Matiyu 18:17 - The Keyagana NT and 25 OT books

¹⁷ Agaemo anavalelika visana vekalaʼani geʼanimo oʼafisigekaeʼmo siosi vayaʼaifeʼmo hapa paiyo. Agaemo siosi vayaʼai geʼapimo oʼafisigekaeʼmo Goti geʼamo noʼafisaya vayaʼaitegaʼe takesi monimo neʼaliya vayaʼaitegaʼeʼmo nehana kava huka agaetega huvo, huno huteno,

Matiyu 18:17 ပူးပေါင်းရင်းမြစ်များ

Esala 6:21

Inagi muki Isaleli vayaʼmo kame vayaʼmogi kalavusi huʼa apateʼnayategatiʼmo atagineʼa eʼnaya vayaʼmogiʼe Ala kava neʼmo Isaleli vayaʼmogi Gotiʼapimofeʼmo kahauya huʼa ageteʼa mono hisayafeʼmo ani mopaleʼmo maiʼnaya vayaʼai hosu kavaʼapifatiʼmo ataleʼa eʼnaya vayaʼmogiʼeʼmo ani ofalinimo ameʼamo magokepi neʼnae.

Matiyu 10:3

Filipiʼagi Matolomiyuʼagi Tomasiʼagi Matiyuʼa takesi moni neʼaliya vekagi Afiyasi mafaʼnemo Yemisiʼagi Taʼniyasiʼagi

Matiyu 11:19

Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Matiyu 6:7

Goti geʼamo alagi noʼafiya vayaʼmogimo muki afinaʼmo magoke agufa geʼageʼmo hume hume neʼuʼapaeʼmo, muki afinaʼaeʼmo nehuna gemo afaʼa afigiye, huʼa apakesamo neʼafiye. Ani kava hutapa nunumuʼmo osiyo.

Luki 15:1

Mago afinaʼmo takesi moni neʼaliya vayaʼe Yu monoʼmo noʼafiya vayaʼmogiʼeʼmo Yesu geʼamo afisayafeʼmo eʼnae.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

1 Kolitiyani 5:9

Hogoteʼna avoʼmo kaeʼna lapamiʼnaeʼmo, kumai kavaʼmo nehisaya vayaʼeʼmo magokepi lokaetapa oʼmaiyo, huʼna avoʼmo ago kaeʼna lapamiʼnove.

1 Kolitiyani 6:1

Lapakaepatiʼmo magoʼamogi ge vaiteʼapaeʼmo konagaʼapimogi agoti huʼa neʼapatae. Haiya kava hutapa lapavagage osigetapa Goti apaote vayaʼalegamo apavalelita oʼutapa malaga vayaʼmo fatago huʼa noʼmaiya vayaʼmogi agotileʼmo apavalelitapa neʼvae.

2 Tesaloniyani 3:6

Konagatimogitapae, huta, Ala kava netimo Yesu Kalaisi agiʼaletiʼmo lokiya gemo huta lapa paitaeʼmo, muki konagatapimogimo aliʼyaʼmo oʼaliʼa afaʼa maiʼneʼa hapa paiʼnona gemo oʼafiʼnaya vayaʼmo maitapa halove huta apateyo.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

Yasuva 22:15

Apakaemo Giliyati kotega uʼa avaʼyi huteʼapaeʼmo Lumeni nofi vayaʼaifenagi Gati nofi vayaʼaifenagi Manasa vayapati magokayaga nofi vayaʼaifenagi huʼa ina ge huʼa hapa paiʼnae.