Matiyu 19:6 - The Keyagana NT and 25 OT books

⁶ Ani kava huʼana lole kanolaʼmo oʼmaigaʼafa magoke kanolaʼmo maigaʼae. Gotiʼa ani gemo huʼniyaʼmofeʼmo alino lokaeno anateʼniya kanolapatiʼmo mago vayaʼmogimo aliʼa apaheʼana oʼanatesaya kavaʼmo haneʼniye, huno hapa paiʼnigeʼapaeʼmo.

Matiyu 19:6 ပူးပေါင်းရင်းမြစ်များ

Mai'naya kavane 2:17

Ani agufa a kanomoʼmo anauʼamoʼmo ataleno Goti aulagaleʼmo kotalakemo hu maleʼniya geʼaeʼmo age kanimo neʼatale.

Malakai 2:14

Lapakaemo hosu kavaʼmo ago huʼnayaʼmonanafa na kava higenoʼaeʼmo ani kavaʼmo nehiye, hutapa nehae. Lapakaemo veyalave kotalakemo amagitapa ataletetapa neyatapileʼmo aliʼnaya aʼnemo hapafaitapa apataleʼnagenoʼaeʼmo Ala kava neʼmoʼa lapakaefeʼmo faigoko gemo huʼniyaʼmofeʼmae. Lapakaemo apakaeʼeʼmo magokepi kotalakemo ago hu maletageʼapaeʼmo ani aʼne anagaʼmo lapakaeʼeʼmo umenitata huʼnayaʼmonanafa halate hapafaitapa apataleʼnae.

Malakai 2:16

Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

Matiyu 19:5

Alo huteno Gotiʼa hunoʼaeʼmo, ani kavaʼmo huʼnovaʼmofeʼmo ve anagaʼmogimo aʼmo aliteʼapaeʼmo itaʼapi afoʼapimogimo apataleʼuʼa aʼapiʼeʼmo lokaeʼa maisageno lole kanolaʼmo magoke anakufamo hamalegaiye.

Matiyu 19:7

Ani gemo huʼnanaʼmonanafa na kava higeno Moseseʼa hunoʼaeʼmo, mago vekamoʼmo aʼamo ha faino atalegefeʼmo hunoʼaeʼmo ha faino atalesiya avoʼmo kaeno amino, huno huʼniye, huʼa ge huʼa afi geʼnae.

Maki 10:9

Gotiʼa alino lokaeno anateʼniya kanolapatiʼmo mago vayaʼmogimo aliʼa fako osisaya kavaʼmo haneʼniye, huno hapa paiʼniye.

Lomu 7:2

Ani kavatefeʼmo keʼaepa gemoʼa hunoʼaeʼmo, a kanomoʼa anauʼamoʼmo ofalino afaʼa maiʼniya afinaʼmo a kanoeʼmo hunoʼaeʼmo, anaukamoʼeʼmo magokepi alagepa hutana lokaetana maiʼao, huno nehiye. Nehiyaʼmonanafa anauʼamoʼmo falisigenoʼaeʼmo anauʼamoʼeʼmo magokepi lokaeno neʼmaiya keʼaepa gemo afeʼalumelagamo oʼmaigifa afaʼa maigiye.

Efasasi 5:28

Anauʼapimogimo apakaiʼapi apakufaeʼmo nehapaiya kava huʼa aʼneʼapieʼmo hapau apayamopafiʼmo hapaino. Aʼneʼapieʼmo nehapaiya ve anagaʼmogimo apakaiʼapieʼmo nehapaiye.

Himulu 13:4

Muki vayaʼmogimo aʼmo alige veleʼmo maige nehaya kavaʼmoʼa oʼaniʼya kavaʼmo ohaneʼnifa ala agi kavaʼmo haneʼniye. Haneʼniyaʼmonanafa Gotiʼa kumai kavaʼmo nehaya vayaʼe yafaʼmo nehavaya vayaʼeʼmo agoti huno apategaiye