Matiyu 14:6 - The Keyagana NT and 25 OT books

⁶ Helotiʼa itaʼamoʼmo alino ateʼniya afinaʼmo halate afole aiʼnigeno neʼyaʼmo yagita huʼnigeʼa eʼa neʼyaʼmo neʼnageno Helotiyasi aʼmafaʼnemoʼmo muki vayaʼai apaulagaleʼmo ohageʼnigeno Helotiʼa lusi kava huno amuse huno ateʼniye.

Matiyu 14:6 ပူးပေါင်းရင်းမြစ်များ

Aepa Gemae 40:20

Loleʼe magoʼe felugamo ago utegeno kini vekamo Feloʼmo itaʼamo alino ateʼniya afinaʼmo afole aiʼnigeno aliʼyaʼamo neʼaliya vayaʼmo alopa neʼyaʼmo yagita huno apateʼniye. Huteno nofi alagafati aniteʼmo neʼyagaiya vekaʼe peleti mayamo nekaya nopiʼmo neʼyagaiya vekaʼeʼmo hatu maeno anateteno anavalelino eno vayaʼai apaulagaleʼmo alino he tino anateʼniye.

Esata 2:18

Inagi kini vekamoʼmo Esataʼmo lusi yagita huno ateʼniye. Agaemo muki hogote vayaʼe gamani vayaʼefeʼmo ge huʼnigeʼa eʼa neʼnae. Kini vekamoʼmo hunoʼaeʼmo, Nagaemo Esataʼmo kuvini a kanomo maisiyafeʼmo lekana paiʼna ateʼnovaʼmofeʼmo nagaemo muki yagaiʼnova koteʼmo maiʼnaya vayaʼmo maitapa haga leyo, huno hapa paiteno muki vayaʼmo magoʼe huno alagepa yaʼmo apamiʼniye. Kini vayaʼmogimo neʼapamiya agufa kava huno magoʼe yaʼmo apamiʼniye.

Matiyu 14:3

Hogoteno Helotiʼa ina kavaʼmo huʼniye. Agaemo aganaʼamo Filipi aʼmo Helotiyasiʼmo aliʼnigeno Yoniʼa ha painoʼaeʼmo, aʼmo aliʼnana kavaʼmo keʼaepa gemo amagika ataleʼnane, huno ha paiʼniyaʼmofeʼmo Helotiʼa atafauno nofi kino ateteno kalavusi huno ateʼniye.

Matiyu 14:7

Agaefeʼmo polomasi gemo ha painoʼaeʼmo, kahauʼnisiya yafeʼmo naha paigeʼnao, afaʼa kamiguve, huno huteno agoʼyamo ataleno ha paiʼniye.

Matiyu 22:24

Apakaemo huʼapaeʼmo, Tisao, huʼa, Moseseʼa alino apaya malenoʼaeʼmo, mago vekamoʼmo a aliteno mafaʼnemo alino oʼateno ago falitesigenoʼaeʼmo aganaʼamoʼmo koguʼamo aliteno faliʼniya vekamo aimuʼyaleʼmo mafaʼnemo alino apategaiye, huno hapa paiʼniye.

Maki 6:14

Muki haopalegamo maiʼnaya vayaʼmogimo Yesu agiʼamo afiʼnagenoʼaeʼmo gamani vekamo yagaino apateʼniya vekamo Helotiʼeʼmo afiʼniye. Afitenoʼaeʼmo, Yoniʼa aniʼmo faleno neʼapateya vekamo kanolufatiʼmo ago he tiʼniyaʼmofeʼmo aipafatiʼmo himamuʼaletiʼmo noʼagaya lokiya kavaʼmo nehiye, huno huʼniye.

Maki 6:17

Hogoteno Helotiʼa ati vayaʼmo alino apateʼnigeʼa uʼa Yoniʼa atafauʼa kalavusi huʼa ateʼnae. Helotiʼa aganaʼamo Filipi aʼmo agiʼamo Helotiyasitefeʼmo kalavusi huno ateʼniye. Helotiʼa Helotiyasiʼmo aliʼnigeno Yoniʼa hunoʼaeʼmo, kaganakamo aʼmo aliʼnanaʼmofeʼmo Goti keʼaepa gemo ago amagika ataleʼnane, huno huʼnigenoʼaeʼmo

Maki 6:19

Helotiyasiʼa Yonifeʼmo hosu aipamo kaliʼnigeno amagigefeʼmo huʼniyana afaʼa oʼamagiʼniye.

Maki 8:15

Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Luki 13:31

Ani afinaʼmo mago Falasi vayaʼmo Yesutegamo eʼa, Helotiʼa kamitimo kamagisiyafeʼmo nehiyanagi kaune ho, huʼa ha paiʼnagenoʼaeʼmo,

Luki 23:11

Helotiʼe ati vayaʼamogiʼeʼmo agiʼaleʼmo aliʼa afepi atege huʼa faipa huʼa atege huteʼa alagepa kukena yaʼmo vaiʼa ateteʼapaeʼmo Helotiʼa halate alino Pailatitegamo ateʼnigeno uʼniye.

Luki 23:7

he, huʼa ha paiʼnagenoʼaeʼmo, Helotiʼa yagaino neʼapateya kote vekamo maiʼniye, huno huteno Helotitegamo alino ateʼnigeno uʼniye. Ani afinaʼmo Helotiʼa Yulusalemu taonifiʼmo eno maiʼniye.

Luki 3:1

Taipiliyasi Sisaʼa hogote vekamo muki vayaʼaiteʼmo fifitiniʼa kafugamo yagaino apateʼnigeno Ponitiyasi Pailatiʼa Yutiya kotega vayaʼaiteʼmo yagaino apateʼnigeno Helotiʼa Galeliya kotega vayaʼaiteʼmo yagaino apateʼnigeno nepuʼamoʼmo Filipiʼa Ituliya kotega vayaʼaiteʼe Talekinaitasi kotega vayaʼaiteʼeʼmo yagaino apateʼnigeno Laiseniyasiʼa Amilini kotega vayaʼaiteʼmo yagaino apateʼniye.

Luki 3:19

Hapa paiʼniyaʼmonanafa yagaino apateʼniya vekamo Helotiʼmo hosu kavaʼmo magoʼe magoʼe huno huʼnigeno Yoniʼa ge hauʼniye. Helotiʼa nepuʼamo aʼmo Helotiyasiʼmo aliʼnigeno Yoniʼa ge hauʼniya geletiʼmo kalavusi huno ateʼniye.

Luki 8:3

Yovana anauʼamo agiʼamo Suyaʼa Heloti noʼafi yateʼmo neʼyagaiya vekamo aʼmo maige Susanaʼe magoʼe huʼa asole aʼne anagaʼmogiʼeʼmo moniʼe neʼyaʼeʼmo ha maeʼa amimale amimale huʼa uʼeʼa huʼnae.

Apa 12:1

Ani afinaʼmo alaʼapimo yagaino neʼapateya kini vekamo Helotiʼa siosi vayaʼmo lusi kava hanageke yaʼmo apamiʼniye.

Apa 4:27

He, lama gemo huʼniye. Helotiʼagi Ponitiyasi Pailatiʼagi alu nofi vayanagi Isaleli vayanagi huʼa aliʼyakamo alisiyafeʼmo lekana paika ateʼnanageno alagepa kavaʼageʼmo huʼniya vekaʼeʼmo kame huʼa atesayafeʼmo aliʼa anupa huʼa maiʼnae.