Matiyu 13:52 - The Keyagana NT and 25 OT books

⁵² Agaemo hapa painoʼaeʼmo, Afamo anagaʼai afoʼapimo noʼapifiʼmo alagepa yaʼmo saufamo ageno maleʼniya yaʼe akeyaʼvilaga ageno maleʼniya yapatiʼeʼmo alino afamo anagaʼamo neʼapamiya kava huʼa muki keʼaepa gemo tisa vayaʼmogimo Gotiʼa yagaino neʼapateya kavafeʼmo aliʼa apaya maleʼnageʼa afiʼnaya tisa vayaʼapimogi saufa geʼe atafa geʼeʼmo aliʼa neʼapamiye, huno hapa paiʼniye.

Matiyu 13:52 ပူးပေါင်းရင်းမြစ်များ

Esala 7:10

Esalaʼa Ala kava neʼmo keʼaepa gemo alagepa huno afisiyafeʼmo kahauya huno lekana paiteno akame huno Isaleli vayaʼaina alino apaya malesiyafeʼmo aipamo alo huʼniyaʼmofeʼmo Gotiʼa alagepa huno ha maeʼniye.

Esala 7:21

Nagaemo kini vekamo Atasekisiʼnamo Yufaletisi aniʼmo mugagayaga faliga koteʼmo monileʼmo yagaiʼnaya vayaʼaitegamo keʼaepa gemo huʼna atalogeno uʼniye. Nagaemo ina ge huʼna huve. Ani mono huno neʼapateya vekamo Esalaʼmo kokuʼnapi Gotiʼa keʼaepa geʼamo avoʼmo nekaeya vekamoʼa na agufa yafeʼmo ge huno lapafigesifigi malage hutapa amiyo.

Esala 7:6

Esalaʼmo Ala kava neʼmo Isaleli vayaʼmogi Gotiʼapimoʼmo Mosese ayapiʼmo apamiʼniya keʼaepa gemo alagepa huno afiteno avoʼmo nekaeya vekamo maiʼniye. Gotiʼamoʼmo agaeʼeʼmo magokepi lokaeno maiʼnenoʼaeʼmo ha maiʼniyaʼmofeʼmo Esalaʼmo kini vekaeʼmo naha maeka namiyo, huno ge huno afi nekegenoʼaeʼmo inagi kini vekamoʼmo muki ge huno afigeʼniya yaʼmo amiʼniye. Kini vekamo Atasekisiʼmo seveniʼa kafugamo yagaino apateʼnenoʼaeʼmo Esalaʼmo napa vani afinaʼmo napa vani kaileʼmo Mamiloni kotegatiʼmo ataleno mago Isaleli vayaʼeʼmo Yulusalemu taonifiʼmo uʼnae. Ani magokepi lokaeʼa uʼnaya vayapiʼmo mono huʼa neʼapataya vayanagi Livai vayanagi mono yokemo nehaya vayanagi mono noʼmo kipateʼmo neʼyagaiya vayanagi mono noʼafiʼmo aliʼyaʼmo neʼaliya vayanagi huʼa uʼnae.

Mai'naya kavane 11:30

Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Mai'naya kavane 15:7

Afiteʼa ageʼnaya vayaʼmogimo afiʼa aeto hisaya agufa gemo hapa nepaiyaʼmonanafa negi vayaʼmogimo ani agufa gemo nosae.

Mai'naya kavane 18:4

Vayaʼmogi nehaya geʼapimoʼmo ani kotuʼmo vasilonagana huno haneʼniye. Afiteʼa ageʼnaya kavaʼmoʼa meti aniʼmo eno haineno uno nelamiya anikana huno haneʼniye.

Salomoni Yokemae 7:13

Alagepa kahaumo ausemoʼa alagepa atumo neʼaiye. Nagaemo alagepa yosa alagamo aliʼna muki yafa lafi kegiʼya kate kipaʼaleʼmo maleʼnove. Magoʼamo akeyaʼvilaga alige magoʼamo hemenimo alige huʼna aliʼna anupa huʼna maleʼnove. Nahau nayamopafiʼmo neʼnahaiya vekaʼnimogae, huʼna, kagaetefeʼmo aliʼna anupa huʼna maleʼnove, huno ha paiʼniye.

Matiyu 12:35

Alagepa vekamoʼmo kesiʼafiʼmo alagepa yaʼageʼmo ageno maleʼniya yapatiʼmo alagepa yaʼageʼmo alino afole neʼaiye. Ani kava huno hosu vekamoʼmo kesiʼafiʼmo hosu yaʼageʼmo ageno maleʼniya yapatiʼmo hosu yaʼageʼmo alino afole neʼaiye.

Matiyu 13:51

Yesuʼa hunoʼaeʼmo, muki mani gemo aepaʼamo afiʼnafiye, huno apafi geʼnigeʼapaeʼmo, he, huʼa huʼnae.

Matiyu 13:53

Yesuʼa ani aeno kalafefa gemo hapa paiteno ani haopalegatiʼmo ataleno uʼniye.

Matiyu 23:34

Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Luki 11:49

Ani kavafeʼmo Gotiʼa alagepa huno agesamo afiteno ageʼniya vekamoʼmo hunoʼaeʼmo, nagaemo geʼnimo aliniʼuʼa aeʼa hakalo huʼa hapa nepaiya vayaʼe apa vayaʼeʼmo aliʼna apatesugeʼa uʼa maiʼnisageʼapaeʼmo kamitimo apamagige apaini huʼa apatege hugae, huno huʼniye.

Yoni 13:34

Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

Efasasi 3:4

Lapakaemo lekana paitapa afitetapaeʼmo, Poloʼa Kalaisifeʼmo ava gemo alino fala ki maleʼniya gemo ago afiʼniye, hutapa lapakesamo afigae.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Kolosi 1:7

Epafalasifeʼmo lahau layamopafiʼmo lahauʼniya vekamoʼmo lagaeʼeʼmo lokaeno aliʼyaʼmo neʼaliya vekamoʼmo lapakaetefeʼmo Kalaisi aliʼyaʼamo oʼataleno alagepa huno neʼaliya vekamoʼmo mani gemo ago lapa paiʼnigetapa afiʼnae.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

1 Timoti 3:6

Saufamo Goti mafaʼnemo hamaleʼnisiya vekamoʼmo vayatama vekamo oʼmaigiye. Sataniʼa himuʼnamu agesamo afiʼnigenoʼaeʼmo Gotiʼa hunoʼaeʼmo, hosu kagesamo afiʼnane, huno huʼniya agufa gemo huno saufamo agesamo afino fatago huʼnisiya Goti mafaʼnemoʼmo agufamo avalelino nehaisigenoʼaeʼmo Gotiʼa, hosu kavaʼmo huʼnane, huno hugiye.

Taitasi 1:9

Apakaemo lama gemo aliʼa apaya maleʼnaya gemo afiteʼa atafauʼa alagi huʼa maiʼnisayana lokiya vaino neʼapateya geletiʼmo alagepa huʼa aliʼa apaya malege geʼapileʼmo huʼa aeʼa ati nekaya vayaʼai geʼapimo huʼa aeʼa agasege huʼa maigae.