Matiyu 19:25 - The Keyagana NT and 25 OT books

²⁵ Geʼamo neʼafiya vayaʼmogimo ani gemo afiteʼapaeʼmo lusi kava huʼa hapau aiteʼapaeʼmo, uʼa haisaya kaʼmo ohaneʼnisiyaʼmoʼmo haiya vayaʼmogimo afaʼa uʼa haisageno hapau vaino apakufamo alino katino apategaiye, huʼa afi geʼnae.

Matiyu 19:25 ပူးပေါင်းရင်းမြစ်များ

Matiyu 19:24

Magoʼe gemo lapa paigesuve, huno huteno, Kamo afumoʼmo kukena nefakaniya nekaya kapiʼmo faleno uno haisiyafeʼmo aiseʼamo lokiya vaiʼniyaʼmonanafa kagemi yaʼapimo haneʼniya vayaʼmo Gotiʼa yagaino neʼapateya kopiʼmo uʼa haisayafeʼmo magoʼe huno lokiya vaiʼniye, huno hapa paiʼniye.

Matiyu 19:26

Yesuʼa aulu hapaeno apaketenoʼaeʼmo, vayaʼmogimo alagi osisaya agufa kavaʼmo Gotiʼa muki ani agufa kavaʼmo afaʼa hugiye, huno hapa paiʼniye.

Matiyu 24:22

Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Maki 13:20

Ala kava neʼmoʼa ani agufa hanageke afinaʼmo alino hogo huno oʼateʼniesinana muki vayaʼamo ago faliʼnaesinaʼmonanafa lekana paino apateʼniya vayaʼaitefeʼmo ani hanageke afinaʼmo aliʼna hogo huʼna ategauve, huno agesamo afiʼniye.

Lomu 10:13

Ani kavatefeʼmo Goti mukufiʼmo magoʼe gemoʼa hunoʼaeʼmo, Ina lagimo Ala kava neʼmo agiʼalefeʼmo keya neʼaesafigeno afaʼa apakufamo alino katino apategaiye, huno hapa paiʼniye.