Matiyu 13:23 - The Keyagana NT and 25 OT books

²³ Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Matiyu 13:23 ပူးပေါင်းရင်းမြစ်များ

Matiyu 12:33

Alagepa alagamo neʼae, hutapa lapakesamo afiʼnisayana alagepa yosamo haneʼniye, huta lapakesamo afiyo. Hosu alagamo neʼae, hutapa lapakesamo afiʼnisayana hosu yosamo haneʼniye, huta lapakesamo afiyo. Yosa alagaʼamo ageteʼapaekeʼmo na agufa yosamo haneʼnifi huʼa neʼagayaʼmofeʼmae.

Matiyu 13:8

Mago avina yaʼmo alagepa mopafiʼmo asagauno aiteno hageno uno haiteno magoke yosafatiʼmo vani hataletiʼamo aege sigisitiʼamo aege tetiʼamo aege huʼniye.

Matiyu 3:10

Koʼneletiʼmo yosamo hafuʼyaʼaʼeʼmo heno halagatino atalesiyafeʼmo ago alo huno maleʼniye. Agaemo muki yosamoʼmo alagepa alagamo noʼaesiyana koʼneletiʼmo heʼya aino atafiʼmo kaegaiye.

Matiyu 3:8

Lapaipamo alita afe leʼnisayana saufa kavaʼmo hutapa nave liyo.

Maki 10:15

Lama gemo lapa nepauve, huno, mago vekamoʼmo hunoʼaeʼmo Gotiʼa yagaino nategaiye, huno huteno aise mafaʼnegana huno oʼmaiʼnisiyaʼmoʼmo Gotiʼa yagaino apateʼniya kegiʼyafiʼmo afaʼa uno ohaigiye, huno hapa paiʼniye.

Maki 4:20

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa apaipafiʼmo neʼmalagenoʼaeʼmo tetiʼa alagamo aege sigisitiʼa alagamo aege vani hataletiʼa alagamo aege huʼa neʼmaiye, huno hapa paiʼniye.

Luki 13:9

Anaga kafugamo alagamo aesiyaʼmoʼmo kanalene. Alagamo oʼaesigekaeʼmo eka heʼya aika atalegane, huno ha paiʼniye, huno hapa paiʼniye.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Luki 8:8

Mago avina yaʼmo alagepa mopafiʼmo asagauno aiteno hageno haitenoʼaeʼmo vani hataletiʼa alagamo aeʼniye. Gemo neʼafisaya lapakesamo haneʼnisiyana mani gemo alagepa huta afiyo, huno hapa paiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 8:47

Gotiʼa alino apateʼniya mafaʼneʼamogimo Goti geʼamo neʼafiye. Lapakaemo Gotiʼa alino olapateʼniyaʼmofeʼmo Goti geʼamo noʼafiye, huno hapa paiʼniye.

Apa 16:14

Mago a kanomoʼa getimo alagepa huno afiʼniya a kanomo agiʼamo Litiyaʼa Taiyataila taonifi a kanomo alopa moniletiʼmo miya nefaiya oko kenamo miya failineno maketi huʼnigeʼa miya nefaiya a kanomo maiʼniye. Ani a kanomoʼa Gotifeʼmo mono nehiya aʼmo maiʼnigeno Ala kava neʼmoʼa aipa agesamo alino halo aiʼnigeno Polo geʼamo alagepa huno afiʼniye.

Apa 17:11

Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.

2 Kolitiyani 9:10

Avina yaʼmo nehakalaya vayaʼmo avina yaʼmo hakalesayafeʼmo apamige neʼyaʼmo neʼnaya vayaʼmo neʼyaʼmo nesayafeʼmo apamige nehiya vekamoʼmo avina yaʼmo lapamisigetapa hakalesaya avina yafeʼmo hago, huno hisigeno hagesigetapa fatago kavatapiletiʼmo magoʼe magoʼe hutapa aligae.

Filipai 4:17

Nagaemo mago yaʼmo fikumo alisuvafeʼmo nagesamo noʼafufa lapakaekeʼmo akamelegati magoʼe yaʼmo alisayafeʼmo nagesamo neʼafuve.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Kolosi 1:6

Alagepa faigoko geʼamo lapakaeteʼmo eno afole aiʼniya gemoʼa ma mopafi muki haopalegaʼeʼmo eno afole aiteno neʼyaʼamo alino neʼate. Mani gemo Gotiʼa fikumo hapa maeno neʼapamiya gemo afitetapaeʼmo lama gemo haneʼniye, hutapa afiʼnaya afinatetiʼmo lapakaepatiʼeʼmo neʼyaʼmo alino neʼate.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.

2 Tesaloniyani 2:10

Agaemo muki agufa aigofe hosu kavaʼaletiʼmo Gotiʼa alino apagoʼya lagauno apatalesiya vayaʼaifeʼmo humi apategaiye. Apakaemo Gotiʼa apakufamo alino katino apatesiyafeʼmo lama geeʼmo alagi ohapauʼnisigeʼa afela hegae.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

Himulu 6:7

Koʼmo mopafiʼmo aino uno nelamigenoʼaeʼmo neʼyaʼmo nehageya mopamoʼmo hoyamo neʼvaiya vayaʼmo hapa maeʼnigeno Gotiʼa, ani agufa mopaeʼmo alino auleno neʼate.

Himulu 8:10

Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.