼnoʼmegaiye. Nagaemo ageʼnovaʼmonanafa afagitegamo maiʼniye. Agaemo kanefigana huno Yekopu vayapatiʼmo afole aigiye. Agaemo kini vekamo maiʼnenoʼaeʼmo Isaleli vayapatiʼmo afole aigiye. Agaemo Movapu vayaʼaiteʼmo yagaiʼnaya vayaʼeʼmo kame huno alino afepiʼmo apategaiye. Agaemo Seti nofi vayaʼmo alino hosu huno apatalegaiye.

Matiyu 2:3

Helotiʼa yagaino neʼapateya kini vekamoʼmo ani gemo afitenoʼaeʼmo hausoli huʼnigeʼapaeʼmo muki Yulusalemu taonifiʼmo maiʼnaya vayaʼmogiʼeʼmo ani kava huʼa hapausoli huʼnae.

Matiyu 21:5

Mani gemoʼa hunoʼaeʼmo, Saiyoni taonifiʼmo maiʼnaya vayaʼaifeʼmo hunoʼaeʼmo, Ageyo, huno, alatapimo kini vekamo lapakaetegamo neʼe. Yagu yaga kavaʼmo nehiya vekamo maiʼneno aikeli noki afuleʼmo fai maiteno neʼe, huno huʼniye.

Matiyu 27:11

Yesuʼa yagaino neʼapateya gamani vekamo aulagaleʼmo he tino maiʼnigenoʼaeʼmo, Yu vayaʼmogi kini vekaʼapimo maiʼnapiye, huno ge huno afi geʼnigenoʼaeʼmo, he ani gemo ago alagi nehane, huno ha paiʼniye.

Luki 19:38

Apakaemo huʼapaeʼmo, Ala kava neʼmo agiʼalefeʼmo neʼeyanagi alita auleta ateyo. Gotiʼa lagaefeʼmo aipamoʼmo falu hino. Gotiʼa hogote vekamo anaga vekamo agiʼaleʼmo alita asaga hiyo, huʼa huge huge huʼa maiʼnae.

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Luki 23:3

Pailatiʼa hunoʼaeʼmo, Yu vayaʼaiteʼmo yagaiʼnana ala kini vekaʼapimo maiʼnapiye, huno ge huno afi geʼnigenoʼaeʼmo, he, huno, ani gemo kagaemo alagi ago nehane, huno ha paiʼniye.

Luki 23:38

Avoʼmo kaenoʼaeʼmo, mani vekamo Yu vayaʼmogi ala kini vekaʼapimae, huno avoʼmo kaeteno malipu yosaleʼmo Yesu agenopaleʼmo nili ai maleʼniye. Ani avoʼmo kaeʼniya gemo Galiki gefatiʼmo kaege Latini gefatiʼmo kaege Himulu gefatiʼmo kaege hu maleʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 12:13

uʼa vayavekana yosamo akopaʼamo yageʼa aliteʼa uʼa fotu hisayafeʼmo neʼuʼapaeʼmo, laha mao. Ala kava neʼmo agiʼaletiʼmo neʼeya vekamo Gotiʼa alino auleno ateʼniya vekae. Agaemo Isaleli vayaʼaiteʼmo yagaino neʼapateya kini vekamae, huʼa huʼnae.

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Yoni 19:19

Pailatiʼa mago gemo avoʼmo kaeteno mago vekamo amiʼnigeno agenopaleʼmo malipu yosaleʼmo nili ai maleʼniye. Ani gemoʼmo hunoʼaeʼmo, Yesuʼa Nasalasa vekamo Yu vayaʼaiteʼmo ala vekaʼapimo yagaino neʼapateya kini vekamae, huno avoʼmo kae maleʼniye.

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 9:38

Ala kava nene, huno, nagesamo afiʼna fatago nehuve, huno ha paiteno agaefeʼmo mono huʼniye.

Himulu 1:6

Hapa opaiʼniyaʼmonanafa yege Mafaʼneʼamo ma mopafiʼmo alino atesigeno eminesiyafeʼmo mani gemo hunoʼaeʼmo, Muki enisole vayaʼmogitapamo agiʼaleʼmo alita asaga hutapa agaetefekeʼmo mono hiyo, huno hapa paiʼniye.

Leveleseni 22:16

Nagaemo Yesuʼnamo siosiʼafi siosiʼafiʼmo maiʼnaya vayaʼaifeʼmo mani gemo hapa paisiyafeʼmo enisole vekaʼnimo aliʼna ateʼnogeno emineʼniye. Nagaemo Nevini hafuʼyaʼagana huʼna maige aginagoʼamo maige huʼneʼna netepiʼmo lusi kava huno aeno ha neleya kanefikana huʼna maiʼnove, huʼna ha paiʼnogeno hapa paiʼniye.