Matiyu 13:19 - The Keyagana NT and 25 OT books

¹⁹ Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 13:19 ပူးပေါင်းရင်းမြစ်များ

Mai'naya kavane 1:7

Inagi Ala kava nefeʼmo koli nehaya kavaʼmoʼa afiteʼa agesaya kavaʼmo aepa nefaiya kavaʼmo haneʼniyaʼmonanafa negi vayaʼmogimo afiteʼa ageʼnaya gelefeʼmo apakameʼyamo amiteʼa aliʼa apaya neʼmalaya gemo noʼafiye.

Mai'naya kavane 17:16

Negi vekamoʼmo afiteno agesiya kavaʼmo alisiyafeʼmo ohauʼniyaʼmofeʼmo na kava higenoʼaeʼmo miyaʼamo aliʼniye.

Matiyu 12:26

Sataniʼa vayaʼamo alino hapa faino apatalesiyana agaetegatiʼmo alagi alino fako huno apatalegaiye. Alino fako huno apatesiyana haiya kava huʼa Sataniʼa yagaino neʼapateya vayaʼmo afaʼa maigae.

Matiyu 13:20

Mago vayaʼmogi Goti geʼamo afiteʼapaeʼmo malage huʼa apamogaga neʼaiya kava huno yafa agotofuleʼmo asagauno aiʼniya avina yakana huʼa maiʼnae.

Matiyu 13:38

Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 5:37

He, nehutapaeʼmo heʼagekeʼmo hiyo. Haʼao, nehutapaeʼmo haʼaoʼagekeʼmo hiyo. Magoʼe huta hosu agufa gemo nehaya gemo alagi hosu vekalegatiʼmo neʼe.

Maki 4:15

Mago avina yaʼmo kateʼmo asagauno aiʼniya avina yakana huʼa vayaʼmogi Goti geʼamo neʼafigenoʼaeʼmo Sataniʼa eno apaipafiʼmo hakaleʼniya gemo alinino neʼviye.

Luki 10:9

Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo.

Luki 9:2

Gotiʼa yagaino neʼapateya kavafeʼmo ava gemo aeta hakalo huta hapa paitetapa kaita hapauʼniya vayaʼmo alita hapageta apatemale apatemale huta umenitata hiyo.

Yoni 18:38

Pailatiʼa hunoʼaeʼmo, ani lama gemo na agufa geeʼmo huʼnane, huno afi genoʼaeʼmo Pailatiʼa halate kumatega uno lamino Yu vayaʼaifeʼmo, amagisuva kavaʼmo aepaʼamo oʼageʼnove.

Yoni 8:43

Na kava higetapaeʼmo geʼnimo afitapa aeto nosae. Geʼnieʼmo olapauʼniyaʼmofeʼmo geʼnimo afaʼa oʼafigae.

Apa 17:32

Poloʼa hunoʼaeʼmo, faliʼniyatetiʼmo ago he tiʼniye, huno hapa paiʼnigeʼa afiteʼapaeʼmo mago vayaʼamogimo huʼa faipa huʼa ateʼnageʼapaeʼmo mago vayaʼamogimo, Ani kavafeʼmo ava gemo magoʼe huta afigesune, huʼa ha paiʼnae.

Apa 18:15

Hiyaʼmonanafa geʼaletinagi kavaʼaletinagi lapakae keʼaepa getapiletinagi hutapa agoti huta atesayafeʼmo nehisayana lapakaitapi yane.

Apa 20:25

Nagaemo lapakaetegamo umenitata huʼna Goti kegiʼyafiʼmo neʼmaiya vayaʼaiteʼmo yagaino neʼapateya kavafeʼmo aeʼna hakalo huʼna lapa paiʼnove. Hemenimo ago afiʼnovana halate magoʼe hutapa naugosamo oʼnagegae.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 14:17

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.

Lomu 2:8

Apamigiyaʼmonanafa Gotifeʼmo kame huʼa ateteʼa lama geʼamo akame osuʼa hosu kavaʼmo akame nehaya vayaʼaifeʼmo aipamo leno neʼapateya kayoʼmo apamisigeʼa lusi kana yaʼmo alisageno apakafu kigiye. Ani agufa kavaʼmo muki hosu kavaʼmo nehisaya vayaʼaiteʼmo afole aigiye. Hogoteno Yu vayaʼaiteʼmo afole aiteno Yu nofi vayapatiʼmo oʼmaiʼnaya vayaʼaiteʼmo afole aigiye.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

2 Tesaloniyani 2:12

Na kava hisiyafeʼmae. Goti lama geʼaeʼmo apakesamo afiʼa fatago osuʼneʼa hosu kavafekeʼmo apamogaga neʼaiya vayaʼmogi aigofe gemo afisageno agoti huno apatetenoʼaeʼmo, hosu vayaʼmo maiʼnae, huno hisiyafeʼmae.

Himulu 2:1

Ani kavaʼmo huno maiʼniyaʼmofeʼmo aniʼmoʼa mago yaʼmo alinino neʼviya kava huno fiku yanageno lavalelino visigeta agaetetiʼmo afiʼnona gemo ataleta ugunanagi magoʼe huta afita alagepa huta afigetao.

1 Yoni 3:12

Kenikana huta oʼmaigetao. Keniʼa hosu vekamo mafaʼneʼamo maiʼneno aganaʼamoʼmo kamitimo amagiʼnigeno faliʼniye. Na kava higeno kamitimo amagiʼniye. Keniʼa hosu kavaʼmo huʼnigeno aganaʼamoʼmo fatago kavaʼmo huʼniyaʼmofeʼmo kamitimo amagiʼnigeno faliʼniye.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.