Matiyu 13:30 - The Keyagana NT and 25 OT books

³⁰ vitiʼe inoʼeʼmo magokepi lokaeno haneme haneme neʼvisigeʼapaeʼmo neʼyaʼmo alisaya afinaʼmo aligae. Neʼyaʼmo lesigeʼnaeʼmo neʼyaʼmo alisaya vayaʼaifeʼmo hunoʼaeʼmo, hogoteta inoʼmo alita atafiʼmo kaesayafeʼmo hayaeta maleʼnetapa viti neʼyaʼageʼmo alita neʼyaʼmo neʼmalova nopiʼmo maleyo, huʼna hapa paiguve, huno hapa paiʼniye.

Matiyu 13:30 ပူးပေါင်းရင်းမြစ်များ

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Matiyu 13:25

Muki vayaʼamo ago apau kaleʼnagenoʼaeʼmo kameʼamoʼmo eno vitigana inoʼmo viti hoyafiʼmo fai maleno uʼniye.

Matiyu 13:29

haʼao, huno, inoʼmo alisayategamo vitiʼeʼmo alita vakaigayanagi afa ateyo

Matiyu 25:32

Fai maiʼnisigeʼapaeʼmo muki ma mopafi vayaʼmo eʼa aulagaleʼmo aliʼa anupa huʼa maigae. Afuleʼmo neʼyagaiya vekamoʼmo sipisipiʼe memeʼeʼmo magokepi lokaeʼa maiʼnagenoʼaeʼmo alino fako huno neʼapateya kava huno vayaʼmo alino fako huno apategaiye.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 3:12

Agaemo sipetiʼamo ayapiʼmo aliʼniyanageno vitimo haletiʼyaʼamo sipetiletiʼmo haleteno neʼyaʼamo alino noʼafiʼmo anupa huno maleteno haletiʼyaʼamo alino yu oseno neleya atafiʼmo kaegaiye, huno hapa paiʼniye.

Luki 3:17

Sipetiʼamo ayapiʼmo aliʼniyanageno viti alagamo faino kateno atalesigeno haiteno mopafiʼmo asagauno aisigeno neʼyaʼageʼmo alino anupa huno noʼafiʼmo maleteno haleti yaʼamo yu oseno neleya atafiʼmo alino kaegaiye, huno hapa paiʼniye.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

1 Timoti 5:24

Mago vayaʼai hosu kavaʼapimo hogoteno afole aiʼnigeʼa ageteʼapaeʼmo aliʼa fako huʼa neʼapatayaʼmonanafa mago vayaʼai hosu kavaʼapimo aliʼa fako huʼa neʼapataya afinaʼmo henagaʼamo afole neʼaiye.

1 Samiyo 25:29

Afole aigayaʼmonanafa hemenimo kamekamo afole aiteno kamitimo kahaesiyafeʼmo kahauya nehiyaʼmonanafa Ala kava neʼmo Gotikamoʼmo alagepa huno yagaino katesigeka afaʼa maigane. Afaʼa maiganaʼmonanafa kamekamogi alino yaga auno apatalegaiye.