Matiyu 12:6 - The Keyagana NT and 25 OT books

⁶ Lapa paiʼnaeʼmo, mago vekamo agiʼamoʼmo alopa mono noʼmo agiʼamo ago aeno aga seʼniya vekamo manifiʼmo maiʼniye.

Matiyu 12:6 ပူးပေါင်းရင်းမြစ်များ

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Malakai 3:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, nagaemo apa vekaʼnimo aliʼna atesugeno uno hogoteteno kaʼmo valino nategaiye. Ala kava neʼmo kahauya hutapa agesayafeʼmo lapauʼniya vekamo malage huno alopa mono noʼaleʼmo egaiye. Kotalakemo hu maleʼniya gelefeʼmo apa vekaʼamo egaiye. Afiyo, huno, egaiye.

Matiyu 12:5

Keʼaepa gemoʼa hunoʼaeʼmo, mono huʼa neʼapataya vayaʼmogimo Sapati afinaʼmo alopa mono nopiʼmo aliʼyaʼmo aliʼnayana keʼaepa gemoʼa hunoʼaeʼmo, Sapati afinaʼmo aliʼyaʼmo oʼaliyo, huno huʼniya gemo amagiʼa neʼatalayaʼmonanafa vaiʼmo noʼaliye, huno avoʼmo kae maleʼniya gemo lekana paita oʼafiʼnafiye.

Kolosi 2:9

Muki Goti aipa agesamo Kalaisi aipa agesafiʼmo alagi lama ge huno hanege hanege huno nehane.