Matiyu 19:21 - The Keyagana NT and 25 OT books

²¹ Yesuʼa ani gemo afitenoʼaeʼmo, muki geʼamo akame huteka haika hapaisanafeʼmo uka kagemi yakamo alinikuka maketi hugeʼa miya faiʼa hano hutesageka kagemi yaʼapimo ohaneʼnisiya vayaʼaina fako huka apamigenoʼa alopa kagemi yakamo kokuʼnapiʼmo haneno. Apamiteka eka nakame huvo, huno ha paiʼniyaʼmonanafa

Matiyu 19:21 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

Samu 37:37

Lapakaemo alagepa vayaʼmo aulu hapaetapa apaketetapaeʼmo fatago vayaʼmo apaketapa maiyo. Kanaʼapimo hano hisigeʼapaeʼmo alagepa huʼa maigayaʼmonanafa

Matiyu 16:24

Huno ha paiteno Yesuʼa geʼamo neʼafiya vayaʼaifeʼmo hapa painoʼaeʼmo, mago vekamoʼmo nakame hisiyafeʼmo hauʼnisiyana agaiʼamo hauʼnisiya kavaʼmo ataleno agaiʼa malipu yosaʼamo alino kofilino nakame hino.

Matiyu 19:20

neya vekamo maiʼnova afinatetiʼmo mani muki keʼaepa geʼamo akame hume hume eʼna hemeniʼeʼmo akame nehuve. Magoʼe huʼna na agufa kavafeʼmo haiʼna metaleʼnove, huno afi geʼniye.

Matiyu 19:22

neya vekamoʼmo ani gemo afitenoʼaeʼmo alopa kagemi yaʼamo haneʼniya vekamo maiʼniyaʼmofeʼmo aipamoʼmo kana huʼnigeno ataleno uʼniye.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Matiyu 4:19

Yesuʼa hunoʼaeʼmo, Noyamemo neʼaliʼa kava hutana vayaʼmo apavalelitana nagaetegamo esaʼafeʼmo aliʼna lanaya malegauvanagi etana nakame hiʼao, huno hana paiʼniye.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Matiyu 8:22

faliʼnaya vayaʼmogimo falisaya vayaʼapimo aliʼa kiʼa apategayanagi kagaemo atalekeka nakame huvo, huno ha paiʼniye.

Matiyu 9:9

Yesuʼa ani haopalegatiʼmo ataleno uno ageyana takesi moni neʼaliya vekamo agiʼamo Matiyuʼa takesi monimo neʼaliya nopiʼmo fai maiʼnigeno ageʼniye. Agetenoʼaeʼmo, atalekeka nakame huvo, huno ha paiʼnigeno ataleno eno akame huno uʼniye.

Maki 10:21

Yesuʼa agetenoʼaeʼmo agaefeʼmo hau ayamopafiʼmo hauʼnigenoʼaeʼmo, magoke kavakamoʼmo kanale osuʼniye. Muki keʼaepa gemo akame huteka uka haika hapaisanafeʼmo uka muki kagemiyakamo alinikuka maketi hugeʼa miya faitesageka alisana monimo alinikeka kagemi yaʼapimo ohaneʼnisiya vayaʼaina apamigenoʼao alopa kagemiyakamo kokuʼnapiʼmo haneno. Apamiteka eka nakame huvo, huno ha paiʼnigeno

Maki 2:14

Apatalenuno ageyana mago takesi moni neʼaliya vekamo Livaiʼa Afiyasi mafaʼneʼmo takesi moni neʼaliya nopiʼmo fai maiʼnigeno ageʼniye. Agetenoʼaeʼmo, eka nakame huvo, huno huʼnigeno Livaiʼa he tinuno akame huʼniye.

Maki 8:34

Agaemo muki vayaʼe geʼamo neʼafiya vayaʼefeʼmo ge huʼnigeʼa eʼnageno hapa painoʼaeʼmo, ina lagimo nakame hugefe huʼnisafi apakaiʼapimo hapauʼniya kavafeʼmo haʼao, huʼa huteʼa ataleʼa malipu yosaʼapimo aliʼa kofiliʼa nakame hiyo.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 14:33

Ani kavaʼmo huno lapakaepatiʼmo ina laʼmo muki agaiʼa yafeʼmo afaʼa atalegauve, huno osisiyana geʼnimo neʼafiya vekamo oʼmaigiye, huno hapa paiʼniye.

Luki 16:9

Nagaemo lapa nepauve, huno, ma mopafi hosu moniletiʼmo alita lapao yaʼmo hiyo. Lapakaemo falisageʼa lapao vayaʼmogi aliʼa falu fala huʼa lapatetesagetapaeʼmo nopiʼmo hanege hanege huno hanesiya noʼapifiʼmo uta haigae.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 5:27

Huteno Yesuʼa taonifatiʼmo ataleno neʼunoʼaeʼmo ageyana mago vekamo takesi moni neʼaliya vekamo agiʼamo Livaiʼa takesi monimo neʼaliya nopiʼmo fai maiʼnigeno agetenoʼaeʼmo, eka nakame huvo, huno ha paiʼnigeno

Luki 6:40

Geʼamo neʼafiya vekamoʼmo alino aya neʼmaleya vekamo aeno noʼagase. Tisa vekamoʼmo alino aya maleme aya maleme visigeno afitenoʼaeʼmo alino aya maleʼniya vekagana huno maigiye.

Luki 9:23

Yesuʼa muki vayaʼaifeʼmo hunoʼaeʼmo, mago vekamoʼmo nakame hisiyafeʼmo huʼnisiyana hauʼniya kavafeʼmo, haʼao alagi oʼnahaiye, huno huteno muki afinaʼae afinaʼaeʼmo malipu yosaʼamo alino kofilino nakame hino.

Yoni 10:27

Nage neʼaugeʼapaeʼmo sipisipi anagaʼnimogi nagemo neʼafiye. Apakeʼna aeto huʼnogeʼa nakame nehae.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 2:45

Kagemi yaʼapiʼe mopaʼapiʼeʼmo maketi huʼa moni aliteʼa apakae vayapatiʼmo mago yaʼapimo ohaneʼniya vayaʼmo ani aliʼnaya monimo apamiʼnae.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.