Matiyu 12:32 - The Keyagana NT and 25 OT books

³² Mago vayaʼmogi Vemo mafaʼneeʼmo huʼa faipa huʼa atesaya hosu kavaʼapimo afaʼa alino atalegaiyaʼmonanafa aote Aunemeʼaeʼmo huʼa faipa huʼa atesaya hosu kavaʼapimo hemenimo alino oʼatalege afole aisiya afinaʼmo alagi alino oʼatalege hugiye.

Matiyu 12:32 ပူးပေါင်းရင်းမြစ်များ

Matiyu 11:19

Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Matiyu 12:31

Ani kavatefeʼmo mani gemo lapa nepauve, huno, Gotiʼa muki alu hosu kava alu hosu kavaʼe huʼa faipa huʼa neʼapataya geʼeʼmo afaʼa alino atalegaiyaʼmonanafa Goti Aunemeʼaeʼmo huʼa faipa huʼa atesaya hosu geʼapimo alagi alino oʼatalegaiye.

Matiyu 12:8

Vemo mafaʼnemoʼmo Sapati afinateʼmo yagaino neʼateyaʼmofeʼmae, huno hapa paiʼniye.

Matiyu 13:22

Mago vayaʼmogi Goti geʼamo afiteʼapaeʼmo ma mopafiʼmo maisaya kavafekeʼmo hapausoli huteʼa kagemi yaʼmoʼa humi neʼapateya yaʼmo alisayafekeʼmo hapaʼye nehigenoʼaeʼmo Goti geʼamo ago aeno ati nekaeya kava huno aufe nofiʼmo haneʼniya yapiʼmo asagauno aiʼniya avina yakana huʼa maiʼnae.

Matiyu 13:39

Kame vekaʼamo maiʼniya kava huno Nevoʼa maiʼniye. Neʼyaʼmo alisaya afinaʼmo haneʼniya kava huno ma mopamo hano hisiya afinaʼmo haneʼniye. Neʼyaʼmo alisaya vayaʼmo maiʼnaya kava huʼa enisole vayaʼmo maiʼnae.

Matiyu 13:40

Inoʼmo aliʼa atafiʼmo kaeʼnaya kava huno hano hisiya afinaʼmo

Matiyu 13:55

Ala agi vekamo mafaʼneʼamo oʼmaiʼniyaʼmonanafa noʼmo nekiya vekamo velafaʼmo mafaʼnemo maiʼniye. Itaʼamoʼmo Maliyaʼa maiʼniye. Yemisiʼagi Yosefeʼagi Saimoniʼagi Yutasiʼmogi huʼa aganaʼamogimo maiʼnae.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Maki 3:28

Lama gemo lapa nepauve, huno, Gotiʼa muki hosu kavaʼapiʼe agaefeʼmo huʼa faipa huʼa neʼataya geʼapiʼeʼmo afaʼa alino atalegaiye.

Maki 3:29

Alino atalegaiyaʼmonanafa aote Aunemeʼaeʼmo huʼa faipa huʼa neʼatesaya vayaʼai hosu kavaʼapimo alagi alino oʼatalesigeno huʼa faipa huʼa neʼataya gemo anonaʼapimo afaʼa hanege hanege huno hanegaiye, huno hapa paiʼniye.

Luki 12:10

Muki vayaʼmogimo Vemo Mafaʼneeʼmo huʼa faipa huʼa atesaya vayaʼmogi hosu kavaʼapimo Gotiʼa afaʼa alino atalegaiyaʼmonanafa Aote Aunemeʼaeʼmo huʼa faipa huʼa atesaya vayaʼmogi hosu kavaʼapimo alagi alino oʼatalegaiye.

Luki 16:8

Aliʼyaʼmo afoʼamoʼmo kagemi yaʼaleʼmo hosu kavaʼmo huno yagaino ateʼniya vekamo agiʼaleʼmo alino asaga huno atetenoʼaeʼmo, agufaeʼmo alagepa huno agesamo afiʼniye, huno huʼniye. Ma mopafi vayaʼmogimo ma mopafi vayaʼaitegamo alu kava alu kavaʼmo hisayafeʼmo alagepa huʼa apakesamo afiteʼa hale yateʼmo neʼmaiya vayaʼmo aeʼa apaka seʼa maiʼnae.

Luki 18:30

ma mopafi maiʼnagenoʼaeʼmo Gotiʼa lusi kava huno magoʼe yaʼmo fikumo neʼapamiyanageno henagaʼamo afole aisiya afinaʼmo alagepa huʼa maige maige huʼa maigae, huno hapa paiʼniye.

Luki 23:34

Yesuʼa hunoʼaeʼmo, Afo, huno, na agufa kavaʼmo nehupi huʼa oʼageʼnayaʼmofeʼmo hosu kavaʼmo anonaʼapimo afaʼa alika atalo, huno nunumuʼmo huʼniye. Kukenaʼamo aliʼa fako hu maleʼneʼa yafatetiʼmo yokalo leʼnae.

Luki 7:34

Vemo mafaʼnemoʼmo emineno neʼyaʼmo mo osino nege nofi alagafati aniʼmo nege huʼnigetapaeʼmo, ageyo, hutapa, neʼyafeʼmo lusi kava huno hauʼnigeno lusi neʼyaʼmo neteno nofi alagafati aniʼefeʼmo lusi kava huno hauʼnigeno neʼneya vekamae. Takesi moni neʼaliya vayaʼe hosu vayaʼeʼmo apao vekamo maiʼniye, hutapa nehae.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Yoni 7:52

Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Efasasi 1:21

Kalaisiʼa kokuʼnapiʼmo maiʼnenoʼaeʼmo hemenimo yagaiʼa neʼapataya vayanagi enisole vayanagi himamu vayanagi ala kava vayanagi ala apaki vayanagi huno ago aeno apakaseno hemenimo yagaino neʼapateyanageno henagaʼamo afole aisiya afinaʼeʼmo ani kavakeʼmo huno yagaino apategaiye.

1 Timoti 1:13

Hogoteʼna Yesufeʼmo huʼna faipa huʼna atege vayaʼaeʼmo naini huʼna apatege kamemo huʼna apatege huʼna maiʼnovaʼmonanafa hau huno nateʼniye. Alagepa huʼna oʼafige nagesamo afiʼna fatago osuge huʼnovaʼmofeʼmo hau huno nateʼniye.

1 Timoti 1:15

Mani lama geeʼmo apakesamo afiʼa fatago huteʼa alisaya gemo haneʼniyana Kalaisi Yesuʼa hosu vayaʼai apakufamo alino katino apateteno hapau vaisiyafeʼmo ma mopafiʼmo emineʼniye, huta nehune. Inagi nagaemo hosu kavaʼmo nehaya vayaʼmo magoʼe huʼna ago aeʼna apakaseʼna hogote hosu vekamo maiʼnove.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

Taitasi 2:12

Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.