Matiyu 11:7 - The Keyagana NT and 25 OT books

⁷ Yoni geʼamo neʼafiya vayaʼmo ataleʼa neʼvagenoʼaeʼmo Yesuʼa asole vayaʼmo aliʼa anupa huʼa maiʼnaya vayaʼaifeʼmo aepa faino Yonifeʼmo ava gemo huno hapa painoʼaeʼmo, Lapakaemo na agufa yaʼmo agesayafeʼmo kaʼme kotegamo uʼnae. Lapakaemo yasimoʼmo hopaleʼmo alisigenoʼaeʼmo uti uti aisiya yaʼmo agesayafeʼmo uʼnafiye.

Matiyu 11:7 ပူးပေါင်းရင်းမြစ်များ

Aepa Gemae 49:4

Kagaemo afokamo aʼeʼmo magokepi lokaeka havaeʼnanaʼmofeʼmo aeka apaka osegane. Anikana huka maiʼnananageka magoke kavaʼmo hisanafeʼmo lokiyakamo ohaneʼniyaʼmofeʼmo aeka apaka osegane. Hipaʼnileʼmo havaeteka alika hosu huka ateʼnanaʼmofeʼmae.

Matiyu 11:8

Hopamo agesayafeʼmo oʼuʼnisayana na agufa vekamo agesayafeʼmo uʼnae. Lapakaemo alagepa kukenamo vaiʼniya vekamo agesayafeʼmo uʼnafiye. Haʼao alagepa kukenamo neʼvaiya vayaʼmo yagaiʼa neʼapataya vayaʼai nopikeʼmo maiʼnae.

Matiyu 12:20

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Ani kava osugiyaʼmonanafa aliʼyaʼmo alime alime neʼvisigeno fatago kavaʼaeʼmo ava gemo alino atesigeno visigenoʼaeʼmo aliʼyaʼaletiʼmo neʼyaʼamo alagi afole aigiye. Afole aisigeʼa alu kotega alu kotegamo maiʼnaya vayaʼmogimo agaefeʼmo aliʼa amufa amigae, huno avoʼmo kae maleʼniye.

Matiyu 21:25

Gotiʼa lekana paino ateʼnifi ma mopafi vayaʼmogi lekana paiʼa ateʼnae, huno apafi geʼnigeʼa apakaiʼapimo ge huge afige huʼapaeʼmo, lagaemo kokuʼnategatiʼmo aliʼniye, huta hisunagenoʼaeʼmo, kokuʼnategatiʼmo aliʼnisigetapaeʼmo na kava higeta geʼaeʼmo lama gemo huʼniye, hutapa osuʼnae, huno laha paigiye.

Matiyu 3:5

Asole vayaʼmo alopa taonimo Yulusalemu taonifatiʼmo agaetegamo ege muki Yutiya kotega aluga aluga haopalegatiʼmo ege Yoneni aniʼmo uno nelamiya haopalegatiʼmo ege huʼnae.

Luki 8:18

Aliʼnisaya vayaʼmo magoʼe huno apamigiyaʼmonanafa oʼaliʼnisaya vayaʼmogimo aliʼnone, huʼa apakesamo neʼafisaya vayaʼmogi yaʼmo hapa faleno aligiye. Aligiyaʼmofeʼmo ehetapiye, huʼna Goti geʼamo neʼafitapaeʼmo, haiya agufa kava huʼna neʼafufi, hutapa alagepa huta lapakesamo afiyo.

Yoni 1:38

Akame huʼana uʼnaʼageno Yesuʼa aino afe leno anaketenoʼaeʼmo, na agufa yafeʼmo kahauya nehaʼae, huno anafi geʼnigeʼanaeʼmo, Lamai, ina ge huʼana Tisao, nehavana noʼmo haiyate haneʼniye, huʼana afi geʼnaʼagenoʼaeʼmo,

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Yemisi 1:6

Amigiyaʼmonanafa lole agesamo oʼafiʼneno alagepa huno agesamo afino fatago huʼnenoʼaeʼmo ge huno afi gegaiye. Lole agesamo neʼafiya vekamo solovala aniteʼmo yasimo neʼaligenoʼaeʼmo aino holakau holakau hulino uneno nehiya agufa anikana huno maiʼniye.