Matiyu 18:22 - The Keyagana NT and 25 OT books

²² Yesuʼa ha painoʼaeʼmo, haʼao, huno, seveniʼa afinaʼmo hosu kavaʼamo alika oʼataleka seveni tamisi sevetiʼa afinaʼmo hosu kavaʼamo alika atalo.

Matiyu 18:22 ပူးပေါင်းရင်းမြစ်များ

Aepa Gemae 4:24

Mago vekamoʼmo Keniʼmo amagisiyaʼmoʼmo Ala kava neʼmoʼa seveniʼa afinaʼmo alopa hanageke yaʼmo amigiye. Ani kava huno mago vekamoʼmo namagisiyana magoʼe magoʼe huno hanageke yaʼmo amigiye, huno hana paiʼniye.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Maika 7:19

Halate alu agesamo afiteno lagaefeʼmo hau ayamopafi hausigeno hosu kavatiʼeʼmo kame huno aeno aga seteno hosu kavatileʼmo yagaino ategaiye. Kagaemo muki hosu kavatimo alika yaga auka atalesanageno solovala aniʼmo afepilagamo lusi vasilonafiʼmo uno lamigiye.

Matiyu 18:23

Ani kava hisaya kavaʼmo haneʼniyaʼmofeʼmo mago kini vekamoʼmo huʼniya kava huno Gotiʼa yagaino apategaiye. Kini vekaʼapimoʼa aliʼyaʼamo neʼaliya vayaʼai anonaʼapilefeʼmo alino alagepa huno avoʼmo kaeʼniye.

Maki 11:25

Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno.

Lomu 12:21

Fikumo yanageno hosu kavaʼapimoʼa aeno lapakasegaiyanagi alagepa kavatapiletiʼmo hosu kavaʼapimo aeta agaseyo.

Efasasi 4:26

Hosu kavafeʼmo lapaipamo leno. Lapaipamo lesiya afinaʼmo hosu kavaʼmo osiyo. Fiku yanagetapa lapaipamo leme leme neʼvisageno yegemo uno lamino falegaiye.

Efasasi 4:31

Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

Kolosi 3:13

Hosu kavaʼmo lapakaepatiʼmo hisagetapaeʼmo konagatapilegamo afalu afalu kavaʼmo hutapa vase kavaʼmo huge hosu kavaʼapimo alita atalege hutetapa magokepiʼmo lokaetapa maiyo. Mago konagatapimoʼmo konagaʼaeʼmo, nagaetegamo hosu kavaʼmo huʼniye, huno agesamo afiʼnisiyaʼmoʼmo Ala kava neʼmoʼa hosu kavatapimo alino ataleʼniya kava hutapa hosu kavaʼamo alita ataleyo.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.