Matiyu 16:19 - The Keyagana NT and 25 OT books

¹⁹ Nagaemo Gotiʼa yagaino neʼapateya kote kiʼmo kamisugeka ma mopafi maiʼnekaeʼmo kita ki malesanagenoʼaeʼmo ani kava huno kokuʼnapi vekamoʼmo kita ki malegaiye. Ma mopafi maiʼnekaeʼmo kita yakisanana ani kava huno kokuʼnapi vekamoʼmo kita yaki malegaiye, huno ha paiteno

Matiyu 16:19 ပူးပေါင်းရင်းမြစ်များ

Matiyu 18:18

Alagi lama ge lapa nepauve, huno, ma mopafi maiʼnetapaeʼmo kitamo ki malesayana ani kava huno kokuʼnapi vekamoʼmo kitamo ki malegaiye. Kitamo yaki malesayana ani kava huno kokuʼnapi vekamoʼmo kitamo yaki malegaiye.

Yoni 20:23

Lapakaemo mago vayaʼaifeʼmo, Gotiʼa hosu kavatapimo alino ataleʼniye, hutapa hapa paisagenoʼaeʼmo ago alino ataleʼniyanageno hosu kavaʼapaimo ohanegaiye. Ani ge hutapa mago vayaʼaifeʼmo Gotiʼa hosu kavatapimo alino oʼataleʼniye, hutapa hapa paisagenoʼaeʼmo alino oʼataleʼniyanageno hosu kavaʼapimo afaʼa hanegaiye, huno hapa paiʼniye.

Apa 15:7

Lusi kava huʼa ge huge afige huʼa maiʼneʼapaeʼmo Pitaʼa he tino, konagaʼnimogitapae, huno, Akeyaʼvilagamo Gotiʼa alagepa faigoko geʼamo alu nofi vayaʼaifeʼmo aeʼna hakalo huʼna hapa paisugeʼa afiteʼapaeʼmo apakesamo afiʼa fatago hisayafeʼmo lapakaepatiʼmo nagaemo lekana paino nateʼniye.

2 Kolitiyani 2:10

Lapakaemo hosu kavaʼamo alitapa atalesageʼnaeʼmo nagaeʼeʼmo aliʼna atalegauve. Nagaetegamo hosu kavaʼmo huʼnisiyaʼmoʼmo aliʼna ataleʼnove. Lapa maesuvafeʼmo Kalaisi aulagaleʼmo hosu kavaʼamo aliʼna ataleʼnove.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 11:6

Ani lole vekalaʼmoganimo Goti geʼamo aeʼana hakalo huʼana hapa nepaiʼa afinaʼmo himamuʼaniletiʼmo kokuʼnaʼmo atafauʼana atesaʼageno koʼmo oʼaigiye. Anakaemo aniteʼmo yagaiʼneʼana kolakana aniʼmo aliʼana hamaleʼana ategaʼae. Hanauʼnisigeʼanaeʼmo ma mopafi vayaʼmo muki alu kayo alu kayotetiʼmo afaʼa apamagite apamagite hugaʼae.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.

Leveleseni 9:1

Napa faefu enisole vekamoʼa pikulimo huʼnigeʼnaeʼmo ageʼnovana mago kanefiʼmo kokuʼnapatiʼmo aino atafaino ma mopafiʼmo asagauno aiʼnigeʼna ageʼnove. Ive keli kitale kiʼmo amiʼnigeno aliʼniye.