Matiyu 12:10 - The Keyagana NT and 25 OT books

¹⁰ Mago vekamo ayaʼmo aeno ape leʼniya vekamo ani nopiʼmo maiʼniye. Mago vayaʼamogimo agoti huʼa atesayafeʼmo, mago vekamoʼa Sapati afinaʼmo kaita hauʼnisiya vekamo alino hageno atesiyaʼmoʼmo keʼaepa gemo amagino ataleʼnifiye, huʼa ge huʼa afi geʼnae.

Matiyu 12:10 ပူးပေါင်းရင်းမြစ်များ

Aiyeya 32:6

Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Matiyu 12:2

Falasi mono vayaʼmogimo apaketeʼapaeʼmo Yesufeʼmo huʼapaeʼmo, Apako, huʼa, gekamo neʼafiya vayaʼmogimo Sapati afina keʼaepa gemo ago amagiʼa neʼatalae, huʼa ha paiʼnagenoʼaeʼmo,

Matiyu 19:3

Mago Falasi mono vayaʼmogimo agaetegamo eʼa amalageka huʼa ge huʼa afisayafeʼmo huʼapaeʼmo, aʼne anagaʼmogimo alu kava alu kavaʼmo hisageʼapaeʼmo anauʼapimogimo afaʼa hapa faiʼa apatalesayana keʼaepa getimo amagiʼa atalegafi kanale kavaʼmo hugae, huʼa afi geʼnagenoʼaeʼmo,

Maki 3:2

Mago vayaʼamogimo agoti huʼa atesayafeʼmo ageʼa maiʼneʼapaeʼmo, Sapati afinaʼmo alino api aeno atesifigeta agegaune, huʼa huʼnae.

Luki 11:54

Agoti huʼa atesayafeʼmo hosu gemo hisiyaʼaeʼmae, huʼa huteʼa aneʼaimo hanagigekana hu maleteʼa yagaiʼa maiteʼa afiʼa maiʼnae.

Luki 13:14

Ateʼniyaʼmonanafa Yesuʼa Sapati afinaʼmo alino api aino ateʼniya kavafeʼmo monoteʼmo neʼyagaiya vekamoʼmo aipamo leʼnigeno muki vayaʼaifeʼmo hunoʼaeʼmo, sigisiʼa afinaʼmo aliʼyaʼmo alisaya afinaʼmo haneʼniyaʼmofeʼmo alino alagepa huno lapatesiyafeʼmo sapati afinaʼmo oʼmeta alu afinakeʼmo eyo, huno hapa paiʼnigeno

Luki 20:22

Humi atesayafeʼmo lagaemo Goti keʼaepa geʼamo akame hisunafeʼmo takesi monimo gamani vekamo yagaino nelateya vekamo Sisana amisupi oʼamisune, huʼa ge huʼa afi geʼnageno

Luki 23:14

ani vekamo nagaetegamo avaleliteta agoti huta atetetapaeʼmo, agaemo vayaʼaifeʼmo hunoʼaeʼmo, gamani vayaʼmogi gemo oʼafiyo, huno hapa paiteno apakesamo nefaiye, hutapa naha paiʼnageʼnaeʼmo lapaulagaleʼmo ago aliʼna fako huʼna ateʼnove. Afiyo, huʼna, hosu kavaʼmo huʼniye, hutetapa hosu faigoko gemo huʼnayaʼmonanafa ani huʼniya hosu kavaʼmo alagi oʼagove.

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

Yoni 5:10

Yu vayaʼmogimo ageteʼapaeʼmo, lagae keʼaepa gemoʼa hunoʼaeʼmo, yakaikonakamo aliteka neʼvana kavafeʼmo Sapati afinaʼmo ani kavaʼmo osiyo, huno ka akani maleʼniye, huʼa ha paiʼnagenoʼaeʼmo,

Yoni 5:3

Ani ani kotuʼmo haopaleʼmo faefuʼa noʼmo nokatoʼmuʼageʼmo haneʼniya hiyato nopiʼmo asole vayaʼmo kaita hapauʼniya vayaʼmo eʼa havaeʼa maiʼnae. Apaulagamo ali huʼniya vayaʼmo maige apaiyamo hosuʼniya vayaʼmo maige kanage kanaga osuʼa havaeʼa neʼmaiya vayaʼmo maige huʼnae. Ani ani kotuʼmoʼa kanage kanage hisiyaʼaeʼmo maiʼneʼa ageʼa maiʼnae.

Yoni 7:23

Lapakaemo Mosese keʼaepa gemo amagitapa oʼatalesayafeʼmo mafaʼne anagaʼai apakufamo lagauta neʼapatae. Sapati afinaʼmo apakufamo lagauta neʼapatayaʼmonanafa nagaemo Sapati afinaʼmo mago vekamo muki agufaʼamo alagi aliʼna alagepa huʼna ateʼnovaʼmofeʼmo na kava higetapaeʼmo lapaipamo letapa neʼnatae.

Yoni 8:6

Amalageka huʼa afiteʼapaeʼmo hosu gemo huʼniye, huʼa huteʼa agoti huʼa atesaya geeʼmo kahauya hisayafeʼmo ge huʼa afi geʼnayaʼmonanafa ape huno maiʼneno ati yagaina ayatetiʼmo mopaleʼmo avoʼmo kaeno maiʼniye.

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.