Matiyu 15:10 - The Keyagana NT and 25 OT books

¹⁰ Yesuʼa muki vayaʼaifeʼmo eyo, huno ge huʼnigeʼa eʼa maiʼnagenoʼaeʼmo, lapakaemo afitetapaeʼmo afita aeto hiyo.

Matiyu 15:10 ပူးပေါင်းရင်းမြစ်များ

Aiyeya 55:3

Lapaketafo huta afitetapa nagaetegamo eyo. Afiyo, huʼna, lapakupi mafaʼnemo alagepa huno afaʼa maigiyanagi. Nagaemo hano osuno hanege hanege huno hanesiya kotalakemo lapakaeʼeʼmo hu malegauve. Nagaemo kini vekamo Nevinifeʼmo nahau huʼna kategauve, huʼna huʼnova polomasi gemo afaʼa amagiʼna oʼatalesuva agufa gemo ha paiʼnova kava huʼna lapa paiguve.

Aiyeya 6:9

Huʼnogeno Ala kava neʼmoʼa naha painoʼaeʼmo, Uka ani vayaʼaifeʼmo ina gemo huka hapa paiyo. Lapakaemo ani gemo muki afinaʼmo afime afime viyo. Afigayaʼmonanafa afita aeto osugae. Lapakaemo agege agege hutapa maigayaʼmonanafa ageta aeto osugae, huka hapa paiyo.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 15:11

Apavayafiʼmo neʼnaya neʼyaʼmoʼa alino hosu huno noʼapatefa apavayafatikeʼmo nehaya gemoʼa alino hosu huno neʼapate, huno hapa paiʼniye.

Matiyu 15:9

Nagaefeʼmo fikumo mono nehae. Aliʼa apaya neʼmalaya gemo ma mopafi geʼageʼmo haneʼniye, huno avoʼmo kae maleʼniye, huno hapa paiʼniye.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Luki 24:45

huno apakesamo huno halo aino hapa paiteno alino apaya maleʼniye.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.