Matiyu 15:23 - The Keyagana NT and 25 OT books

²³ Yesuʼa geʼaleʼmo aeno atagaina huno ha opaiʼniye. Geʼamo neʼafiya vayaʼmo agaetegamo eʼa, Kahao ke honanagi lakame huno neʼeno keya keya hulino neʼeya a kanomo alika ha faitalegeno vino, huʼa ha paiʼnae.

Matiyu 15:23 ပူးပေါင်းရင်းမြစ်များ

Aepa Gemae 42:7

Yosefeʼa nepuʼamogimo ago apakeʼniyaʼmonanafa oʼapakeʼnegekana huno maiʼneno alu vekagana huno lokiya gefatiʼmo huʼniye. Agaemo hunoʼaeʼmo, Lapakaemo haiya kotegatiʼmo eʼnae, huno ge huno apafi geʼnigeʼapaeʼmo, Kenani kotegatiʼmo viti miya faisunafeʼmo eʼnone, huʼa ha paiʼnae.

Samu 28:1

O, Ala kava nene, huʼna, Alopa yafaʼnimo maiʼnane. Kagaefeʼmo keya aeʼna ge huguve. Kagaemo ge osuka nunumuʼmo hisuva geleʼmo aeka atagaina osisanaʼmoʼmo nagaemo vayaʼmo alopa kelifiʼmo uʼa lamiʼa maiʼnaya vayakana huʼna maiguve.

Matiyu 14:15

Yegemo uno lamino falegefe huʼnigeʼapaeʼmo geʼamo neʼafiya vayaʼmo agaetegamo eʼapaeʼmo, mani koteʼmo kaʼme koteʼmo eta maiʼnonaʼmofeʼmo hani hugefe hiyanagi muki vayaʼmo alika apategeʼa uʼa taoniʼapifati taoniʼapifatiʼmo neʼyaʼapimo miya faiyo, huʼa ha paiʼnageno

Matiyu 15:22

Neʼvigenoʼaeʼmo mago Kenani nofi a kanomo ani haopalega maiʼniya a kanomo agaetega eno alopa gefatiʼmo, Ala kava neʼmo Nevini aginagomo, huno, kahau huka nato. Mago hosu aune vekamoʼa aʼmafaʼneʼnimo aipafiʼmo haino maiʼnenoʼaeʼmo alagi alino hosu huno neʼate, huno ha paiʼniyaʼmonanafa

Matiyu 15:24

Yesuʼa, Gotiʼa naha painoʼaeʼmo, Yu nofi vayaʼmo afela heʼnaya sipisipi vayaʼalegageʼmo uvo, huno huteno alino nateʼnigeʼna emineʼnove, huno ha paiʼniye.