Matiyu 13:38 - The Keyagana NT and 25 OT books

³⁸ Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.

Matiyu 13:38 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Samu 22:30

Afole aisaya vayaʼmogimo aliʼyaʼamo aligae. Vayaʼmogi aliʼa oʼapateʼnayanageʼa henagaʼamo afole aisaya vayaʼaifeʼmo Ala kava nefeʼmo ava gemo huge lagufamo alino katino lateʼniye huʼa huge hugae.

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Matiyu 5:37

He, nehutapaeʼmo heʼagekeʼmo hiyo. Haʼao, nehutapaeʼmo haʼaoʼagekeʼmo hiyo. Magoʼe huta hosu agufa gemo nehaya gemo alagi hosu vekalegatiʼmo neʼe.

Matiyu 8:12

Gotiʼa yagaino neʼapateya kotetiʼmo mafaʼneʼamo hani kopiʼmo alino yaga auno apatalesigeʼapaeʼmo malaga maiʼneʼa aviʼyaʼmo huge apavepiʼmo haniʼa agafu kige huʼa maigae, huno huteno

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Yoni 12:24

Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 14:6

Halate ageʼnovana mago enisole vekamoʼmo alagepa faigoko gemo hanege hanege huno hanesiya gemo alu kotega alu kotegamo maiʼnaya vayanagi muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi huno aeno hakalo huno hapa paisiyafeʼmo kokuʼnaʼmo folagateʼmo halelino uʼniye.