Matiyu 14:5 - The Keyagana NT and 25 OT books

⁵ Helotiʼa Yoniʼmo kamitimo amagisiyafeʼmo huʼniyaʼmonanafa Yu vayaʼmogimo huʼapaeʼmo, Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnayaʼmofeʼmo vayaʼaifeʼmo koli huteno afaʼa ateʼniye.

Matiyu 14:5 ပူးပေါင်းရင်းမြစ်များ

Matiyu 11:9

Lapakaemo haiya agufa vekamo agesayafeʼmo uʼnae. Lapakaemo Gotitegati gemo alinineno aeno hakalo huno hapa nepaiya vekamo agesayafeʼmo uʼnafiye. He, lapakaemo Gotitegati gemo alini eʼa aeʼa hakalo huʼa hapa nepaiya vayaʼmo aeno apaka seʼniya vekamo agesayafeʼmo uʼnae.

Matiyu 21:26

Hugiyaʼmofeʼmo ma mopafi vayaʼmogimo lekana paiʼa ateʼnae, huta hisunana vaehae asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa nehayaʼmofeʼmo apakaefeʼmo koli hune, huʼa huʼnae.

Matiyu 21:32

Yoniʼa lapakaetegamo eno alagepa kavaʼmo hisaya kavafeʼmo ago alino lapave liʼnigetapa ageʼnayaʼmonanafa lapakesamo afita fatago osuʼnageʼapaeʼmo takesi moni neʼaliya vayaʼe kumai kavaʼmo nehaya aʼnemogiʼeʼmo apakesamo afiʼa fatago huʼnae. Mani kavaʼapimo lapakaemo ago ageʼnayaʼmonanafa lapaipamo alita afe oletapa Yoni geʼaeʼmo lapakesamo afita fatago osuʼnae, huno hapa paiʼniye.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Apa 4:21

Kanisole vayaʼmogi ani gemo afiteʼapaeʼmo anamagisayafe huʼnayana muki vayaʼmogi afole aiʼniya kavafeʼmo Goti agiʼaleʼmo aliʼa asaga huʼnayaʼmofeʼmo anakufaleʼmo mago hosu hanageke yaʼmo anamisaya kaʼmo oʼageʼa anataleʼnageʼana uʼnaʼae.

Apa 5:26

Ati vayaʼaiteʼmo yagaino neʼapateya vekaʼe ati vayaʼaʼeʼmo uʼa apa vayaʼmo apavaleliʼa eʼnae. Apakaemo huʼapaeʼmo, fiku yanageʼa vayaʼmogimo yafa kayotetiʼmo lamagigae, huʼa apakesamo afiteʼa oʼapamagiʼa afaʼa vase huʼa apavaleliʼa eʼnae.