Matiyu 13:57 - The Keyagana NT and 25 OT books

⁵⁷ hosu apaugosa kaliteʼa apakameʼyamo amiʼnae. Yesuʼa hapa painoʼaeʼmo, Gotitegati gemo alinineno aeno hakalo huno hapa nepaiya vekamo ala agiʼamo aliʼnisiyaʼmoʼmo taoniʼafiʼmo maiʼnaya vayaʼmogiʼe afamo anagaʼamogiʼeʼmo ala agiʼamo oʼamigae, huno hapa paiʼniye.

Matiyu 13:57 ပူးပေါင်းရင်းမြစ်များ

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Matiyu 11:6

Nataleʼa oʼuʼa nagaefeʼmo alagi apakesamo afiʼa fatago nehaya vayaʼmo aulena vayaʼmo maiʼnae, huno hapa paiʼniye.

Matiyu 13:58

Taoniʼafiʼmo maiʼnaya vayaʼmogi agaefeʼmo apakesamo afiʼa fatago osuʼnayaʼmofeʼmo taoniʼafiʼmo asole noʼagaya agufa aune kavaʼmo osuʼniye.

Maki 6:1

Yesuʼa ani kotegamo ataleno noʼalegamo uʼnigeʼapaeʼmo geʼamo neʼafiya vayaʼmo akame huʼa uʼnae.

Maki 6:14

Muki haopalegamo maiʼnaya vayaʼmogimo Yesu agiʼamo afiʼnagenoʼaeʼmo gamani vekamo yagaino apateʼniya vekamo Helotiʼeʼmo afiʼniye. Afitenoʼaeʼmo, Yoniʼa aniʼmo faleno neʼapateya vekamo kanolufatiʼmo ago he tiʼniyaʼmofeʼmo aipafatiʼmo himamuʼaletiʼmo noʼagaya lokiya kavaʼmo nehiye, huno huʼniye.

Maki 6:3

Lagaemo ageʼnonana noʼmo nekiya vekamo maiʼniye. Maliya mafaʼnemo maiʼnigeta ageteta aganaʼamogimo Yemisiʼagi Yosesiʼagi Yutasiʼagi Saimoniʼagi huta apaketeta asaʼamogiʼeʼmo magokepi lokaeta maiʼnone, huʼa huteʼa hosu apaipamo kaliʼa ateteʼa apakameʼyamo amiʼnae.

Maki 6:4

Yesuʼa hunoʼaeʼmo, Gotitegati gemo alinineno aeno hakalo huno hapa nepaiya vekamoʼmo muki haopalegamo agi haneʼniyaʼmonanafa afamo anagaʼafiʼe noʼalega vayaʼaitegaʼeʼmo agimo ohaneʼniye, huno hapa paiʼniye.

Luki 4:24

Lama gemo lapa nepauve, huno, Gotitegati gemo alini eʼa aeʼa hakalo huʼa hapa nepaiya vayaʼmo afole aiʼnaya koteʼmo uʼnageʼapaeʼmo vayaʼapimogi amuse huʼa noʼapatae.

Luki 7:23

Nagaefeʼmo lole apakesamo noʼafiya vayaʼmogi Goti aulena vayaʼamo maiʼnae, huno hana paiʼnigeʼana uʼnaʼae.

Yoni 4:44

Agaemo hunoʼaeʼmo, Gotitegati gemo alini eʼa aeʼa hakalo huʼa hapa nepaiya vayaʼaifeʼmo koʼapileʼmo maiʼnaya vayaʼmogimo ala apakiʼapimo noʼapamiye, huno hapa paiʼniyaʼmofeʼmo apataleno Galeliya kotegamo uʼniye.

Yoni 6:42

Ge hauʼapaeʼmo, ani kanomo Yesuʼa Yosefe mafaʼnemo oʼmaiʼnifiye. He, ani kanomo maiʼnigeta itaʼafoʼalaʼmoganimo ago anakeʼnone. Na kava higenoʼaeʼmo, nagaemo kokuʼnapati emiʼneʼnove, huno nehiye, huʼa huteʼa huʼa faipa huʼa ateteʼa ge hauʼnae.

Yoni 6:61

Yesuʼa agaiʼa aipafiʼmo agesa afinoʼaeʼmo geʼnimo neʼafiya vayaʼmogi huʼnova geeʼmo hagalu hagalu gemo nehae, huno apaketenoʼaeʼmo, mani huva gemoʼmo aneʼaifiʼmo hegekana huno lapatafauʼnifiye.