Matiyu 12:19 - The Keyagana NT and 25 OT books

¹⁹ Ge ohapauge alopa gefatiʼmo osuge taoni kateʼmo vayaʼai apaulagaleʼmo he tino maiʼneno aeno hakalo huno hapa opaige hugiye.

Matiyu 12:19 ပူးပေါင်းရင်းမြစ်များ

Aiyeya 42:2

Agaemo alopa gefatiʼmo osuge agemo afisayafeʼmo taoni kateʼmo he tino alopa gefatiʼmo osuge hugiye.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Matiyu 12:20

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Ani kava osugiyaʼmonanafa aliʼyaʼmo alime alime neʼvisigeno fatago kavaʼaeʼmo ava gemo alino atesigeno visigenoʼaeʼmo aliʼyaʼaletiʼmo neʼyaʼamo alagi afole aigiye. Afole aisigeʼa alu kotega alu kotegamo maiʼnaya vayaʼmogimo agaefeʼmo aliʼa amufa amigae, huno avoʼmo kae maleʼniye.

Luki 17:20

Mago Falasi vayaʼmogimo Yesufeʼmo huʼapaeʼmo, hainu afinaʼmo Gotiʼa yagaino apatesiya kavaʼmo afole aigiye, huʼa ge huʼa afi geʼnagenoʼaeʼmo, Gotiʼa yagaino apatesiya kavaʼmo afole aisiyaʼmoʼmo muki vayaʼmogimo apaulagafatiʼmo oʼagegae.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.