Matiyu 11:28 - The Keyagana NT and 25 OT books

²⁸ Muki vayaʼmo alagaʼmo lapaege kana yaʼmo alige huta neʼmaiya vayaʼmo nagaetegamo egeʼnao maitapa haga lesaya yaʼmo lapamiguve.

Matiyu 11:28 ပူးပေါင်းရင်းမြစ်များ

Samu 116:7

Ala kava neʼmoʼa alagepa huno naha maeʼniyaʼmofeʼmo nauneʼnameyo, huʼna, aika afeleka maika haga lo.

Samu 32:4

Ani kava huʼna maiʼnogekaeʼmo felugaʼe haniʼilagaʼeʼmo kana yaʼmo alika namiʼnanagenoʼaeʼmo amuko nehiya afinaʼmo aniʼmo leno nelaneya kava huno lokiyaʼnimo ago hano huʼniye.

Samu 38:4

Hosu kavaʼnimoʼmo anikana huno nagenopaleʼmo aeno nati kaeʼnigeʼnaeʼmo lusi kana yaʼmo aliʼnovaʼmofeʼmo aeno nagaseʼniye.

Aiyeya 1:4

Apakaemo hosu kavaʼmo nehaya nofi vayane. Apakaemo hosu kavaʼapilefeʼmo alopa vaiʼmo aliʼnae. Hosu kavaʼmo nehaya mafaʼne anagaʼmo maiʼnae. Aliʼa hosu huʼa neʼapataya mafaʼne anagaʼmo maiʼnae. Apakaemo Ala kava neʼmo ataleʼa uʼnae. Apakaemo Isaleli vayaʼai Aote Vekamoʼmo aipamo leno apatesiya agufa kavaʼmo huʼnae. Geʼamo amagiʼa ataleteʼa aiʼa atagineʼa hosu kavategamo uʼnae.

Aiyeya 11:10

Ani afole aisiya afinaʼmo Yesi hafuʼyaʼafatiʼmo afole aisiya aginago vekaʼamoʼmo kalahuʼmekana huno maiʼneno he tisigeʼa vayaʼmogi agaetegamo eʼa aliʼa anupa huʼa maigae. Malaga nofi vayaʼmogimo kahauya huʼa ageteʼa agaetegamo egae. Agaemo fiku hapa maeno apamisigeʼa ha le konali noʼafiʼmo maiʼa hagalegae.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Matiyu 23:4

Apakaemo kana yaʼageʼmo hayaeteʼa vayaʼai apakiʼnaleʼmo aliʼa kofiʼa neʼapatayaʼmonanafa apakaiʼapimo magoke apaya akoʼyaletiʼmo hapa maeʼa aliʼa asaga huʼa noʼapatae.

Yoni 6:37

Muki vayaʼamo muki yaʼmo Afoʼamoʼmo apavaleno neʼnamiya vayaʼamo nagaetegamo egae. Nagaetegamo eʼa maiʼnisaya vayaʼmo alagi aliʼna hapafaiʼna oʼapatalegauve.

Yoni 7:37

Hopa afinaʼmo hano hugefeʼmo huʼniya afinaʼmo henagaʼamo alopa afinaʼmo afole aiʼnigenoʼaeʼmo Yesuʼa he tino alopa gefatiʼmo hapa painoʼaeʼmo, mago vekamoʼa anifeʼmo hauʼnisiyana eno nagaetegatiʼmo aniʼmo neno.

Apa 15:10

Gotiʼa ani kavaʼmo nehiyaʼmofeʼmo na kava higetapa Gotiʼmo amalageka hugefe nehae. Mosese keʼaepa gemo akame hisaya kavaʼmo lusi kava huno kana huʼniya gemo haneʼniye. Laginago vayaʼmogiʼe lagaeʼeʼmo afaʼa akame osuʼnone. Fiku yanageta kana huʼniya gemo geʼamo neʼafiya vayaʼaifeʼmo hapa paigune.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Galesiya 5:1

Kalaisiʼa afa vayaʼmo maisunafeʼmo hatu maeno lateʼnigeta afa vayaʼmo maiʼnonaʼmofeʼmo ani kava huta lokiya vaita afa vayakeʼmo maigetao. Keʼaepa gemo afeʼalumelagamo aliʼa lapatesayafeʼmo nehayanagi halate kana huʼniya aliʼyaʼmo alitetapa kalavusifiʼmo oʼmaiyo.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.