Matiyu 13:43 - The Keyagana NT and 25 OT books

⁴³ Ani afinaʼmo afole aisigeʼapaeʼmo fatago vayaʼmo Afoʼapimoʼmo yagaino neʼapateya koteʼmo yegegana huʼa aeʼa ha leʼa maigae. Lapakesa haneʼnisiyana mani gemo afiyo, huno hapa paiʼniye.

Matiyu 13:43 ပူးပေါင်းရင်းမြစ်များ

Hatu maeno apate'niya gemae 34:35

Isaleli vayaʼmogimo Mosese augosafatiʼmo aeno ha leʼnigeʼa ageʼnayaʼmofeʼmo aino ati kaeno aliʼniye. Aino ati kaeno aliʼnenoʼaeʼmo halate uno Ala kava neʼeʼmo gege hisaʼafeʼmo huʼniya afinaʼmo alino ataleteno Ala kava netegamo uʼniye.

Neniyo 12:3

Kokuʼnaʼmoʼa aeno ha neleya kava huʼa afiteʼa ageʼnaya vayaʼmogimo aeʼa ha legae. Kanefiʼmoʼa aeno ha neleya kava huʼa fatago kavaʼmo hisayafeʼmo vayaʼai apaipamo aliʼa afe leʼa neʼapataya vayaʼmogimo muki afinaʼaeʼmo aeʼa ha lege lege huʼa maigae.

Matiyu 11:15

Lapakaemo gemo afisaya lapakesamo haneʼnisiyaʼmoʼmo afiyo.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 25:36

Kukenaʼnimo ohaneʼnigetapaeʼmo kukenamo aliniteta vaitapa natege kaita nahauʼnigetapaeʼmo eta yagaita natege kalavusifiʼmo maiʼnogetapaeʼmo eta nagege huʼnayaʼmofeʼmae, huno hapa paigiye.

Matiyu 26:29

Lapa nepauve, huno, halate nofi alagafati aniʼmo oʼneʼna maime maime neʼuʼna Afoʼnimoʼmo yagaino neʼapateya koteʼmo saufa afinaʼmo afole aisigeʼnaeʼmo lapakaeʼeʼmo magokepi lokaeta maiʼneta negaune, huno hapa paiʼniye.

Maki 4:23

Ge neʼafisaya lapakesamo haneʼnisiyaʼmoʼmo ani gemo afiyo.

Luki 12:32

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Luki 22:29

Afoʼnimoʼmo ala vekaʼapimo yagaika apatesana vekae, huno lekana paino nateʼniya kavaʼmo huʼna yagaita apatesaya vayane, huʼna lekana paiʼna lapateʼnove.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.