Matiyu 18:19 - The Keyagana NT and 25 OT books

¹⁹ Mani kavatefeʼmo magoʼe gemo lapa nepauve, huno, Hainu afinaʼmo lapakaepatiʼmo lole vekalaʼmoganimo mago kavafeʼmo nunumuʼmo huʼanaeʼmo laʼamiyo huʼana magoke anaipa anakesamo aliʼneʼana huʼnisaʼana kokuʼnapi afoʼnimoʼmo afaʼa hana maeno anamigiye.

Matiyu 18:19 ပူးပေါင်းရင်းမြစ်များ

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Matiyu 5:24

ofalini hiʼyalamutetiʼmo atalekuka hogoteka alika kao yaʼmo hutetana magoke lanaipa lanakesamo alitetana atagi negeka ofalinimo amiyo.

Matiyu 7:7

Ge hutapa afi nekegenoʼao afaʼa lapamigiyanagi. Kahauya hiyo agetapa aligayanagi.

Maki 11:24

Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 16:23

Ani afinaʼmo afole aisigetapaeʼmo mago kavafeʼmo loka huta nafi okegae. Alagi lama gemo lapa nepauve, huʼna, lapakaemo Afoʼnimofeʼmo nagiʼniletiʼmo muki yafeʼmo afi gesagenoʼaeʼmo afaʼa lapamigiye.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 12:5

Pitaʼa kalavusifiʼmo maiʼnigeʼa ati vayaʼmogimo yagaiʼa ateʼa maiʼnageʼapaeʼmo muki siosi vayaʼmogimo Gotiʼa ha maesiyafeʼmo lusi kava huʼa nunumuʼmo huʼa ateʼnae.

Apa 16:10

Ageteno laha paiʼnigetaeʼmo, Gotiʼa hunoʼaeʼmo, Masetoniya vayaʼaitegamo utapa alagepa faigoko geʼnimo aetapa hakalo hutapa hapa paiyo, huno laha paiʼniye, huta magoke laipa lagesamo aliteta Masetoniya kotegamo ugune, huta huʼnone.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Filipai 1:19

Lapakaemo nunumuʼmo hutapa neʼnatayanageno Yesu Kalaisi Aunemeʼamoʼmo naha maeteno nagufamo alino katino nategaiye, huʼna afiʼnove.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.