Matiyu 16:6 - The Keyagana NT and 25 OT books

⁶ Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Matiyu 16:6 ပူးပေါင်းရင်းမြစ်များ

Matiyu 16:1

Mago Falasi mono vayaʼe Satiyusi mono vayaʼeʼmo Yesutegamo eʼa amalageka huʼapaeʼmo, kokuʼnapi himamukaletiʼmo alagena kavaʼmo hugeta ageno, huʼa ha paiʼnae.

Matiyu 16:11

Peleti mayaeʼmo nosuvaʼmonanafa na kava higetapa oʼafiʼnae. Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huʼna lapa nepauve, huno hapa paiʼniye.

Matiyu 16:12

Ani gemo afiteʼapaeʼmo peleti maya falaovafiʼmo neʼataya yafeʼmo osuʼnifa Falasi mono vayaʼmogi aliʼa apaya neʼmalaya geʼe Satiyusi mono vayaʼmogi aliʼa apaya neʼmalaya geʼefeʼmo ehetapiye, huno huʼniye, huʼa huʼnae.

Matiyu 16:5

Geʼamo neʼafiya vayaʼmogimo ago apake kaniʼnigeʼa peleti mayamo oʼaliʼa ataleʼa ani kotuteʼmo sipifiʼmo uʼnae.

Matiyu 16:7

Apakaemo ge huge afige huʼapaeʼmo, lagaemo peleti mayamo oʼalita ago ataleta neʼonaʼmofeʼmo mani gemo nehiye, huʼa huʼnae.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Maki 8:15

Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Luki 12:1

Muki asole vayaʼmo eʼa aliʼa anupa huʼa faiʼa kili paeʼa maiʼnagenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, Falasi vayaʼai peleti mayafiʼmo aeno apafu neleya yafeʼmo aeʼa ati nekaya kavafeʼmo ehetapiye.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Yoni 4:33

Apakaiʼapi apakaiʼapimo ge huge afige huʼapaeʼmo, mago vekamoʼmo neʼyaʼmo ago alinineno amiʼnigeno neʼnifi, huʼa huʼnae.

Galesiya 5:9

Falaova laʼnefafiʼmo kosisiya yaʼmo aiseʼamo aliʼa neʼatageno uneno nehigeno mukiʼamo aeno apafu leno ko nesiye.