Matiyu 18:10 - The Keyagana NT and 25 OT books

¹⁰ Ehetapiye, huno, aise mafaʼne anagaʼaifeʼmo ina agufa vayane, hutapa osiyo. Lapa nepauve, huno, yagaiʼa neʼapataya enisole vayaʼmogimo muki afinaʼmo kokuʼnapi afoʼnimo augosafiʼmo ageʼnae.

Matiyu 18:10 ပူးပေါင်းရင်းမြစ်များ

Esata 1:14

Ina kava huvo, huʼa ha nepaiya vayaʼai apakiʼapimo Kasenaʼagi Setaʼagi Atimataʼagi Tasisiʼagi Melesiʼagi Masenaʼagi Memukaniʼagi huʼa maiʼnae. Ani seveniʼa vayaʼmo Pesiya vayapatiʼmo maige Mitiya vayapatiʼmo maige huʼneʼa hogote gamani vayaʼmo maiʼnae.

Samu 15:4

Gotiʼa ohauʼniya vayaʼaifeʼmo, laulagaleʼmo ina agufa vayaʼmo maiʼnae, huʼa huge Gotifeʼmo koli nehaya vayaʼai apakiʼapileʼmo aliʼa asaga huʼa apatege Goti agiʼalefeʼmo ani kavaʼmo hugune, huʼa hapa nepaiya gemo akame hisayafeʼmo kana huʼnisiyana afaʼa akame huge

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 34:7

Ala kava neʼmo enisole vekaʼamoʼmo Ala kava nefeʼmo koli nehaya vayaʼaiteʼmo yagaino vego huno apateteno apakufamo alino katino neʼapate.

Samu 91:11

Ala kava neʼmoʼa enisole vayaʼaeʼmo, yagaitapa ateyo, huno hapa paisigeʼa muki afinaʼmo kategamo umenitata hisana afinaʼmo yagaiʼa kategayaʼmofeʼmo hosu kavaʼmo kagaeteʼmo alagi afole oʼaigiye.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 12:20

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Ani kava osugiyaʼmonanafa aliʼyaʼmo alime alime neʼvisigeno fatago kavaʼaeʼmo ava gemo alino atesigeno visigenoʼaeʼmo aliʼyaʼaletiʼmo neʼyaʼamo alagi afole aigiye. Afole aisigeʼa alu kotega alu kotegamo maiʼnaya vayaʼmogimo agaefeʼmo aliʼa amufa amigae, huno avoʼmo kae maleʼniye.

Matiyu 18:14

Ani kava huno kokuʼnapi afotapimoʼmo mani agufa aise mafaʼnefatiʼmo magoke mafaʼnemo alagi afela osegaiye, huno hu maleʼniye, huno hapa paiʼniye.

Matiyu 18:6

Mago vekamoʼmo mani agufa mafaʼnemoʼa nagaefeʼmo agesamo afino fatago nehiya mafaʼnemoʼmo hosu kavaʼmo hisiyafeʼmo ayate aliʼnisiyana lusi hanageke yaʼmo aligiye. Aligiyaʼmonanafa hogoteno ayate oʼaliʼnisigeʼapaeʼmo atafauʼa alopa yafateʼmo nofi aeteʼa lugoʼafiʼmo aeteʼa solovala anipiʼmo aliʼa yaga auʼa atalesagenoʼaeʼmo aise hanageke yaʼmo aligiye.

Matiyu 2:13

Apakaemo utagenoʼaeʼmo Yosefeʼa alagamuna ageʼniyana Ala kava neʼmo enisole vekaʼamoʼa hunoʼaeʼmo, he tika mafaʼneʼaʼe itaʼamoʼeʼmo anavalelika kaune heka Isipi kotegamo uvo. Helotiʼa ani mafaʼnemo amagisiyafeʼmo kahauya nehiyanagi anavalelikuka Isipi kotegamo nagava maiʼnegeʼnao kaha paiguve, huno ha paiʼniye.

Matiyu 2:19

Helotiʼa ago falitegenoʼaeʼmo Yosefeʼa Isipi kotegamo maiʼnenoʼaeʼmo alagamuna ageʼniyana Ala kava neʼmo enisole vekaʼamo afole aiʼnigeno ageʼniye.

Matiyu 24:31

Mago enisole vekamoʼmo alopa gefatiʼmo pikuli nehisigenoʼaeʼmo agaemo enisole vayaʼamo alino apatesigeʼa ma mopamo loleʼe loleʼe atupaleʼmo uʼeʼa huʼa lekana paino apateʼniya vayaʼmo apavaleli eʼa aliʼa anupa huʼa apategae.

Luki 1:19

nagaemo Gemaliyoʼnamae. Muki afinaʼmo Goti haopaleʼmo aliʼyaʼamo alisuvafeʼmo he tiʼna neʼmauve. Gotiʼa kagaemo kamogaga aisana gemo kaha paisuvafeʼmo alino nateʼnigeʼna kagaetegamo emiʼneʼnove.

Luki 10:16

Geʼamo neʼafiya vayaʼaifeʼmo hunoʼaeʼmo, getapimo neʼafiya kava huʼa geʼnimo neʼafiye. Apakameʼyamo nelapamiya kava huʼa apakameʼyamo neʼnamiye. Apakameʼyamo neʼnamiya kava huʼa alino nateʼnigeʼna emiʼneʼnova vekaʼeʼmo apakameʼyamo neʼamiye, huno hapa paiteno alino apateʼnigeʼa uʼnae.

Luki 16:22

Afaʼa maiʼneno aukaya nehiya vekamo faliʼnigeʼapaeʼmo enisole vayaʼmogi emi eʼa avaleli uʼa haiʼa kokuʼnapiʼmo Emalehamu haopaleʼmo ateʼnageno maiʼniye. Ani kavaʼmo huno kagemi yaʼamo haneʼniya vekamo faliʼnigeʼapaeʼmo alini uʼa kiʼa ateʼnae.

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 12:15

Hapa paiʼnigeʼapaeʼmo, Negi gemo nehane, huʼa huʼnagenoʼaeʼmo, Haʼao, alagi lama gemo nehuve, huno magoʼe magoʼe huno huʼnigeʼapaeʼmo Pita enisoleʼamo eno maiʼnegaiye, huʼa huʼnae.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

Lomu 14:10

He tiʼniyaʼmofeʼmo konagatapimogi nehaya kavaʼmo alita fako hutapa neʼapataya vayanagi na kava higetapaeʼmo ani kavaʼmo nehae. Konagatapimogifeʼmo ina agufa vayaʼmo maiʼnae, hutapa nehaya vayanagi na kava higetapaeʼmo ani kavaʼmo nehae. Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiyafeʼmo mukiʼamogita uta haita aulagaleʼmo he tita maigune.

Lomu 14:21

Lapakaemo konagatapimo asagauʼa oʼaisayafeʼmo ameʼamo oʼnege lokiya aniʼmo nofi alagafati aniʼmo oʼnege muki agufa kavaʼmo alita hosu hutapa apatesaya agufa kavaʼmo osuge nehisayana alagepa kavaʼmo nehae.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

1 Kolitiyani 11:22

Notapifiʼmo neʼyaʼmo nege aniʼmo nege hisaya notapimo ohaneʼnifiye. Hosu kavaʼmo hutapa neʼyaʼmo neʼnetapaeʼmo siosi vayaʼaifeʼmo ina agufa vayaʼmo maiʼnae, huta hutetapa kagemi yaʼapimo ohaneʼniya vayaʼmo apavagage yaʼmo alita neʼapamiye. Mani kavatefeʼmo na agufa gemo lapa paiguve. Lapao ke heʼnaeʼmo alagepa kavaʼmo nehae, huʼna hisufiye. Vaehae. Ani agufa gemo alagi osuguve.

1 Kolitiyani 16:11

Fiku yanageno mago vekamoʼmo hunoʼaeʼmo, ina agufa vekamo maiʼniye, huno huteno akameʼyamo amigiyanagi ha maegenoʼao nagaetegamo alagepa huno eno. Agaeʼe mago konagatimogiʼeʼmo aiʼa atagi neʼa esayaʼaeʼmo apakava neʼmauve.

1 Kolitiyani 9:22

Maiʼneʼna apavaleliʼna esuvafeʼmo alagepa huʼa oʼafiʼnaya Goti mafaʼneʼaitegamo uʼna aliʼyaʼmo neʼaliʼnaeʼmo apakaekana huʼna maiʼnove. Alu kava alu kavatetiʼmo magoʼe vayaʼmo apavaleliʼna esuvafeʼmo alu kava alu kavaʼmo nehaya vayaʼaitegamo uʼna aliʼyaʼmo neʼaliʼnaeʼmo alu kava alu kavaʼmo nehuve.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 10:10

Ani kavafeʼmo mago vayaʼamogi huʼapaeʼmo, mani avoʼmo kaeʼniya gemoʼa kana huʼnigeno lokiya vaiʼniyaʼmonanafa lagaeʼeʼmo lokaeno maiʼniya afinaʼmo ina agufa vekamo maiʼneno ge huʼniya geʼamoʼmo afa gegana huʼniye, huʼa nehae.

Galesiya 6:1

Konagaʼnimogitapae, huʼna, mago hosu kavaʼmoʼa malage huno mago konagatapimoʼmo atafausigeno hosu kavaʼmo huʼnisigetapaeʼmo lapakaepatiʼmo Goti Aunemeʼamo alagepa huʼa akame nehisaya vayaʼmogimo yagu yaga gemo huʼa aliʼa alagepa huʼa ateyo. Lapakaeʼeʼmo lapamalageka hisagetapaeʼmo hosu kavaʼmo osisayafeʼmo lapakaitapileʼmo alagepa hutapa yagaiʼnetapaekeʼmo alita api aita ateyo.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

1 Timoti 4:12

Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.

Leveleseni 8:2

Inagi ageʼnovana seveniʼa enisole vayaʼmo Goti aulagaleʼmo he tiʼa maiʼnaya enisole vayaʼmo apamiʼniya pikulimo aliteʼa maiʼnageʼna apakeʼnove.