Matiyu 18:24 - The Keyagana NT and 25 OT books

²⁴ Aepa faino alino alagepa huno avoʼmo nekaegeʼapaeʼmo

Matiyu 18:24 ပူးပေါင်းရင်းမြစ်များ

Aepa Gemae 44:10

Agaemo hunoʼaeʼmo, Lapakaemo huʼnaya gemo akame hugune. Lapakaepatiʼmo mago vekamoʼmo ani kapumo aliʼnisigeʼna agesuvaʼmoʼmo ani vekamogeʼmo nagaeteʼmo kalavusi aliʼyaʼmo alisiya vekamo maigiyana lapakaemo vaiʼmo oʼalitapa afaʼa ugae.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 38:4

Hosu kavaʼnimoʼmo anikana huno nagenopaleʼmo aeno nati kaeʼnigeʼnaeʼmo lusi kana yaʼmo aliʼnovaʼmofeʼmo aeno nagaseʼniye.

Samu 40:12

Lekana opaisuna agufa hanageke yaʼmoʼmo nagufaleʼmo faino vego huno nateʼniye. Hosu kavaʼnimoʼa natafauʼniyanageʼna afaʼa aliʼna maku huʼna okagegauve. Nayokaʼmo asole yaʼmo haneʼniya kava huno hosu kavaʼnimo magoʼe huno haneʼniyaʼmofeʼmo naipamoʼmo lokiya oʼvaiʼnigeno lokiyaʼnimo alagi ohaneʼniye.

Matiyu 18:23

Ani kava hisaya kavaʼmo haneʼniyaʼmofeʼmo mago kini vekamoʼmo huʼniya kava huno Gotiʼa yagaino apategaiye. Kini vekaʼapimoʼa aliʼyaʼamo neʼaliya vayaʼai anonaʼapilefeʼmo alino alagepa huno avoʼmo kaeʼniye.

Matiyu 18:25

mago alopa tauseni moni anonaʼamo haneʼniya vekamo agaetegamo avaleliʼa eʼnae. Moniʼamo alagi ohaneʼniyaʼmofeʼmo kava vekaʼamoʼmo hapa painoʼaeʼmo, ani vekagi aʼagi mafaʼneʼagi muki kagemi yaʼagi hutapa aliteta apavalelituta maketi higeʼapao miya faitesagetapaeʼmo moniʼamo aliniteta anonaʼnilefeʼmo namiyo, huno hapa paiʼniye.

Matiyu 25:15

Agaemo magoke magoke vayaʼmogimo alopa aliʼyaʼmo alisafi aise aliʼyaʼmo alisafi huno agesamo afitenoʼaeʼmo apamete apamete huno moniʼaleʼmo yagaiʼa atesayafeʼmo alino fako huno apamiʼniye. Agaemo monimo fako huno mago vekamo faefu tausenimo amige mago vekamo tu tausenimo amige mago vekamo vani tausenimo amige huteno uʼniye.

Matiyu 25:16

Faefu tausenimo amiʼniya vekamoʼmo malage huno alininuno ani moniletiʼmo aliʼyaʼmo aliteno akamelegaʼamo magoʼe huno faefu tausenimo aliʼniye.

Matiyu 25:20

Faefu tausenimo aliʼniya vekamoʼmo akamelegaʼamo magoʼe huno faefu tausenimo alinineno, Ala kava nene, huno, monimo faefu tausenimo namiʼnane. Ago, huno, alininuʼna aliʼyaʼmo aliteʼna akamelegaʼamo magoʼe huʼna faefu tausenimo aliʼnove, huno ha paiʼnigeno

Matiyu 25:22

Inagi tu tausenimo amiʼniya vekamoʼmo eno ha painoʼaeʼmo, monimo tu tausenimo namiʼnane. Ago, huno, alininuʼna aliʼyaʼmo aliteʼna akamelegaʼamo magoʼe huʼna tu tausenimo aliʼnove, huno ha paiʼnigenoʼaeʼmo

Matiyu 25:24

Inagi vani tausenimo amiʼniya vekamoʼmo eno ha painoʼaeʼmo, Ala kava nene, huno, kageʼnovana kagaemo lokiya kaipa vekamo maiʼnekaeʼmo avina yaʼmo ohakaleʼnana hoyafatiʼmo neʼyaʼmo alige haletiʼyaʼamo ohaleʼnana nopatiʼmo neʼyaʼmo alige nehana vekamo maiʼnanaʼmofeʼmo

Luki 13:4

Silomi kotegamo lusi yatala yafa noʼmo aino halagape vaino asagauno aino eitiniʼa vayaʼmo apamagiʼnigeʼa faliʼnaya vayaʼai hosu kavaʼapimoʼmo muki Yulusalemu taonifiʼmo maiʼnaya vayaʼai hosu kavaʼapimo ago aeno aga seʼniye, huta lapakesamo neʼafifiye.

Luki 16:5

Ala vekaʼapimoʼmo anonaʼapimo haneʼniya vayaʼaifeʼmo ge huʼnigeʼa magoke magoke vayaʼmo ete ete huʼnagenoʼaeʼmo hogoteno eʼniya vekaeʼmo hunoʼaeʼmo, anonakamo na magi haneʼniye, huno ge huno afi geʼnigenoʼaeʼmo,

Luki 16:7

Alu vekaeʼmo hunoʼaeʼmo, anonakamo na magi haneʼniye, huno ge huno afi geʼnigenoʼaeʼmo, vani hataletiʼa falaova kuʼmo haneʼniye, huno ha paiʼnigenoʼaeʼmo, anonakalefeʼmo malage huka apepaleʼmo eitiʼae huka avoʼmo kao, huno ha paiʼniye.