Matiyu 16:3 - The Keyagana NT and 25 OT books

³ Yegemo haine neʼegenoʼaeʼmo kokuʼnategamo alino haniʼagekeʼmo nehigenoʼaeʼmo haesa koʼmo aligeta agetetapaeʼmo, hemenimo ko aigiye, hutapa nehae. Lapakaemo kokuʼnatega afole neʼaiya alagena kavaʼmo alita fako huta neʼagayaʼmonanafa hemenimo afole neʼaiya alagena kavaʼmo alita fako hutetapa afole aisiya kavaʼmo afaʼa noʼagae.

Matiyu 16:3 ပူးပေါင်းရင်းမြစ်များ

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 15:7

Aeta ati nekaya vayanagi afiyo, Aiyeyaʼa Gotitegati gemo alinineno aeno hakalo huno hapa paiʼniya gemoʼmo lapakaefekeʼmo alagi lama gemo haneʼniye.

Matiyu 22:18

Yesuʼa hosu apaipa apakesa afiʼnaya kavaʼapimo ago apaketenoʼaeʼmo, aeta ati nekaya vayaʼmogitapae, huno, na kava higetapaeʼmo aneʼai hanagita natafaugefeʼmo nehae.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 7:5

Aeta ati nekaya vayane, huʼna, alagepa hutapa agetetapa konagatapimo aulagafatiʼmo afayaʼmo alita atalesayafeʼmo hogoteta lapaulagafatiʼmo latapa yakefamo alita akaitapa ataleyo.

Luki 11:44

Keʼaepa gemo avoʼmo kaeta alita apaya neʼmalaya vayanagi Falasi vayanagi hutapa aeta ati nekaya vayanagi vaehae, lapakaetegamo kage kage hisaya kavaʼmo afole aigiye. Lapakaemo faliʼnageʼa kiʼa apateʼnaya vayaʼmogi keligana huta maiʼnae. Vayaʼmo keli avayaleʼmo uʼeʼa nehuʼapaeʼmo, apakufaʼamo haneʼniye, huʼa noʼagae, huno hapa paiʼniye.

Luki 12:56

Aeta ati nekaya vayanagi ma mopale alagena kavaʼmo ago ageʼnayaʼmonanafa na kava higetapaeʼmo hemenimo nehuva alagena kavaʼmo noʼagae.

Luki 13:15

Ala kava neʼmoʼa geʼaleʼmo aeno atagaina huno hapa painoʼaeʼmo, aeta ati nekaya vayane, huno, Sapati afinaʼae afinaʼaeʼmo pulumakatapimofi hositapimofi hutapa noʼapifatiʼmo hatu maeta apateteta aniʼmo nesayafeʼmo apavalelita neʼvae.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.