Matiyu 16:18 - The Keyagana NT and 25 OT books

¹⁸ Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Matiyu 16:18 ပူးပေါင်းရင်းမြစ်များ

Aepa Gemae 22:17

nagaemo aliʼna auleʼna kateʼnaeʼmo aliʼna auleʼna kategauve. Nagaemo kaginago vayaʼmo aliʼna afole aiʼna apatesuva vayaʼmogimo kokuʼnate kanefikana huʼa afole aige ani kahaepagana huʼa afole aige hugae. Kaginago vayaʼmogimo kame vayaʼapimo kamemo huʼa aeʼa apaka seteʼa taoniʼapimo aligae.

Samu 107:18

Muki alu neʼya alu neʼyafeʼmo ohapauʼniyaʼmofeʼmo falisayafeʼmo huʼnae.

Samu 127:5

Asole kevemo maleʼnaya vayaʼmo maiʼnaya kava huʼa asole mafaʼnemo aliʼa apateʼnaya vayaʼmogimo apamogaga aigae. Kame vayaʼapimogimo agoti huʼa apatesageʼapaeʼmo ge huʼa aeʼa apakasegae.

Samu 129:2

He, huta, muki afinaʼmo kame vayatimogimo vayaʼmo aepa faita maiʼnona afinatetiʼmo aliʼa hosu huʼa lateme lateme neʼayaʼmonanafa apakaemo aeʼa nolagasae.

Samu 69:12

Kateʼmo aliʼa anupa huʼa maiʼnaya vayaʼmogi huʼa faipa huʼa nateʼnae. Alopa aniʼmo neteʼa negi nagi gemo nehaya vayaʼmogimo nagaefeʼmo yokemo nehae.

Samu 9:13

O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Mai'naya kavane 24:7

Afiteʼa agesaya kavaʼmo muga anagamo haneʼniyaʼmofeʼmo negi vekamoʼmo afaʼa oʼaligiye, Vayaʼmo aliʼa anupa huʼa maiʼneʼapaeʼmo ge huge afige nehagenoʼaeʼmo ge osuno afaʼa neʼmaiye.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Yona 2:6

Nagaemo ave aiyafiʼmo emiʼneʼnogenoʼaeʼmo kaʼnimo akanino nateteno natafauno nateʼniyaʼmonanafa kagaemo Ala kava neʼnimogamo nagufamo kasalisiya kelifatiʼmo navalelika haikeka nateʼnane.

Matiyu 10:2

Ani tuolofuʼa apa vayaʼai apakiʼapimo haneʼniye. Hogote vekamo Saimoniʼmo mago alu agiʼamo Pitaʼagi aganaʼamoʼmo Eʼnaluʼagi Sepeti mafaʼnelaʼmo Yemisiʼagi aganaʼamoʼmo Yoniʼagi

Matiyu 11:23

Kapeneyamu taoniyo, huʼna, kokuʼnapiʼmo alino asagauno lapatesigetapa uta haigafiye. Haʼao, ata kopikeʼmo uta lamigae. Taonitapifiʼmo noʼagaya agufa lokiya naune kavaʼmo huʼnova agufa kavaʼmo mago vayaʼmogi Sotomi taonifiʼmo huʼnaesinana Sotomi taonimo afaʼa haneme haneme eno hemeniʼeʼmo afaʼa haneʼniyesine.

Matiyu 18:17

Agaemo anavalelika visana vekalaʼani geʼanimo oʼafisigekaeʼmo siosi vayaʼaifeʼmo hapa paiyo. Agaemo siosi vayaʼai geʼapimo oʼafisigekaeʼmo Goti geʼamo noʼafisaya vayaʼaitegaʼe takesi monimo neʼaliya vayaʼaitegaʼeʼmo nehana kava huka agaetega huvo, huno huteno,

Matiyu 4:18

Yesuʼa Galeliya kotega ani kotu agiʼnaleʼmo uneno nehunoʼaeʼmo anakeyana lole konagalaʼmo noyame neʼaliʼa vekalaʼmo maiʼnaʼageno anakeʼniye. Mago vekamo agiʼamo Saimoniʼmo mago alu agiʼamo Pitaʼe konagaʼamo agiʼamo Eʼnaluʼeʼmo umenimo ani kotupiʼmo yaga auʼana neʼmalaʼageno anakeʼniye.

Matiyu 7:24

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Yoni 1:42

Eʼnaluʼa Saimoniʼmo avalelino Yesutegamo uʼniye. Yesuʼa Saimoniʼmo agetenoʼaeʼmo, Saimoniyo, huno, Yoni mafaʼneʼamo maiʼnane. Kagikamo Sifasigae huʼna katove, huno ha paiʼniye. Sifasiʼa ina kava huno Pitaʼae agimo aepaʼamo yafane.

Apa 2:47

Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 8:1

Sitiveniʼa faliʼniya afinaʼmo Yulusalemu taonifiʼmo maiʼnaya siosi vayaʼmo lusi hanageke yaʼmo apamiʼnae. Apamiʼnageʼapaeʼmo muki siosi vayaʼmo atagu faeʼa apaune heʼa Yutiya kotegaʼe Sameliya kotegaʼeʼmo uʼeʼa huʼnageʼa apa vayaʼageʼmo Yulusalemu taonifiʼmo maiʼnae.

1 Kolitiyani 15:55

Vayaʼmo nefaliya kavaʼmo lokiyaʼamo hano huʼniye. Nefaliya kavaʼmoʼa magoʼe huno aeno apaka osegaiye, huno hu maleʼniye.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.

Efasasi 5:32

Mani gemo alagi alino fala ki maleʼniya gemo haneʼniyaʼmonanafa siosi vayaʼmogitaʼe Kalaisiʼeʼmo lokaeʼa maisagenoʼaeʼmo magoke lagufamo nehaneya kavafeʼmo nehuve.

Kolosi 1:18

Siosi vayaʼmo Kalaisi agufaʼagana huʼa maiʼnagenoʼaeʼmo apakenopaʼagana huno maiʼneno yagaino neʼapate. Agaemo aepa faiʼniya vekamo maiʼniyanageno alagi hogote vekamo maisiyafeʼmo kanolufatiʼmo hogoteno he tiʼniye.

1 Timoti 3:15

Aise afinaʼmo maigeʼna oʼvisugekaeʼmo Goti nopiʼmo maiʼnekaeʼmo hisana kavaʼmo agesanafeʼmo mani gemo avoʼmo nekaove. Ani noʼmo afaʼa neʼmaiya Goti siosiʼamo haneʼnigeno lama geʼamoʼmo hanege hanege huno hanesiyafeʼmo noʼmo posilekeʼmo nehaneya kava huno lama geʼamo siosiʼaleʼmo haneʼniye.

1 Timoti 3:5

Mago vekamoʼmo afamo anagaʼaleʼmo alagepa huno yagaino apatesiyafeʼmo oʼageʼnisiyana haiya kava huno Goti siosi vayaʼaleʼmo yagaino apategaiye.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 21:14

Yafa kegiʼyamo faino ateʼniya yafaʼmo tuolofuʼa yafaʼmo haneʼnigeno ani yafateʼmo sipisipi vekamo tuolofuʼa apa vayaʼamogi apakiʼapimo avoʼmo kae maleʼniye.