Matiyu 13:33 - The Keyagana NT and 25 OT books

³³ huno huteno Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago aʼmoʼa falaovafiʼmo neʼataya yaʼmo agiʼamo yisimo alino alopa falaovafiʼmo ate maleʼnigenoʼaeʼmo uneno huno muki falaovafiʼmo aliʼyaʼmo aliʼnigeno aeno apafu nele, huno hapa paiʼniye.

Matiyu 13:33 ပူးပေါင်းရင်းမြစ်များ

Aepa Gemae 18:6

Emalehamuʼa malage huno seli nopiʼmo uno haino Selafeʼmo ha painoʼaeʼmo, Malage huka kanale falaovamo alopaʼamo alika peleti mayamo kao, huno ha paiteno

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Matiyu 13:24

Magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo mago hoyagana huno haneʼniye. Mago vekamoʼmo hoyaʼafiʼmo alagepa avina yaʼmo hakale maleʼniye.

Maki 13:20

Ala kava neʼmoʼa ani agufa hanageke afinaʼmo alino hogo huno oʼateʼniesinana muki vayaʼamo ago faliʼnaesinaʼmonanafa lekana paino apateʼniya vayaʼaitefeʼmo ani hanageke afinaʼmo aliʼna hogo huʼna ategauve, huno agesamo afiʼniye.

Luki 13:21

Ina kavakana huno haneʼniyana mago a kanomoʼmo falaovafiʼmo atagu fae maleʼnigeno ko nesiya yaʼmo agiʼamo yisimo alino talamufiʼmo haneʼniya falaovafiʼmo atagu fae maleʼnigeno muki falaovafiʼmo uneno huʼnigeno aeno apafuleʼniye, huno hapa paiʼniye.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Galesiya 5:9

Falaova laʼnefafiʼmo kosisiya yaʼmo aiseʼamo aliʼa neʼatageno uneno nehigeno mukiʼamo aeno apafu leno ko nesiye.

Filipai 1:6

Gotiʼa lapaipafiʼmo aepa faino aliʼyaʼmo alime alime neʼesigeno Kalaisi Yesuʼa eminesiya afinaʼmo aliʼyaʼamo alino hano hugiye, huʼna lole nagesamo oʼafiʼna lokiya vaiʼna alagi nagesamo afiʼna neʼmauve.

Filipai 1:9

Nunumuʼmo huʼna nelapateʼnaeʼmo, Gotiyo, huʼna, apaipafiʼmo aliʼyaʼmo aligeʼapao alagepa huʼa afiteʼa alagepa huʼa aliʼa fako nehuʼapaeʼmo magoʼe huʼa hapau apayamopafiʼmo hapaino.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Samiyo 1:24

Mafaʼnemo nuʼmo ago mosiʼniya afinaʼmo Hanaʼmo avalelino Sailo taonifiʼmo Ala kava neʼmo mono nopiʼmo uʼniye. Agaemo ofalinimo hisiya yaʼeʼmo alinino uʼniya yaʼmo ve pulumakagi naya loleʼa kilo falaovagi magoke kuʼmo mememo agufaletiʼmo alo huʼniya kupiʼmo nofi alagafati aniʼmo lakiʼniya kunagi huno alinino uʼniye. Mafaʼnemo alagi neya mafaʼnemo maiʼniye.