Matiyu 13:3 - The Keyagana NT and 25 OT books

³ Agaemo aeno kalafefa gefatiʼmo magoʼe gemo huno hapa painoʼaeʼmo, avina yaʼmo nehakaleya vekamoʼmo avina yaʼmo hakalesiyafeʼmo uʼniye.

Matiyu 13:3 ပူးပေါင်းရင်းမြစ်များ

Samu 49:4

Gotiʼa aeno kalafefa gefatiʼmo hisigeʼna afisuvafeʼmo maiʼneʼna afiguve. Nagaemo ani gemo alino fala ki maleʼniya gemo aeʼna hakalo huʼna lapa paiguve.

Samu 78:2

Akeyaʼvilaga kavafeʼmo aeʼna kalafefa gemo huteʼna aepaʼamo lapa paiguve.

Maika 2:4

Ani hosu kavaʼmo afole aisiya afinaʼmo vayaʼmogimo lapakaemo lapamagisiya kavafeʼmo lapava gemo huteʼa huʼa faipa huʼa lapategae. Inagi apakaemo ina ge huʼa faiyosago yokemo huʼa aviʼyaʼmo hugae. Apakaemo huʼapaeʼmo, alagi lamagiʼa aliʼa hano huʼa lataleʼnae. Ala kava neʼmoʼa lagae mopamo alu nofi vayaʼmo alino apamiʼniye. Agaemo mopatimo alino fako huno Gotiʼa ataleʼa uʼnaya vayaʼmo apamiʼniye, huʼa hugae.

Hamakaki 2:6

Aeno apaka seʼniya vayaʼmogimo huʼa faipa huʼa ategae. Apakaemo kalafefa gefatiʼmo huʼa aliʼa afepi ateteʼapaeʼmo, Vaehae, huʼa, kumayaʼmo aliteno kagemi yaʼaʼe vekamoʼmo hamaleʼniyanageno hanageke yaʼmo aligiye. Na magi afinaʼmo ani kavaʼmo hugiye. Goli yafaʼmo kalipa mopagana huno lusi kana yaʼmo aliʼniye.

Matiyu 13:4

Avina yaʼmo yaga auno hakaleme hakaleme uʼnigeno mago avina yaʼmo kateʼmo asagauno aiʼnigenoʼaeʼmo nama anagaʼmogi eʼa neʼnae.

Matiyu 13:53

Yesuʼa ani aeno kalafefa gemo hapa paiteno ani haopalegatiʼmo ataleno uʼniye.

Matiyu 22:1

Halate Yesuʼa aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago ala kini vekamoʼmo mafaʼneʼamoʼmo aʼmo alisiyafeʼmo lusi neʼyaʼmo kaeʼniye.

Matiyu 24:32

Fiki yosaeʼmo aeno kalafefa gemo huʼniya gemo afiyo. Yosa akopamo alino hegafa huteno saufa anupamo maleʼnigeta agetetapaeʼmo, yegemo lesiya afinaʼmo alagi hogo hiye, hutapa nehae.

Maki 12:1

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye.

Maki 12:12

Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.

Maki 3:23

Yesuʼa hunoʼaeʼmo, eyo, huno ge huʼnigeʼa eʼnagenoʼaeʼmo aeno kalafefa gemo huno hapa painoʼaeʼmo, haiya kava huno Sataniʼa agaiʼamo alino ha faino atalegaiye.

Maki 4:13

Hapa paitenoʼaeʼmo, ani aeʼna kalafefa ge huʼnova gemo aepaʼamo oʼafiʼnafiye. Ani aeʼna kalafefa ge huʼnova gemo aepaʼamo oʼafiʼnisayana haiya kava hutapa muki aeʼna kalafefa gemo huʼnova gemo aepaʼamo afigae.

Maki 4:33

Yesuʼa magoʼe huno ani agufa aeno kalafefa gefatiʼmo afaʼa afisayafeʼmo aeno hakalo huno hapa paiʼniye.

Luki 12:41

Pitaʼa hunoʼaeʼmo, Ala kava nene, huno, lagaefeʼmo mani aeka kalafefa gemo laha nepaipi muki vayaʼaifeʼmo hapa nepaine, huno loka huno ge huno afi geʼnigenoʼaeʼmo

Luki 8:10

Yesuʼa hunoʼaeʼmo, lapakaemo Gotiʼa yagaino neʼapateya kavaʼmo alino fala ki maleʼneno ago alino afole aino ateʼniya geeʼmo aeʼna kalafefa gemo huʼnova gemo aepaʼamo lapakaemo afaʼa afigayaʼmonanafa mago vayaʼmogimo alagi oʼafigae. Apakaemo agegayaʼmonanafa ageʼa aeto osuge afigayaʼmonanafa afiʼa aeto osuge hisayafeʼmo ani aeʼna kalafefa gemo huʼna hapa nepauve.

Yoni 16:25

Nagaemo ani kavafeʼmo aeʼna kalafefa gemo huʼna lapa paiʼnovaʼmonanafa afole aisiya afinaʼmo aeʼna kalafefa gemo lapa opaigufa Afoʼnimofeʼmo ava gemo huʼna afole aiʼna lapa paiguve.