Matiyu 18:7 - The Keyagana NT and 25 OT books

⁷ Vaehae, huʼna, apayate aligayaʼmonanafa apayate alisaya vayaʼmo lusi hanageke yaʼmo aliteʼa kage kage huʼa yulagefa aigae.

Matiyu 18:7 ပူးပေါင်းရင်းမြစ်များ

Aepa Gemae 13:7

Loti sipisipi anagaʼaleʼe pulumaka anagaʼaleʼeʼmo neʼyagaiya vayanagi Emalemi sipisipi anagaʼaleʼe pulumaka anagaʼaleʼemo neʼyagaiya vayanagi huʼa ke vaiʼnae. Ani afinaʼmo Kenani nofi vayaʼe Pelesi nofi vayaʼeʼmo ani haopaleʼmo maiʼnae.

2 Samiyo 12:14

Kagaemo ani hosu kavatetiʼmo Ala kava neʼmo kame vayaʼamogimo huʼa faipa huʼa natesaya kaʼmo valika apateʼnanaʼmofeʼmo Matasimaʼa alino atesiya mafaʼnekamo faligiye, huno ha paiteno

Matiyu 16:23

Yesuʼa aino afe leno ha painoʼaeʼmo, Sataniyo, kaune ho. Kaʼnimo akanika natesanafeʼmo hane. Goti aipa agesamo oʼaliʼnapa ma mopafi vayaʼai apaipa apakesamo aliʼnane, huno ha paiʼniye.

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Maki 13:7

Lapaopaleʼmo kamemo hisaya kavafeʼmo ava ge hisagetapa afige afagitega kamemo hisaya kavafeʼmo ava gemo hisagetapa afige hutetapaeʼmo lapau aitetapa koli osiyo. Ani kavaʼmo afole aigiyaʼmonanafa hano hisiya afinaʼmo henagaʼageʼmo afole aigiye.

Luki 17:1

Yesuʼa geʼamo neʼafiya vayaʼaifeʼmo hunoʼaeʼmo, Vayaʼmo apayate aligayaʼmonanafa apayateʼmo alisaya vayaʼmo vaehae, huʼna, lusi hanageke yaʼmo aligae.

Yoni 17:12

Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.

Apa 1:16

Vayaʼnimogitapae, huno, Goti Aunemeʼamoʼmo akeyaʼvilaga Yutasiʼa Yesuʼmo atafauʼa kalavusi huʼa atesaya vayaʼmo kaʼmo alino ho huno apave liʼniya vekamoʼmo hisiya kavafeʼmo ava gemo laginago vekamo Nevinifeʼmo ha paiʼnigeno avoʼmo ago kae maleʼniye. Ani avoʼmo kae maleʼniya gemo ago afole aiʼniye.

1 Kolitiyani 11:19

Fatago kavaʼmo nehaya vayaʼmogi afole yategamo afole aisayafeʼmo aliʼa fako huʼa apaote apaote huʼa maisaya agufa kavaʼmo haneʼniye.

1 Timoti 6:1

Kalavusi aliʼyaʼmo neʼaliya vayaʼmogi aliʼyaʼmo afoʼamo aiyafiʼmo maiʼneʼa geʼamo afisaya kavaʼmo huʼa maiʼnae. Geʼamo afigeʼapao Goti agiʼaleʼe alita apaya neʼmalona geleʼefeʼmo huʼa faipa huʼa oʼateyo.

Taitasi 2:5

Aliʼa apaya malesageʼa venemo aʼnemogimo afiteʼapaeʼmo apaipa apakesaleʼmo alagepa huʼa yagaiʼa atege yaveyave apaipa apakesa afige noʼapifiʼmo alagepa aliʼyaʼmo alige yuna apaipa kalige anauʼapimogi apaiyafiʼmo maige hisageʼapaeʼmo muki vayaʼmogi Goti geʼaeʼmo huʼa faipa huʼa oʼategae.

Taitasi 2:8

Huʼa faipa huʼa oʼatesayafeʼmo alagepa lokiya gemo hapa paigeʼapao kame vayakamogi lagaefeʼmo hosu faigoko gemo osisageno apavagage hino.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

1 Samiyo 2:17

Ani Ilai lole neya mafaʼnelaʼmoganimo huʼnaʼa hosu kavaʼmoʼa Ala kava neʼmo aulagaleʼmo alagi hosu kavaʼmo haneʼniye. Ala kava netefeʼmo ofalinimo hisayafeʼmo aliniʼa eʼnaya vayaʼmogimo Ala kava netefeʼmo ofalinimo hisaya kavafeʼmo alagi ohapauʼniye.