Matiyu 14:31 - The Keyagana NT and 25 OT books

³¹ Yesuʼa malage huno eno ayateʼmo alino he tino atetenoʼaeʼmo, aiseʼamo kagesamo afika fatago nehana vekagi na kava higekaeʼmo lole kagesamo neʼafine, huno ha paiʼniye.

Matiyu 14:31 ပူးပေါင်းရင်းမြစ်များ

Aepa Gemae 22:14

Inagi Emalehamuʼa ani kotefeʼmo, Ala kava neʼmoʼa laha maesiyafeʼmo fikumo lamigiye, huno agi ateʼniye. Vayaʼmogimo ani agimo aeme aeme eʼa hemenimo huʼapaeʼmo, Ala kava neʼmoʼa agaiʼa aveleʼmo laha maesiyafeʼmo fikumo lamigiye, huʼa nehae.

Samu 138:7

Nagaemo hanageke kavaʼmo hisaya folagapiʼmo maiʼnisuvaʼmonanafa nauneʼnameʼnimo alika he tika ategane. Kagaemo nageteka lokiya kavakaletiʼmo apaipamo neleya kame vayaʼnimo apamagiteka apayapatiʼmo nagufamo alika katika nategane. Lamaga kayatetiʼmo alika katika nategane.

Aiyeya 63:12

Gotiʼa Mosese lamaga ayatetiʼmo apavalelino uʼniye. Gotiʼa hanege hanege huno hano osuno hanesiya agiʼamo alisiyafeʼmo ha le konali ayatetiʼmo solovala aniʼmo folagapatiʼmo alino akaka vaeʼniye.

Matiyu 14:30

lusi kava huno yasimo aliʼnigeno koli huteno anipiʼmo alino lapanegefeʼmo nehunoʼaeʼmo, Ala kava nene, huno, nagufamo alika katika nato, huno alopa gefatiʼmo ge huʼniye.

Matiyu 14:32

Sipifiʼmo uʼana nehaiʼagenoʼaeʼmo yasimo oʼaliʼnigeʼa sipifiʼmo maiʼnaya vayaʼmogimo ani kavaʼmo ageteʼa agaefeʼmo mono huteʼapaeʼmo, alagi Goti mafaʼneʼamo maiʼnane, huʼa ha paiʼnae.

Matiyu 16:8

Yesuʼa ge huge afige huʼnaya gemo afitenoʼaeʼmo, na kava higetapa peleti mayamo oʼaliʼnaya kavafeʼmo ge huge afige hulita neʼae. Aiseʼamo lapakesamo afita fatago nehae.

Matiyu 17:20

Yesuʼa hapa painoʼaeʼmo, aiseʼamo lapakesamo afita fatago nehayaʼmofeʼmae. Lama ge lapa nepauve, huno, lapakesamo afita fatago huʼnaya kavatapimoʼa aise avina yaʼmo masateti avina yakana huno haneʼnisiyana lapakaemo mani aveeʼmo, manileʼmo ataleka mugagayaga uvo, hutapa hisageno ugiye. Osisaya agufa kavaʼmo afaʼa hugae.

Matiyu 6:30

Inagi Gotiʼa kahaufilaga kahaumo hemenimo haneʼniyanageno egamo ata lesiya kahaumo auseʼamo vaino neʼateyaʼmofeʼmo kukena yatapimo magoʼe huno lapamigiye. Gotifekeʼmo laha maegaiye, hutapa aiseʼamo lapakesamo afita fatago nehae.

Matiyu 8:26

Aiseʼatoʼamo lapakesamo afita fatago huʼnaya vayanagi na kava higetapaeʼmo koli nehae, huno hapa paitenoʼaeʼmo he tino yasiʼe aniʼefeʼmo afaʼa maiʼao, huno ke hanauʼnigeʼana yasiʼe aniʼeʼmo alagi afaʼa haneʼnaʼae.

Maki 1:31

uno ayateʼmo alino he tino ateʼnigeno amuko kaita hauʼniya yaʼamo hageʼnigeno uno neʼyaʼmo yagita huno apateʼniye.

Maki 1:41

Yesuʼa hau huno atetenoʼaeʼmo ayaʼmo alino ataleno agufaleʼmo maleʼnenoʼaeʼmo, nahauʼniyanagi afaʼa alagepa huka maiyo, huno ha paiʼniye.

Maki 11:23

Lama gemo lapa nepauve, huno, mago vekamoʼa lole agesamo oʼafiʼneno, hisuva gemo alagi afole aigiye, huno agesamo afino fatago huʼnenoʼaeʼmo mani aveeʼmo, nokamo atalekuka solovala anipiʼmo asagauka aiyo, huno huʼnisiyaʼmoʼmo huvo huno hisiya kavaʼmo afaʼa hugiye.

Maki 16:7

Haneʼniyaʼmofeʼmo uta geʼamo neʼafiya vayaʼaifeʼmo hapa paige Pitafeʼmo ha paige hiyo. Yesuʼa Galeliya kotegamo visugetapa nagegae, huno huʼniyanageno uno hogonetesigetapa ani kotegamo agegae, huta hapa paiyo, huno hapa paiʼniye.

Maki 4:40

Yesuʼa geʼamo neʼafiya vayaʼaifeʼmo hunoʼaeʼmo, na kava higetapa lusi kava huta koli nehae. Na kava higetapa nagaefeʼmo lapakesamo afita fatago nosae, huno hapa paiʼnigeʼapaeʼmo

Maki 5:41

Ayateʼmo neʼalinoʼaeʼmo, talita kumi, huno huʼniye. Ani gemo aepaʼamo haneʼniyana aise aʼmafaʼneo he tiyo, huʼna kaha nepauve, huno huʼniye.

Luki 24:34

apakaemo huʼapaeʼmo, alagi lama ge huʼa Ala kava neʼmo ago he tiʼniye. He titenoʼaeʼmo Saimonitegamo afole aiʼnigeno ageʼniye, huʼa hana paiʼnageʼanaeʼmo

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.