Matiyu 12:15 - The Keyagana NT and 25 OT books

¹⁵ Yesufeʼmo ani ava gemo huʼnaya gemo ago afitenoʼaeʼmo ani kotetiʼmo ataleno uʼnigeʼa asole vayaʼmo akame huʼa uʼnagenoʼaeʼmo alu kaita alu kaitaʼmo hapauʼniya vayaʼmo alino hapageno apateʼniye.

Matiyu 12:15 ပူးပေါင်းရင်းမြစ်များ

Matiyu 10:23

Mago taonifatiʼmo apaini huʼa lapatesagetapaeʼmo ataletapa lapaune hetaletapa alu taonifiʼmo viyo. Lama ge lapa nepauve, huno, lapakaemo muki Isaleli vayaʼai taoniʼafi taoniʼafiʼmo uteta hutapa hano osuʼnisagenoʼaeʼmo Vemo mafaʼnemo eminegaiye.

Matiyu 19:2

Asole vayaʼmo akame huʼa uʼnagenoʼaeʼmo ani haopalega kaita hapauʼniya vayaʼmo alino hapageno apateʼniye.

Maki 6:56

Yesuʼa aise taonifinagi alopa taonifinagi muki haopalegagi huno umenitata huno maiʼnigeʼapaeʼmo kaita hapauʼniya vayaʼaina apavaleliʼeʼa maketi kumateʼmo apateʼnageʼa maiʼneʼapaeʼmo kaita hapauʼniya vayaʼmogimo huʼapaeʼmo, kahao ke honanagi kukenakamo atupaʼaleʼmo ame aligesune, huʼa huteʼa ame aliʼnae. Muki ame aliʼnaya vayaʼai kaitaʼapimo alino hapageno apateʼniye.

Luki 5:22

Yesuʼa apaipafiʼmo apaketenoʼaeʼmo, na agufa kava higetapaeʼmo ani agufa lapakesamo neʼafiye.

Luki 6:12

Mago afinaʼmo Yesuʼa nunumuʼmo hisiyafeʼmo avefiʼmo uno haino ani haniʼilagamo Gotifeʼmo nunumuʼmo huge huge nehigeno

Luki 9:11

Asole vayaʼmogimo afiteʼapaeʼmo Yesuʼa akame huʼa eʼa avaʼyi huʼnagenoʼaeʼmo alino falu fala huno apateteno Gotiʼa yagaino neʼapateya kavafeʼmo ava gemo huno hapa paige kaita hapauʼniya vayaʼmo alino hapageno apatege huʼniye.

Yoni 11:54

Huʼnayaʼmofeʼmo Yesuʼa magoʼe huno Yu vayaʼai apaulagaleʼmo umenitata osuno ataleno kaʼme kotegamo uno Ifalemu taonifiʼmo geʼamo neʼafiya vayaʼeʼmo maiʼniye.

Yoni 7:1

Mago afinaʼmo utegeʼapaeʼmo Yu vayaʼmogi Yesuʼmo kamiti amagigune, huʼa huʼnayaʼmofeʼmo Yutiya kotegamo umenitata osuno Galeliya kotegageʼmo umenitata huʼniye.

Yoni 9:4

Muki felugaʼamo nagaemo alino nateʼnigeʼna emiʼneʼnova vekamo hauʼniya aliʼyaʼamo aliguve. Haniʼmo hisigeʼapaeʼmo muki vayaʼmogimo aliʼyaʼmo afaʼa oʼaligae.

Galesiya 6:9

Alagepa kavaʼmo nehutaeʼmo alagi alagaʼmo olahaenageta oʼatalesunana hoyatifatiʼmo neʼyaʼmo afu lesiya afinaʼmo alagepa neʼyaʼmo aligune.

1 Pita 2:21

Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.