Matiyu 17:27 - The Keyagana NT and 25 OT books

²⁷ Mafaʼneʼamo maiʼnovaʼmonanafa fiku yanagetaʼa monimo oʼmalesuʼana apaipamoʼmo hosugiye. Kagaemo ani kotutegamo uka lamika anipiʼmo hukumo yaga auka maleʼnekaeʼmo hogoteka alisana noyamemo avayafiʼmo laga monimo haneʼnisigeka agegananagi nagaeʼe kagaeʼeʼmo apamisuʼa monimo haneʼnegaiyanagi alinikuka alopa mono notefeʼmo takesi neʼaliya vayaʼmo nagae takesi moniʼe kagaika takesi moniʼeʼmo apamiyo, huno ha paiʼniye.

Matiyu 17:27 ပူးပေါင်းရင်းမြစ်များ

Aepa Gemae 1:28

Gotiʼa alino auleno anatetenoʼaeʼmo, Lanakaemo asole vayaʼmo aitana atagu faesaʼageʼapaeʼmo muki haopalegamo uʼeʼa huʼa maiʼneʼa muki ma mopafi yateʼmo yagaiyo. Solovala anipi noyameleʼmo yagaige kokuʼnapi namaleʼmo yagaige muki mopafiʼmo afaʼa maisaya yateʼmo yagaige hiyo, huno hana paiʼniye.

1 Kini 17:4

Kagaemo ani aniʼmo negane. Nagaemo mago nama anagaʼmogi apakiʼapimo Leveni nama anagaʼaifeʼmo, aniʼmo haopaleʼmo neʼyaʼmo hanilitutapa amiyo, huʼna ago hapa paiʼnove, huno ha paiʼniye.

Yona 1:17

Ala kava neʼmoʼa alopa noyamemo alino ateʼnigeno uno aka huʼneno Yonaʼmo alino nakaitalegeno uno lamino loleʼe magoʼe felugaʼe haniʼilagaʼeʼmo noyamemo agupafiʼmo maiʼniye.

Yona 2:10

Ala kava neʼmoʼa noyameeʼmo ha paiʼnigeno uno ani agiʼnaleʼmo Yonaʼmo mu valino ateʼniye.

Matiyu 17:26

alu kotega vayaʼaitetiʼeʼmo neʼaliye, huno ha paiʼnigeno, he, mafaʼneʼapimo afaʼa apatalesageʼa maigae.

Matiyu 18:6

Mago vekamoʼmo mani agufa mafaʼnemoʼa nagaefeʼmo agesamo afino fatago nehiya mafaʼnemoʼmo hosu kavaʼmo hisiyafeʼmo ayate aliʼnisiyana lusi hanageke yaʼmo aligiye. Aligiyaʼmonanafa hogoteno ayate oʼaliʼnisigeʼapaeʼmo atafauʼa alopa yafateʼmo nofi aeteʼa lugoʼafiʼmo aeteʼa solovala anipiʼmo aliʼa yaga auʼa atalesagenoʼaeʼmo aise hanageke yaʼmo aligiye.

Matiyu 18:8

Magoke lapayaʼmoʼmofi magoke lapaiyamoʼmofi huno hosu kavaʼmo hisayafeʼmo lapayateʼmo neʼalisigetapaeʼmo heta hatagautapa ataleyo. Magoke lapayaʼmofi magoke lapaiyamofi huno haneʼnisigetapaeʼmo afaʼa maige maige hutapa maisayategamo uta haisayana kanale hugiye. Lole lapayatalaʼmofi lole lapaiyalaʼmofi huno haneʼnisiyaʼmoʼmo ata kopiʼmo alino yaga auno lapatalesigenoʼaeʼmo hosugiye.

Matiyu 5:29

Lamaga lapaulagamoʼmo lapayate aliʼnisigetapa hosu kavaʼmo nehisayana alita katita ataleyo. Lapakufafatiʼmo magoke yatapimo alita ataletetapa ata kopiʼmo oʼvisayana kanale hugiyaʼmonanafa hosu kavaʼmo nehisageno muki lapakufaʼaʼeʼmo alino ata kopiʼmo yaga auno lapatalesigenoʼaeʼmo hosugiye.

Matiyu 5:30

Lamaga lapayaʼmoʼmo lapayate aliʼnisigetapa hosu kavaʼmo nehisayana heta hatagauta ataleyo. Lapakufafatiʼmo magoke yatapimo alita ataletetapa ata kopiʼmo oʼvisayana kanale hugiyaʼmonanafa hosu kavaʼmo nehisageno muki lapakufaʼaʼeʼmo alino ata kopiʼmo yaga auno lapatalesigenoʼaeʼmo hosugiye.

Maki 9:42

Huno hapa paitenoʼaeʼmo, Mago vekamoʼmo ani agufa aise mafaʼnemoʼmo nagaefeʼmo agesa afino fatago nehiya mafaʼnemoʼa hosu kavaʼmo hisiyafeʼmo ayateʼmo aliʼnisiyana lusi hanageke yaʼmo aligiye. Aligiyaʼmonanafa hogoteno ayateʼmo oʼaliʼnisigeʼapaeʼmo atafauʼao alopa yafateʼmo nofi aeteʼa lugoʼafiʼmo aeteʼa alini uʼa solovala anipiʼmo yaga auʼa atalesagenoʼaeʼmo aise hanageke yaʼmo aligiye.

Maki 9:43

Inagi lapayaʼmoʼa hosu kavaʼmo hisayafeʼmo alino he tino nelapatesigetapaeʼmo heta hatagauta ataleyo. Magoke lapayaʼmo haneʼnisiyana maige maige hutapa maisayategamo uta haita maisayana kanale hugiye. Lole lapayaʼmo haneʼnisiyana alagi yu oseno lege lege huno neʼmaiya ata kopiʼmo uta lamita maisayana hosugiye.

Luki 17:2

Lusi hanageke yaʼmo aligayaʼmonanafa mago vekamoʼmo ani agufa aise mafaʼnemoʼmo hosu kavaʼmo hisiyafeʼmo hogoteno ayateʼmo oʼaliʼnisigeʼapaeʼmo atafauʼa alopa yafateʼmo nofi aeteʼa lugoʼafiʼmo aeteʼa avaleliʼuʼa solovala anipiʼmo yaga auʼa atalesagenoʼaeʼmo aise hanageke yaʼmo aligiye.

Yoni 6:61

Yesuʼa agaiʼa aipafiʼmo agesa afinoʼaeʼmo geʼnimo neʼafiya vayaʼmogi huʼnova geeʼmo hagalu hagalu gemo nehae, huno apaketenoʼaeʼmo, mani huva gemoʼmo aneʼaifiʼmo hegekana huno lapatafauʼnifiye.

Lomu 14:21

Lapakaemo konagatapimo asagauʼa oʼaisayafeʼmo ameʼamo oʼnege lokiya aniʼmo nofi alagafati aniʼmo oʼnege muki agufa kavaʼmo alita hosu hutapa apatesaya agufa kavaʼmo osuge nehisayana alagepa kavaʼmo nehae.

1 Kolitiyani 8:13

Nehayaʼmofeʼmo afumo ameʼamo neʼnovanageno konagaʼnimoʼmo hosu kavaʼmo hisigeʼnaeʼmo halate afumo ameʼamo alagi oʼnegauve. Hosu kavapiʼmo asagauno oʼaisiyafeʼmo afumo ameʼamo oʼnegauve.

1 Kolitiyani 8:9

Oʼmaigunaʼmofeʼmo alagepa hutapa kava yagaiyo. Hosu kavanagetapa kalavusifiʼmo oʼmaitapa afaʼa maiʼnetapaeʼmo negaune, hutapa nehaya kavaʼmoʼa lokiya oʼvaiʼnaya vayaʼmo apaiyafiʼmo hapaesigeʼapaeʼmo hosu kavapiʼmo asagauʼa aigae.

2 Kolitiyani 6:3

Aliʼyatieʼmo huʼa faipa huʼa olatesayafeʼmo vayaʼai apaiyafiʼmo hapaesiya yaʼmo noʼmalonaʼmonanafa

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

1 Tesaloniyani 5:22

Muki agufa hosu kavaʼamo maita halove hutapa ateyo.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.