Matiyu 15:27 - The Keyagana NT and 25 OT books

²⁷ Ala kava nene, huno, he, lama gemo huʼnanaʼmonanafa nopiʼmo neʼmaiya kalamogi afoʼapimogimo hiʼyalamuteʼmo neʼyaʼmo neʼnagenoʼaeʼmo neʼya atupamo asagauno neʼaigeʼapaeʼmo kalamogi afaʼa neʼnaya yane, huno ha paiʼniye.

Matiyu 15:27 ပူးပေါင်းရင်းမြစ်များ

Aepa Gemae 32:10

Kagaemo aliʼyakamo neʼaluva vekamoʼnaeʼmo kahau huka natege naha maege lama gemo alika nave lige huʼnana kavapiʼmo uʼna haiʼna metaleʼnove. Nagaemo hogoteʼna Yoneni aniʼmo lakaeʼna uʼnova afinaʼmo mago yaʼnimo oʼaliʼnovaʼmonanafa hayopa kayoʼnigeʼmo aliniʼna uʼnove. Aliniʼna uʼnovaʼmonanafa hemenimo halate eʼnova afinaʼmo lole alulaʼmo afole aiʼnone.

Neniyo 9:18

O Gotiʼnimogae, huʼna, kagetafo huka afiyo. Kaulaga ageka ayakeka kagaika taonimo no atufaʼamo ago. Alagepa vayaʼmo maiʼnonaʼmofeʼmo kagaefeʼmo nunumuʼmo nosunanagi kahau huka neʼapatana kavakalefeʼmo nunumuʼmo nehune.

Matiyu 15:26

Nagaemo mafaʼnemogi peleti mayamo aliʼna kalamo apamisuvana kanale osugiye, huno ha paiʼnigenoʼaeʼmo,

Matiyu 15:28

Yesuʼa hunoʼaeʼmo, kagaemo magoʼe huka kagesamo afika fatago nehane. Nehanaʼmofeʼmo kahauʼniya kavaʼmo afaʼa huguve, huno ha paiteno ani afinaʼmo aʼmafaʼneʼamo aipafatiʼmo hosu aune vekamo alino hafaino ataleʼniye.

Matiyu 5:45

Lapakaemo kokuʼnapi Afotapimokana hutapa maisayafeʼmo ani agufa kavaʼmo hiyo. Agaemo hosu vayaʼaitegaʼe alagepa vayaʼaitegaʼeʼmo, yegemo lo, huno nehigenoʼaeʼmo apakaeteʼmo yegemo nele. Agaemo fatago kavaʼmo nehaya vayaʼaitegaʼe fatago kavaʼmo nosaya vayaʼaitegaʼefeʼmo koʼmo aiyo, huno nehigenoʼaeʼmo apakaeteʼmo koʼmo neʼaiye.

Matiyu 8:8

Yagaino neʼapateya vekamoʼmo hunoʼaeʼmo, Ala kava nene, huno, Kagaemo noʼnifiʼmo eka haikeka maisana agufa kava huʼna oʼmaiʼnovanagi keʼageʼmo hugenoʼao aliʼyaʼnimo neʼaliya vekamo hagesigeno he tino alagepa huno maigiye.

Maki 7:28

Ala kava nene, huno, lama gemo huʼnanaʼmonanafa hiʼyalamuʼmo afeʼalumelagamo kalamo maiʼneʼa mafaʼnemogimo neʼyaʼmo neteʼa atalaya atupa neʼyaʼmo neʼnaya yane, huno huʼnigenoʼaeʼmo,

Luki 16:21

hiʼyalamutetiʼmo asagauno aisiya neʼya atupamo alino nesiyafeʼmo maiʼniye. Maiʼnigeʼapaeʼmo kalamogi eʼa amuteʼmo sagani sagani huʼa neʼnae.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Lomu 10:12

Na kava haneʼniyaʼmofeʼmae. Yu nofi vayaʼe alu nofi vayaʼmogiʼeʼmo hailami salami huʼa oʼmaiʼnae. Magokeʼage Ala kava neʼmoʼa muki vayaʼaiteʼmo yagaino neʼapateya vekamo maiʼnigeʼapaeʼmo muki vayaʼmogimo agaefeʼmo keya aeʼa ge nehaya vayaʼaitefeʼmo alopa kagemi yaʼe vekagana huno maiʼneno fikumo hapa maeno neʼapamiye.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 3:29

Yu vayaʼmogitageʼmo Gotitimoʼmo maiʼniye, huta hisupi Yu nofi vayapatiʼmo oʼmaiʼnaya vayaʼmogiʼeʼmo, Gotitimoʼmo maiʼniye, huʼa hugae. He, Yu nofi vayapatiʼmo oʼmaiʼnaya vayaʼmogiʼeʼmo Gotitimoʼmo maiʼniye, huʼa hugae.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.

Efasasi 3:19

Muki alagepa yaʼageʼmo kaipafiʼmo havai teʼniya agufa kava huʼa kagaekana huʼa maisayafeʼmo alagi oʼagesaya agufa kavaʼmo Kalaisiʼa hau ayamopafiʼmo hauʼniya kavaʼmo ageyo, huʼna nunumuʼmo huʼna nelapatove.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.