Matiyu 11:29 - The Keyagana NT and 25 OT books

²⁹ Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Matiyu 11:29 ပူးပေါင်းရင်းမြစ်များ

Samu 116:7

Ala kava neʼmoʼa alagepa huno naha maeʼniyaʼmofeʼmo nauneʼnameyo, huʼna, aika afeleka maika haga lo.

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Mai'naya kavane 3:17

Ani a kanomo neʼviya kaʼmo kanale kaʼmo haneʼniyanageʼa visaya vayaʼmo apamogaga aigae. Muki kaʼaleʼmo visaya vayaʼmogi apaipamoʼmo falu hugiye.

Napa 12:3

Ani vekamo Moseseʼmo agaiʼamo lusi kava huno alino afepiʼmo neʼateya agufa kavaʼmo huʼa muki ma mopafi vayaʼmogimo osuʼnae.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 21:5

Mani gemoʼa hunoʼaeʼmo, Saiyoni taonifiʼmo maiʼnaya vayaʼaifeʼmo hunoʼaeʼmo, Ageyo, huno, alatapimo kini vekamo lapakaetegamo neʼe. Yagu yaga kavaʼmo nehiya vekamo maiʼneno aikeli noki afuleʼmo fai maiteno neʼe, huno huʼniye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 7:24

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Luki 8:35

Muki vayaʼmogi ani kavafeʼmo ava gemo afiteʼapaeʼmo agesayafeʼmo Yesutegamo uʼa agayana hosu apaune vayaʼmo ago ataleʼa uʼnaya vekamo agesamo aino halo aiʼnigeno kukena yaʼmo vaiteno Yesu aiyafiʼmo maiʼnigeʼa ageteʼapaeʼmo apamoʼya aiʼniye.

Yoni 13:15

Mani hemenimo hugetapa agaya agufa kavaʼmo hisayafeʼmo huʼna lapave liʼnovanagi mani agufa kavaʼmo hiyo.

Yoni 13:17

Lapakaemo ani gemo afita alagepa huʼnetapa ani kavaʼmo nehisayana Goti aulagaleʼmo alagepa hutapa maiʼnayanagetapa afaʼa lapamogaga aigae.

Apa 7:37

Ani vekamo Moseseʼa Isaleli vayaʼaifeʼmo hunoʼaeʼmo, Ala kava neʼmo Gotitapimoʼmo mago vekamo agaetegati gemo alinineno aeno hakalo huno lapa paisiya vekamo nagaekana huno maisiya vekamo alino atesigeno lapakaetegamo eminegaiye. Lapakaemo ani vekamoʼmo muki hisiya geʼamo alagepa hutapa afiyo, huno hapa paiʼniye.

1 Kolitiyani 9:21

Keʼaepa gemo oʼaliʼnaya vayaʼmo apavaleliʼna esuvafeʼmo Yu nofi vayapati oʼmaiʼnaya vayaʼaitegamo uʼna aliʼyaʼmo neʼaliʼnaeʼmo keʼaepa gemo oʼaliʼniya vekagana huʼna maiʼnove. Goti keʼaepa geʼamo amagiʼna ataleteʼna afaʼa maiʼnove, huʼna nosufa Kalaisi keʼaepa geʼamo afeʼalumelagamo maiʼnove.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 10:5

Lagaemo muki kame vayaʼmogi yatala noʼapimo heta vayu hulita emiteta afepi neʼatona agufa kavaʼmo huta vayaʼmogi himuʼnamu apakesamo neʼafiya kavaʼmo Gotifeʼmo kame huʼa ateteʼa geʼamo amagiʼa neʼatalaya kavatefeʼmo nofi kita neʼapatone. Lagaemo muki apakesamo neʼafiya kavaʼamo alita nofi kita apateteta Kalaisiʼmo akame hisaya kavategamo apavalelituta neʼapatone.

Filipai 2:5

Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

1 Tesaloniyani 4:2

Ala kava neʼmo Yesutetiʼmo mani kavaʼmo hiyo, huta huʼnona gemo ago afiʼnae.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

1 Yoni 2:6

Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.