Matiyu 11:21 - The Keyagana NT and 25 OT books

²¹ Kolasini taonifiʼmo maiʼnaya vayaʼmogitapae, huʼna, vaehae, huʼna, Metasaita taonifiʼmo maiʼnaya vayaʼmogitapae, huʼna, vaehae. Taonitapifiʼmo noʼagaya agufa lokiya naune kavaʼmo huʼnova agufa kavaʼmo Taiya taonifiʼe Saitoni taonifiʼeʼmo mago vayaʼmogi huʼnaesinana akeyaʼvilagamo apaipamo ago aliʼa afe leteʼa hosu kogu kukenamo vaiteʼa laʼnefamo faleʼnaesine.

Matiyu 11:21 ပူးပေါင်းရင်းမြစ်များ

Matiyu 11:22

Lapa paiʼnaeʼmo agoti huno apatesiya afinaʼmo Taiya taonifiʼe Saitoni taonifiʼeʼmo maiʼnaya vayaʼmogi aise hanageke yaʼmo aligayaʼmonanafa lapakaemo magoʼe hutapa lusi hanageke yaʼmo aligae.

Matiyu 15:21

Inagi Yesuʼa ani kotetiʼmo ataleno Taiya taonimo hanete Saitoni taonimo hanete huʼniya haopalegamo uʼniye.

Matiyu 18:7

Vaehae, huʼna, apayate aligayaʼmonanafa apayate alisaya vayaʼmo lusi hanageke yaʼmo aliteʼa kage kage huʼa yulagefa aigae.

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Maki 6:45

Yesuʼa malage huno geʼamo neʼafiya vayaʼaifeʼmo hunoʼaeʼmo, sipifiʼmo uta haitetapa uta hogoteta aniʼmo mugagayaga faliga Metasaita taonifiʼmo neʼvigeʼnao, huno huteno asole vayaʼmo alino apateʼnigeʼa uʼnae.

Maki 7:24

Yesuʼa mani kotetiʼmo ataleno Taiya taoniʼe Saitoni taoniʼeʼmo haneʼniya haopalegamo uʼniye. Uno mago nopiʼmo uno haino maiʼnenoʼaeʼmo mago vekamoʼmo hunoʼaeʼmo, Yesuʼa ani nopiʼmo eno maiʼniye, huno hisiyafeʼmo ohauʼniyaʼmonanafa ago ageʼnae.

Maki 7:31

Yesuʼa Taiya haopalegatiʼmo atalenuno Saitoni taonimo aeno aga senuno magoʼe huno naya loleʼa taonimo aeno aga senuno Galeliya ani kotuʼmo haopaleʼmo uno avaʼyi huʼniye.

Maki 8:22

Apakaemo uʼa Metasaita taonifiʼmo avaʼyi huʼnageʼapaeʼmo mago vayaʼmogi aulagamo ali huʼniya vekamo avaleliʼa Yesutega eʼapaeʼmo, kahao ke honanagi agaeteʼmo kayaʼmo malo, huʼa huʼnageno

Luki 4:26

Gotiʼa Ilaiyaʼmo alino ateʼnigeno Sitoni kotega Salefeti taonifiʼmo magoke kogu ategamo uʼniye.

Luki 6:17

Avefatiʼmo Yesuʼe apakaeʼeʼmo emi eʼa otuleʼmo he tiʼa maiʼnae. Asole vayaʼmo geʼamo neʼafiya vayanagi muki Yutiya haopalegatiʼmo ege Yulusalemu taonifatiʼmo ege ani haigifatiʼmo Taiya taonifatiʼe Saitoni taonifatiʼeʼmo ege huʼnae. Geʼamo afisayafeʼmo ege kaitaʼapimo alino hapageno apatesiyafeʼmo ege huʼa eʼa maiʼnae.

Luki 9:10

Apa vayaʼmo halate Yesutegamo aiʼa atagi neʼeʼa muki huʼnaya kavafeʼmo ava gemo huʼa ha paiʼnageno afitenoʼaeʼmo apavalelinuno Metasaita taoni haopalegamo apakaiʼapigeʼmo uʼa maiʼnae.

Yoni 1:44

Filipiʼa Metasaita taonifiʼmo Eʼnaluʼe Pitaʼeʼmo maiʼnaʼa taonifiʼmo maiʼniye.

Yoni 12:21

Apakaemo Filipiʼa Galeliya kotega Metasaita taonifi vekalegamo eʼa, lao vekae, huʼa, Yesuʼmo agesunafeʼmo nehune, huʼa afi geʼnageno

Apa 12:20

Helotiʼa mago afinaʼmo Taiya taonifi vayaʼe Saitoni taonifi vayaʼeʼmo aipamo leno apateʼniye. Apakaemo Helotiʼa yagaino neʼapateya kotegatiʼmo uʼa neʼyaʼmo miya failiʼa eʼnayaʼmofeʼmo aipamoʼmo falu hisiyafeʼmo magoke apaipa apakesa aliteʼa Helotitegamo eʼnae. Eʼapaeʼmo hogoteʼa Milasitasiʼa Heloti noʼaleʼmo neʼyagaiya vekaeʼmo ha paiʼnageno apao vekamo hamaleʼniye.

Apa 27:3

Egamo Saitoni taonifiʼmo uta avaʼyi huteta Yuliyasiʼa Polofeʼmo hunoʼaeʼmo, kagaemo kao vayaʼmo afaʼa uka apakegane. Mago kaha maesiya yaʼmo kamisageka aligane, huno ha paiʼnigeno Poloʼa mopafiʼmo uno lamiʼniye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.

Leveleseni 6:12

Ageʼnovana aikeli sipisipimoʼa napa sigisi kamemo alino neʼakaigenoʼaeʼmo lusi imimaʼmo aliʼnigeno yegemo oleno alino anupaʼage huteno anupa kenagana huʼnigeno kaimoʼmo kolakana huʼniye.