Matiyu 2:1 - The Keyagana NT and 25 OT books

¹ Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo,

Matiyu 2:1 ပူးပေါင်းရင်းမြစ်များ

Aepa Gemae 10:30

Maiʼnaya koʼmo Mesa haopalegatiʼmo hanelino yegemo haine neʼeya haopalega Sefa aveleʼmo uʼniye.

Aepa Gemae 25:6

Amiʼniyaʼmonanafa henagaʼaʼamo aliʼniya atala ani mafaʼne anagaʼmo mago amuse yaʼmo fiku hapa maeno apamiteno Aisaki maisiya haopaʼaleʼmo oʼmaisayafeʼmo yegemo haine neʼeya haopalegamo alino apateʼnigeʼa uʼnae.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Aepa Gemae 49:10

Kini vayaʼmogimo hayopa kayoʼapiletiʼmo yagaiʼa neʼapataya kava huʼa Yuta nofi vayaʼmogimo yagaiʼa apateme apateme neʼesageno mago vekamo Sailoʼmo egaiye. Sailoʼmo esigeʼapaeʼmo muki vayaʼmogimo aiyafiʼmo maiʼneʼa geʼamo afigae.

Aiyeya 11:10

Ani afole aisiya afinaʼmo Yesi hafuʼyaʼafatiʼmo afole aisiya aginago vekaʼamoʼmo kalahuʼmekana huno maiʼneno he tisigeʼa vayaʼmogi agaetegamo eʼa aliʼa anupa huʼa maigae. Malaga nofi vayaʼmogimo kahauya huʼa ageteʼa agaetegamo egae. Agaemo fiku hapa maeno apamisigeʼa ha le konali noʼafiʼmo maiʼa hagalegae.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Matiyu 1:25

agaeʼeʼmo magokepi lokaeno ohavaeno aote maime maime neʼegenoʼaeʼmo mafaʼnemo alino ateʼniye. Yosefeʼa mafaʼneʼamo agiʼamo Yesuʼae, huno ateʼniye.

Matiyu 2:16

Helotiʼa agesamo afiʼniyana, ageteʼa afiʼnaya vayaʼmogimo humi nateteʼa nagesasi huʼa uʼnae, huno huteno lusi kava huno aipamo leʼniye. Agaemo, Metelehamu taonifiʼe Metelehamu haopalegaʼeʼmo uteta hutapa muki ve mafaʼne anagaʼmo lole kafugamo oʼmaiʼnisaya ve mafaʼne anagaʼmo apamagigeʼa faliyo, huno hapa paiʼniye. Agaemo ageteʼa afiʼnaya vayaʼmogimo ani afinaʼmo kanefiʼmo afole aiʼnigeta ageʼnone, huʼa ha paiʼnaya geʼapieʼmo agesamo afiʼniyaʼmofeʼmo ani gemo huʼniye.

Matiyu 2:19

Helotiʼa ago falitegenoʼaeʼmo Yosefeʼa Isipi kotegamo maiʼnenoʼaeʼmo alagamuna ageʼniyana Ala kava neʼmo enisole vekaʼamo afole aiʼnigeno ageʼniye.

Matiyu 2:3

Helotiʼa yagaino neʼapateya kini vekamoʼmo ani gemo afitenoʼaeʼmo hausoli huʼnigeʼapaeʼmo muki Yulusalemu taonifiʼmo maiʼnaya vayaʼmogiʼeʼmo ani kava huʼa hapausoli huʼnae.

Matiyu 2:5

Metelehamu taonimo Yuta kotegatiʼmo afole aigiye. Gotitegati gemo alinineno aeno hakalo huno hapa nepaiya vekamoʼmo hunoʼaeʼmo,

Matiyu 2:7

Ha paiʼnageno ani gemo afitenoʼaeʼmo ageteʼa afiʼnaya vayaʼaifeʼmo fala kino ge huʼnigeʼa eʼa aliʼa anupa huʼa maiʼnagenoʼaeʼmo, hainu afinaʼmo kanefiʼmo afole aiʼniye, huno apafi geʼniye.

Luki 1:5

Helotiʼa kini vekamo maiʼneno Yutiya kotegamo maiʼnaya vayaʼaiteʼmo yagaino apateʼnigenoʼaeʼmo mago vekamo mono huno neʼapateya vekamo agiʼamo Sekalaiyasiʼmo maiʼniye. Agaemo Amaiya monoʼmo huʼa neʼapataya nofi vayapati vekamo maiʼnigeno aʼamo Ilisameteʼmo ani kavaʼmo huno mono huʼa neʼapataya nofi vayaʼmo Eloni nofi vayapati a kanomo maiʼniye.

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Luki 2:15

Inagi sipisipileʼmo neʼyagaiya vayaʼmogi apakaiʼapimo huʼapaeʼmo, Metelehamu taonifiʼmo afole aiʼniya kavafeʼmo Ala kava neʼmoʼa laha paiʼniya kavaʼmo uta agesunafeʼmo vigetao, huʼa huteʼa

Yoni 7:42

Goti mukufiʼmo avoʼmo kae maleʼniya gemoʼmo hunoʼaeʼmo, Mesaiya vekamo yagaino neʼapateya kini vekamo Nevini vayapati vekamo maiʼneno Metelehamu taonifiʼmo Neviniʼa maiʼniya taonifatikeʼmo afole aigiye, huno huʼniye, huʼa huʼnae.